દિલ્હીમાં કોંગ્રેસની સ્ક્રિનીંગ કમિટીનો આજે છેલ્લો દિવસ છે. આ બેઠકમાં પ્રદેશ ગુજરાત કોંગ્રેસના નેતાઓની હાઈકમાન્ડ સાથે ચૂંટણીલક્ષી ચર્ચા કરવામાં આવી.
દિલ્હીમાં કોંગ્રેસની સ્ક્રિનીંગ કમિટીનો આજે છેલ્લો દિવસ
કમિટીએ વિધાનસભા દીઠ બનાવી ત્રણ ઉમેદવારની પેનલ
ટિકિટના દાવેદારોએ દિવાળી સુધી રાહ જોવી પડશે
ગુજરાત વિધાનસભા ચૂંટણી પહેલા આમ આદમી પાર્ટીએ ઉમેદવારોના છ લિસ્ટ જાહેર કરી દીધા છે. ત્યારે હવે કોંગ્રેસમાં પણ બેઠકોનો ધમધમાટ શરૂ થઈ ગયો છે. ત્યારે ચૂંટણીને લઈને દિલ્હીમાં ઉમેદવારો માટે મંથન કરવામાં આવી રહ્યું છે. જે અંતર્ગત દિલ્હીમાં કોંગ્રેસની સ્ક્રિનીંગ કમિટી યોજાઇ રહી છે. જેનો આજે અંતિમ દિવસ છે.
દિવાળી બાદ CEC ઉમેદવાર પસંદગી પર આખરી મહોર મારશે
પ્રદેશ નેતાઓ અને દિલ્હીના નેતાઓની દિલ્લીમાં મેરેથોન બેઠક યોજવામાં આવી. આ સ્ક્રિનિંગ કમિટીએ વિધાનસભા દીઠ બેથી ત્રણ ઉમેદવારની પેનલ પણ બનાવી છે. દિવાળી બાદ CEC ઉમેદવાર પસંદગી પર આખરી મહોર મારશે. જોકે ટિકિટના દાવેદારોએ દિવાળી સુધી રાહ જોવી પડશે.
દિવાળી બાદ મળનાર CECમાં આખરી નિર્ણય લેવાઇ શકે છે. જેમાં ઉમેદવારની પ્રથમ યાદીની જો વાત કરીએ તો લાભ પાંચમ બાદ કોંગ્રેસ ઉમેદવારની પ્રથમ યાદી જાહેર કરશે.
ચૂંટણી જાહેર થયા બાદ જ કોંગ્રેસ ઉમેદવાર જાહેર કરશે. ચૂંટણી પ્રચારના પગલે કોંગ્રસ હાઇકમાન્ડના નેતાઓ પ્રચાર કરશે. કોંગ્રેસના નવનિયુક્ત રાષ્ટ્રીય અધ્યક્ષ મલ્લિકાર્જુન ખડગે પણ પ્રચાર કરશે. જ્યારે પ્રિયકા ગાંધી ગુજરાતમાં રોડ શો કરશે.
ટિકિટના દાવેદારોએ દિવાળી સુધી રાહ જોવી પડશે
મહત્વનું છે કે, ગુજરાત વિધાનસભાની ચૂંટણી નજીક આવી રહી છે ત્યારે બીજી તરફ હવે ચૂંટણીની તૈયારીઓને આખરી ઓપ આપવામાં આવી રહ્યો છે. આ દરમિયાન કોંગ્રેસે પણ ઉમેદવારોના નામ નક્કી કરવા માટે કવાયત હાથ ધરી છે. સૂત્રો પાસેથી મળતી માહિતી મુજબ કોંગ્રેસના મોટાભાગના ધારાસભ્યોને રિપીટ કરવામાં આવી શકે છે. ત્યારે બાકીની બેઠકો પર યુવાનોને વધુ તક આપવામાં આવી શકે છે. જોકે ટિકિટના દાવેદારોએ દિવાળી સુધી રાહ જોવી પડશે.
ગઇકાલે AAPએ ઉમેદવારોની છઠ્ઠી યાદી જાહેર કરી દીધી
ઉલ્લેખનીય છે કે, ગઇકાલે આમ આદમી પાર્ટીએ ઉમેદવારોની છઠ્ઠી યાદી જાહેર કરી દીધી છે. જેમાં વધુ 20 ઉમેદવારોના નામની જાહેરાત કરવામાં આવી હતી. મહત્વનું છે કે, આમ આદમી પાર્ટી દ્રારા અત્યાર સુધીમાં કુલ 73 બેઠકો પરથી ઉમેદવારોના નામની જાહેરાત કરી દેવાઇ છે. ત્યારે હવે કોંગ્રેસનું પણ પ્રથમ લિસ્ટ દિવાળી બાદ સામે આવી શકે છે.