નબળા વૈશ્વિક સંકેતોને કારણે આજે ભારતીય બજારોમાં સોના અને ચાંદીના ભાવોમાં તીવ્ર ઘટાડો જોવા મળ્યો છે. એમસીએક્સ પર સોનાનો વાયદો 0.9 ટકા ઘટીને રૂ. 51,306 પર પ્રતિ 10 ગ્રામ રહ્યો છે, જ્યારે ચાંદી 1.5 ટકા તૂટી રૂ. 67,970 પર પ્રતિ કિલો રહ્યું. પાછલા સત્રમાં સોનામાં 0.7 ટકાનો વધારો થયો છે, જ્યારે ચાંદીમાં 0.52 ટકાનો વધારો થયો છે.
સોના ચાંદીના ભાવમાં થયો ઘટાડો
વૈશ્વિક આર્થિક ચિંતા વચ્ચે ઘટ્યો ભાવ
સોનુ ચાંદી લોવુ હોય તો થઇ જાવ તૈયાર
ગ્લોબલ બજારોમાં પાછલા સત્રમાં મજબૂતી નોંધાવ્યા બાદ આજે સોનાના ભાવમાં ઘટાડો જોવા મળ્યો હતો. વૈશ્વિક આર્થિક પુનપ્રાપ્તિની ચિંતાએ સોનાના નુકસાનને ઓછુ રાખ્યું છે. અગાઉના સત્રમાં 1,965.94 ડૉલર વધ્યા બાદ આજે હાજર સોનું 0.3 ટકા ઘટીને 1,947.41 ડૉલર હતું.
અન્ય કિંમતી ધાતુઓમાં ચાંદી 0.3 ટકા ઘટીને 26.84 ડૉલર, પ્લેટિનમ 0.1 ટકા ઘટીને 925.59 ડૉલર અને પેલેડિયમ 0.4 ટકા ઘટીને 2,283.72 ડૉલર પર બંધ થયા છે.
આ સંદર્ભમાં, કોટક સિક્યોરિટીઝે 10 સપ્ટેમ્બરની નોંધમાં જણાવ્યું છે કે, 'વિશ્વના સૌથી મોટા ગોલ્ડ-બેક્સ્ડ એક્સચેન્જ-ટ્રેડેડ ફંડ અથવા ઇટીએફ, એસપીડીઆરની ગોલ્ડ હોલ્ડિંગ્સ 2.92 ટન વધીને 1252.96 ટન પર પહોંચી ગઈ છે.'