દેશભરમાં આ મહિને સતત અનેક વાર પેટ્રોલ અને ડીઝલની કિંમતોમાં ઘટાડો થતો જોવા મળ્યો છે. પેટ્રોલ અને ડીઝલ સસ્તું થવાના કારણે સામાન્ય માણસને થોડી રાહત મળી છે. સરકારી તેલ કંપનીઓએ આજે પેટ્રોલ અને ડીઝલની કિંમતમાં ઘટાડો કર્યો છે. રાજધાની દિલ્હીમાં પેટ્રોલ આજે 26 પૈસા ઘટીને 81.14 રૂપિયા અને ડીઝલ 35 પૈસાના ઘટાડા સાથે 72.02 રૂપિયે લિટર પહોંચ્યું છે. ઉલ્લેખનીય છે કે ગઈકાલે પેટ્રોલની કિંમતમાં 15 પૈસા અને ડીઝલની કિંમતમાં 19 પૈસા પ્રતિ લિટરનો ઘટાડો નોંધાયો હતો.
સતત ઘટી રહ્યા છે પેટ્રોલ અને ડીઝલના ભાવ
સામાન્ય માણસને ભાવ ઘટાડાથી મળશે રાહત
પેટ્રોલમાં 26 પૈસા અને ડીઝલમાં 35 પૈસા પ્રતિ લિટરે થયો ઘટાડો
2.5થી 3 રૂપિયા પ્રતિ લિટર સસ્તુ થઈ શકે છે ઈંધણ
આંતરરાષ્ટ્રિય સ્તરે કાચા તેલના ભાવ ઘટવાના કારણે અને રૂપિયમાં મજબૂતીથી એક્સપર્ટ્સ ઘરેલૂ રીતે પેટ્રોલ અને ડીઝલની કિંમતમાં ઘટાડાનું અનુમાન કરી રહ્યા છે. જો ક્રૂડમાં 20 ટકાનો ઘટાડો આવે છે તો પેટ્રોલ અને ડીઝલમાં 5 ટકાનો ઘટાડો આવી શકે છે. પેટ્રોલ અને ડીઝલ 2.5થી 3 રૂપિયા પ્રતિ લિટર સસ્તું થઈ શકે છે.
જાણો પ્રમુખ શહેરોમાં પેટ્રોલ અને ડીઝલના કેટલા છે ભાવ
વિદેશી મુદ્રા દરની સાથે આંતરરાષ્ટ્રીય બજારમાં ક્રૂડની કિંમત શું છે તેના આધારે રોજ પેટ્રોલ અને ડીઝલની કિંમતમાં ફેરફાર આવે છે. પેટ્રોલ અને ડીઝલના ભાવમાં એક્સાઈઝ ડ્યૂટી, ડીલર કમીશન અને અન્ય ચીજો જોડ્યા બાદ તેના ભાવ ડબલ થાય છે. ઉલ્લેખનીય છે કે રોજ સવારે 6 વાગે પેટ્રોલ અને ડીઝલના ભાવમાં ફેરફાર થાય છે.
આ રીતે જાણો તમારા શહેરના પેટ્રોલ અને ડીઝલના ભાવ
પેટ્રોલ ડીઝલના ભાવ રોજ સવારે 6 વાગે અપડેટ થાય છે. રોજના રેટ તમે એસએમએસની મદદથી પણ જાણી શકો છો. ઈન્ડિયન ઓઈલના ગ્રાહકો RSP લખીને 9224992249 પર બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.