મુંબઇ ડ્રગ કેસમાં શાહરૂખનો દિકરો આર્યન તો પહેલાથી જ બંધ છે અને હવે અભિનેત્રી અનન્યા પાંડેની પણ મુશ્કેલીઓ વધતી નજરે પડે છે. સોમવારે NCBએ ફરી તેને પૂછપરછ માટે બોલાવી છે.
અનન્યા પાંડેની આજે થશે પૂછપરછ
NCBએ ત્રીજીવાર અનન્યાને પાઠવ્યું સમન
આર્યન કેસમાં અનન્યાની પણ સંડોવણી?
અનન્યા પાંડે સાથે ફરી થશે પૂછપરછ
આર્યન ખાન કેસમાં એક વૉટ્સઍપ ચૅટમાં અનન્યાનું નામ સામે આવ્યું હતું. જે બાદ તેના ઘરે પણ NCBની રેડ પડી હતી અને તેની પૂછપરછ કરવામાં આવી હતી. મીડિયા રિપોર્ટ્સની માનીએ તો અનન્યાએ કહ્યું કે તેણે ક્યારેય કોઇ નશીલા પદાર્થ કે ડ્રગ્સનું સેવન નથી કર્યું. પૂછપરછ દરમિયાન અનન્યા ખુબ રડી પણ હતી.
બુધવારે અનન્યાના ઘરે દરોડા પડ્યા હતા અને નિવેદન આપવા માટે પણ તે જ દિવસે અનન્યાને સમન પાઠવવામાં આવ્યું હતું. અનન્યાનો ફોન અને લેપટોપ પણ જપ્ત કરી લેવામાં આવ્યો હતો.
અનન્યા સાથે આર્યનની વાતચીત
રિપોર્ટનું જો માનીએ તો આર્યન ખાનને ડ્રગ્સનો જુગાડ અનન્યાએ જ કરી આપ્યો હતો. જ્યારે આ વિશે NCBએ અનન્યાને સવાલ કર્યો તો તેણે કહ્યું કે હું તો મજાક કરી રહી હતી. તેને ખબર નહોતી કે વીડ ડ્રગ્સ હોય છે.
અનન્યાએ અરેન્જ કર્યો ગાંજો?
સુત્રો અનુસાર આર્યન ખાન અને અનન્યા પાંડે વૉટ્સઍપમાં ગાંજાને લઇને વાત કરી રહ્યાં હતા. આર્યન પુછી રહ્યો હતો કે કંઇ જુગાડ થઇ શકે છે ત્યારે અનન્યાએ કહ્યું હું અરેન્જ કરી દઇશ. NCBએ અનન્યાને આ ચૅટ બતાવીને સવાલ પૂછ્યો ત્યારે એક્ટ્રેસે કહ્યું કે હું માત્ર મજાક કરી રહી હતી.
મેં ક્યારેય ડ્રગ્સ નથી લીધું : અનન્યા
જો કે, NCBને જે ચૅટ મળી તેના પર અનન્યાએ કહ્યું તે સિગરેટને લઇને વાત હતી. ડ્રગ્સને લઇને અમારી વચ્ચે કોઇ વાત નથી થઇ. અનન્યાએ ડ્રગ્સ લેવાની વાતને પણ નકારી દીધી છે.
પૂછપરછ પહેલા નર્વસ હતી અનન્યા
પહેલા દિવસની પૂછપરછમાં તે પિતા ચંકી પાંડે સાથે પહોંચી હતી. ઇન્ટરોગેશન રૂમમાં જતાં પહેલા તે ખુબ નર્વસ હતી અને ચંકિ પાંડેને ભેટીને રડી પણ ગતી. બાદમાં તે એકલી ઇન્ટરોગેશન રૂમમાં દાખલ થઇ હતી જ્યાં તેને સવાલ પૂછવામાં આવ્યા હતા.