Tokyo Olympics 2020 / BIG NEWS: ભારતને વધુ 2 મેડલ પાક્કા, દીપક પૂનિયા અને રવિ દહિયા સેમી ફાઈનલમાં

આજે વહેલી સવારથી ભારતીયો માટે સારા સમાચાર મળી રહ્યા છે. ત્યારે નિરજ ચોપડા બાદ રવિ દહિયા અને દીપક પૂનિયાએ ટોક્યો ઓલિમ્પિકમાં કમાલ કર્યો છે. 

#TokyoOlympics: Indian wrestler Ravi Kumar Dahiya beats Oscar Tigreros of Colombia to move into quarters of men's freestyle (57kg) pic.twitter.com/VhWz38T7wY

— ANI (@ANI) August 4, 2021

દીપક પૂનિયા અને  રવિ દહિયાએ સેમી ફાઈનલમાં મેળવ્યું સ્થાન 

#TokyoOlympics: Indian wrestler Deepak Punia (in file photo) defeats Ekerekeme Agiomor of Nigeria in men's freestyle (86kg) to move into quarters pic.twitter.com/CR1TradszD

— ANI (@ANI) August 4, 2021

કુસ્તીમાં ભારતીય કુસ્તીબાજો સતત સારું પ્રદર્શન કરી રહ્યા છે. રવિ દહિયા 57 કિગ્રા કેટેગરીમાં અને દીપક પૂનિયા 86 કિગ્રા કેટેગરીમાં સેમિફાઇનલમાં પહોંચ્યા છે. જ્યારે રવિએ બલ્ગેરિયા સામેની મેચ 14-4થી જીતી છે, ઉલ્લેખનીય છે કે, દિપકે છેલ્લી સેકન્ડમાં ચીનના શેનને 6-3થી હરાવ્યો. આ સાથે જ દીપક પૂનિયાનો સામનો સેમિફાઇનલમાં અમેરિકાના ડેવિડ મોરિસ ટેલર સાથે થશે જ્યારે રવિનો મુકાબલો કઝાખસ્તાનના નુરીસ્લામ સનાયેવ સાથે થશે.

આજે સવારે નિરજ કુમારે મેળવ્યો ફાઈનલમાં પ્રવેશ

ભારતના સ્ટાર રમતવીર નીરજ ચોપડાએ બુધવારે ટોક્યો ઓલિમ્પિકની જેવેલિન થ્રો 83.50 મીટરની સ્પર્ધામાં ગ્રુપ A ક્વોલિફિકેશનમાં સ્થાન પ્રાપ્ત કર્યું છે. ચોપડાએ ઓલિમ્પિકમાં પદાર્પણ કરતા પોતાના પ્રથમ પ્રયાસમાં 86.65 મીટરના અંતરે બરછી ફેંકીને ફાઇનલ માટે ક્વોલિફાય કર્યું હતું, જેનાથી ભારતની મેડલની આશા વધી હતી. ચોપડાની ઓલિમ્પિક માટેની તૈયારીઓ ઈજા અને કોવિડ -19 મહામારીને કારણે પ્રભાવિત થઈ હતી પરંતુ તેમણે પોતાના ચાહકોને જરા પણ નિરાશ કર્યા ન હતા અને ઓલિમ્પિકમાં તેના પ્રથમ ફેંક પર જ ફાઇનલમાં સ્થાન મેળવ્યું હતું. 

83.50 મીટરમાં મેળવી સફળતા

જેવેલિન થ્રોમાં, ટોચના 12 ખેલાડીઓ, જેમણે ગ્રુપ A અને ગ્રુપ B માંથી 83.50 મીટરનું ઓટોમેટિક ક્વોલિફિકેશન લેવલ હાંસલ કર્યું છે, તે ફાઇનલ માટે ક્વોલિફાય થશે. ફાઇનલ 7 ઓગસ્ટના રોજ યોજાશે. તો આ તરફ ગ્રુપ બીમાં આજે જ ભારતના શિવપાલ સિંહ પણ ફાઇનલમાં ક્વોલિફાય થઈ શક્યા નહોતા.