પરીક્ષા / આજે રાજ્યના 75 હજારથી વધુ વિદ્યાર્થીઓ 'NEET' આપશે

દેશભરમાં આજે UG NEETની પરીક્ષા લેવાશે. આજરોજ ગુજરાત રાજ્યના આશરે 80,000 વિદ્યાર્થીઓ પરીક્ષા આપશે. જ્યારે દેશભરમાંથી આશરે 13 લાખ વિદ્યાર્થીઓ પરીક્ષા આપશે. મળતી માહિતી મુજબ અમદાવાદ, વડોદરા, રાજકોટ, સુરત સહિતના શહેરોમાં આજે પરીક્ષાનું આયોજન કરવામાં આવ્યું છે. NEETની પરીક્ષાનો સમય બપોરે 2 વાગ્યાથી સાંજે 5 વાગ્યા સુધીનો રહેશે.

720 માર્કસની પરીક્ષામાં 180 માર્કસના પ્રશ્નો પૂછવામાં આવશે. જેમાં ફીઝીક્સમાં 45, કેમેસ્ટ્રીમાં 45 તેમજ બાયોલોજીના 90 પ્રશ્નોનો સમાવેશ થાય છે. નેશનલ ટેસ્ટિંગ એજન્સી દ્વારા મેડિકલ-ડેન્ટલ સહિતના પાંચ કોર્સ માટે લેવાનારી નીટ પરીક્ષા આજે યોજાઇ રહી છે. ગુજરાતમાં નીટ પરીક્ષા માટે કુલ 142 સેન્ટરની ફાળવણી થઇ છે.
 

અગાઉ પરીક્ષાનો સમય સવારનો હતો, પરંતુ સેન્ટર દૂર હોય વિદ્યાર્થીઓને પહોંચવામાં મોડું થાય તેવીગણતરીને ધ્યાને લઇને પરીક્ષાનો સમય બપોરનો કરાયો છે.  દેશભરમાં યોજાઇ રહેલી નીટની પરીક્ષાને લઇને ગઇકાલે બિહારના વિદ્યાર્થીઓ દ્વારા કરવામાં આવેલી સ્પેલિંગ મિસ્ટેકના કારણે પરીક્ષા કેન્દ્ર બદલાઇ ગયું હોવાનો કિસ્સો જોવા મળ્યો.

જેમાં બિહારના પટનાના વિદ્યાર્થીઓ નીટની પરીક્ષા આપવા પાટણ પહોંચી ગયા. ઓનલાઇન ફોર્મ ભરતા સમયે પટના અને પાટણના સ્પેલિંગ મિસ્ટેક થતાં પાટણ પહોંચી ગયા. ઉલ્લેખનીય છે કે નેશનલ ટેસ્ટિંગ એજન્સી દ્વારા ઉમેદવારોના પરીક્ષા કેન્દ્રો બદલવામાં આવ્યા છે. લોકસભાની ચૂંટણીને ધ્યાને રાખીને પરીક્ષા કેન્દ્રો બદલવામાં આવ્યા છે. ગુજરાતમાં સુરત અને રાજકોટના કેન્દ્રોમાં ફેરફાર કરવામાં આવ્યો છે.