અસર / કોરોનાએ ઓલિમ્પિક્સ પર પણ 'બ્રેક' લગાવી, રમતોનો મહાકુંભ 1 વર્ષ માટે મોકૂફ

• કોરોના વાયરસની દુનિયાભરમાં અસર
• ટોક્યો ઓલિમ્પિક્સનું આયોજન એક વર્ષ માટે કરાયું મોકૂફ
• જાપાનના પ્રધાનમંત્રીએ રમતોત્સવ બંધ રાખવાની કરી હતી અપીલ

અમેરિકા, કેનેડા, ઓસ્ટ્રેલિયા અને ન્યૂઝીલેન્ડના ઓલિમ્પિક્સ રમત માટે રમતવીરો ન મોકલવાના નિર્ણય બાદ રમતના મહાકુંભને એક વર્ષ માટે ટાળી દેવાનું દબાણ જોવા મળ્યું હતું. ત્યારે હવે આ આયોજનને એક વર્ષ માટે મોકૂફ રાખવામાં આવ્યું છે.

ઓલિમ્પિક રમતોત્સવ 2021માં યોજાશે 

ઓલિમ્પિક રમતોત્સવ 24 જુલાઈથી 9 ઓગસ્ટ 2020 સુધી યોજવામાં આવનાર હતો. હવે તે 2021 માં રમાશે. કોવિડ -19 ને કારણે અત્યાર સુધીમાં વિશ્વભરમાં 17,000 થી વધુ લોકો મૃત્યુ પામ્યા છે.

જાપાનના PMએ કરી હતી અપીલ 

To safeguard the health of the athletes and everyone involved in the Tokyo 2020 Games.

The Tokyo 2020 Olympic and Paralympic Games will now take place no later than summer 2021.

— #Tokyo2020 (@Tokyo2020) March 24, 2020

જાપાનના વડા પ્રધાન શિંઝો આબેએ કહ્યું છે કે તેમણે આંતરરાષ્ટ્રીય ઓલિમ્પિક સમિતિને રમતો એક વર્ષ માટે મુલતવી રાખવા અપીલ કરી છે. જેના માટે IOCએ સંમતિ આપી અને રમતોના મહાકુંભને એક વર્ષ માટે મોકૂફ રાખવાનો નિર્ણય કર્યો.

શિન્ઝો આબેએ આઈઓસીના પ્રમુખ થોમસ બાક સાથે વાત કર્યા પછી કહ્યું કે, મેં ટોક્યો ઓલિમ્પિક રમતોને એક વર્ષ માટે મોકૂફ રાખવાની રજૂઆત કરી હતી અને ચેરમેન બક તેમાં સહમત થયા હતા.