ભારતનાં 'રવિ'નો ઉદય
રેસલર રવિ કુમારે આજે ઈતિહાસ રચ્યો છે, પુરુષોનાં ફ્રી સ્ટાઈલ 57 કિલો કેજટેગરીમાં કઝાકિસ્તાનનાં નૂરીસલામને હરાવી ફાઇનલમાં જગ્યા બનાવી છે. ફૈયાનલમાં પહોંચતા જ ભારત માટે સિલ્વર મેડલ પાક્કો થઈ ગયો છે જ્યારે પહેલો ગોલ્ડ મેડલ મળે તેવી આશા પણ જાગી છે. રવિ શરૂઆતમાં તો પાછળ ચાલી રહ્યા હતા પરંતુ એક એક સેકન્ડમાં પરિસ્થિતિ બદલાઈ રહી હતી. જે બાદ રવિની જીત થઈ.
ટોક્યોમાં આજે ઑલિમ્પિક્સનો 13મો દિવસ
ટોક્યો ઑલિમ્પિક્સનો આજે 13મો દિવસ છે, આજે સવારે મહિલા પહેલવાન લવલીનાએ સેમીફાઇનલમાં હારનો સામનો કરવો પડ્યો અને તેમને બ્રોન્ઝ મેડલ મળ્યો છે ત્યારે ભારતનાં બે પુરુષ પહેલવાનોએ પણ આજે જોરદાર પ્રદર્શન કર્યું હતું.
આજે સવારે જીત બાદ બપોરે થઈ સેમીફાઇનલ મેચ
કુસ્તીમાં ભારતીય કુસ્તીબાજો સતત સારું પ્રદર્શન કરી રહ્યા હતા. રવિ દહિયા 57 કિગ્રા કેટેગરીમાં અને દીપક પૂનિયા 86 કિગ્રા કેટેગરીમાં સેમિફાઇનલમાં પહોંચ્યા હતા, જ્યારે રવિએ શાનદાર પ્રદર્શન કરી બલ્ગેરિયા સામેની મેચ 14-4થી જીતી છે, ઉલ્લેખનીય છે કે, દિપકે છેલ્લી સેકન્ડમાં ચીનના શેનને 6-3થી હરાવ્યો. આ સાથે જ દીપક પૂનિયાનો સામનો સેમિફાઇનલમાં અમેરિકાના ડેવિડ મોરિસ ટેલર સાથે થયો જ્યારે રવિનો મુકાબલો કઝાખસ્તાનના નુરીસ્લામ સનાયેવ સાથે થયો.
આજે સવારે નિરજ કુમારે મેળવ્યો ફાઈનલમાં પ્રવેશ
ભારતના સ્ટાર રમતવીર નીરજ ચોપડાએ બુધવારે ટોક્યો ઓલિમ્પિકની જેવેલિન થ્રો 83.50 મીટરની સ્પર્ધામાં ગ્રુપ A ક્વોલિફિકેશનમાં સ્થાન પ્રાપ્ત કર્યું છે. ચોપડાએ ઓલિમ્પિકમાં પદાર્પણ કરતા પોતાના પ્રથમ પ્રયાસમાં 86.65 મીટરના અંતરે બરછી ફેંકીને ફાઇનલ માટે ક્વોલિફાય કર્યું હતું, જેનાથી ભારતની મેડલની આશા વધી હતી. ચોપડાની ઓલિમ્પિક માટેની તૈયારીઓ ઈજા અને કોવિડ -19 મહામારીને કારણે પ્રભાવિત થઈ હતી પરંતુ તેમણે પોતાના ચાહકોને જરા પણ નિરાશ કર્યા ન હતા અને ઓલિમ્પિકમાં તેના પ્રથમ ફેંક પર જ ફાઇનલમાં સ્થાન મેળવ્યું હતું.
83.50 મીટરમાં મેળવી સફળતા
જેવેલિન થ્રોમાં, ટોચના 12 ખેલાડીઓ, જેમણે ગ્રુપ A અને ગ્રુપ B માંથી 83.50 મીટરનું ઓટોમેટિક ક્વોલિફિકેશન લેવલ હાંસલ કર્યું છે, તે ફાઇનલ માટે ક્વોલિફાય થશે. ફાઇનલ 7 ઓગસ્ટના રોજ યોજાશે. તો આ તરફ ગ્રુપ બીમાં આજે જ ભારતના શિવપાલ સિંહ પણ ફાઇનલમાં ક્વોલિફાય થઈ શક્યા નહોતા.