IPLIN
 

BIG NEWS / Tokyo Olympics 2020 : 41 વર્ષ બાદ હૉકીમાં ભારતે રચ્યો ઈતિહાસ, જર્મનીને પછાડી જીત્યો મેડલ

Team VTV 08:48 AM, 05 Aug 21 | Updated: 08:53 AM, 05 Aug 21
Follow us
Tokyo Olympics 2020 : team india wins bronze in hockey

સેમીફાઇનલમાં હાર બાદ આજે બ્રોન્ઝ મેડલ માટે પુરુષ હૉકી ટીમ જર્મની સામે મેદાનમાં ઉતરી હતી.

  • પુરુષ હૉકીમાં આજે બ્રોન્ઝ માટે લડયું ભારત 
  • જર્મની સામે ટીમ ઈન્ડિયા પહેલા ક્વાર્ટરમાં રહી પાછળ 

હૉકીમાં આજે ભારત અને જર્મની વચ્ચે બ્રોન્ઝ મેડલ માટે મેચ જામી હતી જે બાદ ભારતે છેક છેલ્લી ઘડી સુધી મેચ ખેંચી અને તે બાદ ભારતે ટોક્યોમાં તિરંગો લહેરાવી દીધો અને બ્રોન્ઝ જીત્યો 

સેમીફાઇનલમાં હાર્યા બાદ આજે બ્રોન્ઝ માટે મુકાબલો 
ટોક્યો ઑલિમ્પિક્સમાં ભારત માટે આજનો દિવસ ખૂબ જ ખાસ છે કારણ કે આજે આખા દેશની નજર ભારતનાં હૉકી ખેલાડીઓ પર હતી. સવારે સાત વાગ્યે બ્રોન્ઝ મેડલ માટે ભારત અને જર્મની વચ્ચે મુકાબલો શરૂ થયો. જેમાં શરૂઆતમાં જર્મનીએ ભારત પર સારી પકડ બનાવી હતી. 

પહેલા ક્વાર્ટરમાં ભારત પછડાયું 
હૉકીમાં પહેલા ક્વાર્ટરમાં જર્મની ભારતીય ટીમ પર ભારે સાબિત થયું હતું, જર્મની અટેક મોડમાં રહ્યું અને મેચનાં પહેલા જ મિનિટમાં તેણે ગોલ કરી દીધો. 

બીજા ક્વાર્ટરમાં ટીમે કરી વાપસી 
જોકે બાદમાં મેચની 17મી મિનિટે ભારતે વાપસી કરી હતી. સિમરનજીતે બીજા ક્વાર્ટરમાં એક ગોલ કર્યો અને તે બાદ મુકાબલો 1-1થી બરાબરી પર પહોંચ્યો હતો. 

બરાબરની રસાકસી જામી 
ભારત અને જર્મની વચ્ચે આજે કાંટાની ટક્કર જોવા મળી હતી, પહેલા જર્મનીએ બે સતત ગોલ કર્યા જે બાદ એવું લાગ્યું કે ભારત માટે રાહ મુશ્કેલ બની છે. જોકે તે બાદ ભારતે શાનદાર વાપસી કરી અને બીજા ગોલ કરીને ફરી મુકાબલો 3-3 પર આવીને ઊભો રહ્યો હતો. 

ત્રીજા ક્વાર્ટરનાં અંતમાં ભારત ક્યાં આગળ નીકળ્યું 
જર્મનીએ પહેલા સતત બે ગોલ કરતાં ભારત પર દબાણ ઊભું થયું હતું પરંતુ તે બાદ ભારતીય હૉકી પ્લેયર્સે એક બાદ એક ગોલ કર્યા અને મુકાબલો ભારતનાં પક્ષમાં આવી ગયો. ભારતનાં પાંચ જ્યારે જર્મનીનાં 3 ગોલ થયા હતા.  

છેલ્લી ઘડીમાં ધબકારા વધ્યા 

આજનો દિવસ ભારત માટે ખૂબ જ ખાસ 
આજે ચાર મેડલ દાવ પર લાગેલા છે. આજે કુશ્તી માટે પણ એક તરફ પુનિયા બ્રોન્ઝ માટે મેદાનમાં હશે જ્યારે રવિ દહિયા ગોલ્ડ લાવવા માટે લડશે. આ બંનેનો ખેલ આજે બપોરે પોણા ત્રણ વાગ્યે શરૂ થવાનો છે. મહિલા કુશ્તીમાં બર્થ ડે ગર્લ અંશુ મલિક પણ આજે ભારતને સારા સમાચાર અપાવે તેવી દેશાવાસીઓને આશા છે. 

પુરુષ અને મહિલા ટીમ માટે કરો યા મરોની સ્થિતિ 
હૉકીમાં ભારતનો ઈતિહાસ શાનદાર રહ્યો છે. પરંતુ વર્ષ 1980 બાદ હૉકીમાં ભારત એક પણ મેડલ જીતી શક્યું નથી. આટલા લાંબા ઈંતેજાર બાદ ભારત મેડલની રેસમાં સામેલ છે જેમાં પુરુષ અને મહિલા બંને ટીમ પાસે બ્રોન્ઝ મેડલ જીતવાની તક છે. 

Hockey indian hockey team Tokyo Olympics 2020 ઑલિમ્પિક્સ 2020
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ