અમેરિકન ડૉલર ઈન્ડેક્સમાં આવેલી નબળાઈ અને 10 વર્ષના અમેરિકન બોન્ડની યીલ્ડમાં થયેલા ઘટાડાના કારણે વિદેશી બજારોમાં સોનાની કિંમતમાં વધારો થયો છે. દિલ્હીના બુલિયન માર્કેટમાં 10 ગ્રામ સોનાના ભાવ 418 વધ્યા છે. તો આ તરફ ચાંદીમાં પણ 2,246નો ઉછાળો નોંધાયો છે.
સોના-ચાંદીના ભાવમાં ઉછાળો
સોનાના ભાવ 418 વધ્યા
ચાંદીમાં પણ 2,246નો ઉછાળો નોંધાયો
આ મામલે એક્સપર્ટ્સનું કહેવું છે કે, વિકસિત અર્થ વ્યવસ્થાઓના આર્થિક આંકડામાં ઘટાડો થતાં સોના-ચાંદીના ભાવમાં ઉછાળો જોવા મળી રહ્યો છે. આંતરરાષ્ટ્રીય બજારમાં નબળા ડોલરના સમર્થનથી સોનાની કિંમત આશરે 2 અઠવાડિયાના ઉચ્ચ સ્તરે પહોંચી ગઇ છેય ન્યૂઝ એજન્સી રોયટર્સના જણાવ્યા પ્રમાણે, વિદેશી બજારોમાં સોનું 1,968.98 (Gold Spot Price) ડોલર પ્રતિ ઔંસ પર પહોંચ્યું છે.
સોનાના નવા ભાવ (Gold Price on 01 September 2020):
મંગળવારે દિલ્હીના બુલિયન માર્કેટમાં સોનાના ભાવમાં 418 રૂપિયા પ્રતિ 10 ગ્રામ વધારો જોવા મળ્યો છે. આ સાથે જ 10 ગ્રામ સોનાના ભાવ 52,545 રૂપિયાથી વધીને 52,963 રૂપિયા થઇ ગયા છે.
ચાંદીના નવા ભાવ (Silver Price on 01 September 2020):
ચાંદીની નવી કિંમતમાં ગોલ્ડની જેમ જ ઉછાળો જોવા મળ્યો છે. દિલ્હીના બુલિયન માર્કેટમાં આજે ચાંદીના ભાવમાં પ્રતિ કિલોગ્રામ દીઠ 2,246 રૂપિયાનો વધારો રહ્યો. ત્યારબાદ ચાંદીના ભાવ હવે 72,793 રૂપિયા પર પહોંચ્યો છે.