મહામારી / વેક્સિનેશન આગળ વધારીને કરીશું સ્વસ્થ્ય રાષ્ટ્રનું નિર્માણ, ફ્રીમાં પ્રિકોશન ડોઝના નિર્ણય બાદ PM મોદીનું ટ્વિટ

• સરકારે કોરોનાનો પ્રિકોશન ડોઝ ફ્રી કર્યો
• 15 જુલાઈથી 18 વર્ષના લોકો લઈ શકશે મફત પ્રિકોશન ડોઝ 
• સરકારની જાહેરાત બાદ પીએમ મોદી થયા ખુશ
• કહ્યું ભારત સ્વસ્થ રાષ્ટ્રનુ નિર્માણ કરશે

વડા પ્રધાન નરેન્દ્ર મોદીએ કેબિનેટના નિર્ણય પર ખુશી વ્યક્ત કરી હતી અને ટ્વીટ કર્યું હતું કે રસીકરણ એ કોવિડ -19 સામે લડવાનું એક અસરકારક સાધન છે. આજે કેબિનેટ દ્વારા લેવામાં આવેલા નિર્ણયથી ભારતના રસીકરણ અભિયાનને વેગ મળશે અને એક સ્વસ્થ રાષ્ટ્રનું નિર્માણ થશે.

Vaccination is an effective means to fight COVID-19. Today’s Cabinet decision will further India’s vaccination coverage and create a healthier nation. https://t.co/LolQyWjK90

— Narendra Modi (@narendramodi) July 13, 2022

કેબિનેટનો મોટો નિર્ણય, 15 જુલાઈથી 18 વર્ષના લોકો મફતમાં લઈ શકશે કોરોનાના પ્રિકોશન ડોઝ
ઉલ્લેખનીય છે કે કેન્દ્ર સરકારે 15 જુલાઈથી 75 દિવસ સુધી કોરોનાનો પ્રિકોશન ડોઝ મફતમાં આપવાની જાહેરાત કરી છે. 15 જુલાઈથી 18 વર્ષથી વધુ વયના લોકો સરકારી હોસ્પિટલોમાંથી પ્રિકોશન ડોઝ લઈ શકે છે. કોરોના મહામારીમાં હવે દેશમાં 15 જુલાઈથી કોરોનાના પ્રિકોશન ડોઝની શરુઆત થઈ રહી છે. પ્રિકોશન ડોઝની શરુઆતના બે દિવસ પહેલા સરકારે લોકોના હિતમાં એક મહત્વનો નિર્ણય લીધો છે. સરકારી સૂત્રોએ જણાવ્યું કે 18-59 વર્ષની ઉંમરના લોકો સરકારી હોસ્પિટલોમાં મફત પ્રિકોશન ડોઝ લઈ શકશે. 

75 દિવસનું પ્રિકોશન ડોઝનું વિશેષ અભિયાન
સરકારે 15 જુલાઈથી પ્રિકોશન ડોઝનું 75 દિવસનું અભિયાન શરુ કરવાનો નિર્ણય લીધો છે. 18 થી 59 વર્ષની વયના લોકો સરકારી હોસ્પિટલોમાં 15 જુલાઈથી મફતમાં પ્રિકોશન ડોઝ લઈ શકશે. પ્રિકોશન ડોઝનું અભિયાન 75 દિવસ સુધી ચાલશે એટલે સપ્ટેમ્બર 2022ના અંત સુધીમાં આ અભિયાન ચાલુ રહેશે. 

The decision will further strengthen India's fight against #COVID19 and add an extra layer of safety! I urge all those eligible to get their precaution dose at the earliest: Union Health Minister Mansukh Mandaviya pic.twitter.com/nxfxS9MKMm

— ANI (@ANI) July 13, 2022

અત્યાર સુધી 1 ટકાથી પણ ઓછા લોકોએ પ્રિકોશન ડોઝ લીધો
અત્યાર સુધીમાં 18-59 વયજૂથના 77 કરોડની લક્ષ્યાંકિત વસ્તીના 1 ટકાથી પણ ઓછા લોકોને પ્રિકોશન ડોઝ આપવામાં આવ્યો છે. જો કે, 60 કે તેથી વધુ વયના અંદાજિત 16 કરોડ પાત્રતા ધરાવતા લોકોમાંથી લગભગ 26 ટકા તેમજ હેલ્થકેર અને ફ્રન્ટલાઈન વર્કર્સને બૂસ્ટર ડોઝ મળી ગયો છે, એમ એક સત્તાવાર સૂત્રએ જણાવ્યું હતું.

Government's decision to provide free precaution doses of COVID-19 vaccines to all adults is "one of the many gifts" from PM Modi to nation: BJP president J P Nadda

— Press Trust of India (@PTI_News) July 13, 2022

કોરોનાના બે ડોઝ અને પ્રિકોશન ડોઝ વચ્ચેનું અંતર ઘટ્યું 
કેન્દ્રીય આરોગ્ય મંત્રાલયે ગયા અઠવાડિયે તમામ લાભાર્થીઓ માટે કોવિડ -19 રસીના બીજા અને પ્રિકોશન ડોઝ વચ્ચેનું અંતર નવથી ઘટાડીને છ મહિના કરી દીધું હતું. રસીકરણની ગતિને વેગ આપવા અને બૂસ્ટર શોટ્સને પ્રોત્સાહિત કરવા માટે, સરકારે 1 જૂને રાજ્યો અને કેન્દ્રશાસિત પ્રદેશોમાં 'હર ઘર દસ્તક અભિયાન 2.0' ના બીજા રાઉન્ડની શરૂઆત કરી હતી. હાલ બે મહિનાનો કાર્યક્રમ ચાલી રહ્યો છે.

#WATCH | Union Minister Anurag Thakur says, "...It has been decided that from 15th July 2022 till the next 75 days, all citizens above 18 years of age will be given booster doses free of cost...This facility will be available at all government centres..."#COVID19 pic.twitter.com/kZSOqHZQLg

— ANI (@ANI) July 13, 2022

96 ટકા લોકોએ પ્રથમ ડોઝ અને 87 ટકાએ બન્ને ડોઝ લીધા 
સરકારી આંકડા મુજબ ભારતની 96 ટકા વસ્તીને કોવિડ રસીનો પ્રથમ ડોઝ આપવામાં આવ્યો છે જ્યારે 87 ટકા લોકોએ બંને ડોઝ લીધા છે. આ વર્ષે 10 એપ્રિલે, ભારતે 18 વર્ષથી વધુ વયના તમામ લોકોને કોવિડ -19 રસીના સાવચેતીના ડોઝ આપવાનું શરૂ કર્યું હતું.