ઘણા લોકોને ખબર નથી કે ભારતમાં મહિલા અને પુરુષની હૉકી ટીમને ઓડિશાની સરકાર સ્પોન્સર કરે છે.
ઑલિમ્પિક્સનાં કારણે ફરી ચર્ચામાં આવી હૉકી
ટીમની સાથે સાથે ઓડિશાનાં મુખ્યમંત્રી પણ ચર્ચામાં
લોકો નવીન પટનાયકનાં કરી રહ્યા છે વખાણ
હૉકીની મદદ કરનાર
ઑલિમ્પિક્સમાં ભારતનાં ખેલાડીઓ મેડલ લઈને આવે ત્યારે આખા દેશને ગર્વ થાય છે, પરંતુ આ રમત-ગમતની પહેલા તૈયારી ચાલુ હોય ત્યારે તેને મહત્વ અપાતું નથી. સરકારો પણ ઑલિમ્પિક્સમાં જે મેડલ લઈને આવશે તેને એક કરોડ, બે કરોડ, ત્રણ કરોડ... એવી જાહેરાતો કરે છે પરંતુ ભારતમાં નવા આવનારી પેઢી માટે નવા ખેલાડીઓને યોગ્ય સુવિધા મળી રહે તે બાળકો આગળ વધે તેમાં કોઈને રસ નથી. હાલમાં જ ભારતની હૉકી ટીમ લગભગ પચાસ વર્ષ પછી સેમીફાઇનલમાં પહોંચી તો લોકોને ફરીવાર આશા જાગી હતી. ટીમ સેમીફાઇનલમાં જીત તો ન મેળવી શકી પરંતુ આખા દેશમાં ફરીવાર હૉકીનું નામ થઈ ગયું. એવામાં ઓડિશાનાં મુખ્યમંત્રીનાં સોશ્યલ મીડિયામાં ભરપૂર વખાણ થઈ રહ્યા છે.
હૉકીમાં જીત પણ મુખ્યમંત્રી ચર્ચામાં કેમ?
ભારતનાં ઈતિહાસમાં પહેલીવાર મહિલા હૉકી ટીમ સેમીફાઇનલમાં પહોંચી છે. પરંતુ ઘણા લોકોને ખબર નથી કે ભારતમાં મહિલા અને પુરુષની હૉકી ટીમને ઓડિશાની સરકાર સ્પોન્સર કરે છે. સામાન્યપણે આ પ્રકારની ઑલિમ્પિક્સની ટીમને કોર્પોરેટ દ્વારા સ્પોન્સર્સ મળે છે પરંતુ ઓડિશનાં મુખ્યમંત્રીનાં નિર્ણયનાં કારણે ભારતની હૉકી ટીમોને સપોર્ટ મળ્યો છે અને તેથી નવીન પટનાયકની ખૂબ ચર્ચા થઈ રહી છે.
સોશ્યલ મીડિયામાં લોકો કરી રહ્યા છે વખાણ
સોશ્યલ મીડિયા પર લોકો કહી રહ્યા છે કે જ્યારે આખો દેશ ક્રિકેટ-ક્રિકેટ કરી રહ્યો હતો ત્યારે નવીન પટનાયક હૉકીનો સહારો બન્યા. હૉકીનાં પુનરુદ્ધાર માટે લોકો પટનાયકને શ્રેય આપી રહ્યા છે. ભારતની હૉકી ટીમોને જરૂર હતી ત્યારે નવીન પટનાયક આગળ આગળ આવ્યા. સ્કૂલનાં દિવસોમાં નવીન પોતે પણ ગોલકીપર રહી ચૂક્યા છે.
હૉકીનું હબ બની રહ્યું છે ઓડિશા
નોંધનીય છે કે ઓડિશાનાં રાઉરકેલામા વર્લ્ડ લેવલનું હૉકી સ્ટેડિયમ આકાર પામી રહ્યું છે, વર્ષ 2023માં ઓડિશામાં જ હૉકી વર્લ્ડ કપનું આયોજન કરવામાં આવી રહ્યું છે.
ઓલિમ્પિકમાં આપણે પાછળ કેમ?
ભારતમાં રમતો માટે નથી પુરતુ ઈન્ફાસ્ટ્રક્ચર
સૌથી વધુ મેડલો મેળવે છે તે દેશો જેવું નથી ઝનૂન
કેન્દ્ર કે રાજ્ય સરકાર ઓલિમ્પિક પ્રત્યે નથી ગંભીર
ભારતમાં ઓલિમ્પિકને એક ઝનૂન સાથે લેવામાં આવતો નથી
ભારતના યુવાઓ રમત-ગમતમાં કેરિયર બનાવી શકે તેવો નથી માહોલ
માતા-પિતા પણ ઓલિમ્પિક ગેમ્સ પ્રત્યે નથી સજાગ
સરકારની સાથે પોતાના સંતાન માટે મા-બાપમાં પણ ઉત્સાહનો અભાવ
ભારતમાં ક્રિકેટ સિવાયની કોઇ રમતને નથી આપવામાં આવતું મહત્વ
ક્રિકેટ સિવાય કોઈ રમતમાં કેરિયરની તક નથી મળતી જોવા
બેડમિન્ટન, ટેનિસ, તરણ, એથ્લેટિક્સ માટે આંતરરાષ્ટ્રીય કક્ષાના મેદાનનો અભાવ
ક્રિકટ સિવાય કોઈ રમતમાં નોકરી તક ન હોવાથી ખેલાડીઓ નથી વધતા આગળ
ઓલિમ્પિકની વિવિધ રમતના સાધનો ખર્ચાળ હોવાથી ગરીબ મા-બાપને પોસાતુ નથી
ખેલાડીઓને પ્રોત્સાહન માટે સરકારી યોજનાઓનો પણ છે અભાવ
ભારતમાં ક્રિકેટ સિવાય અન્ય રમતોમાં નથી મળતા સ્પોન્સર