આજે ગાંધીનગર ખાતે મહાનગરપાલિકાની ચૂંટણીએ ઉગ્ર સ્વરૂપ ધારણ કરી લીધુ છે. ભાજપ-કોંગ્રેસ વચ્ચે બોલાચાલી થતા મામલો બિચક્યો હતો તેમજ બંને પક્ષ વચ્ચે ભારે ઘર્ષણ થયું હતું. જેમાં કેટલાકને ઈજાઓ પહોંચી છે. આમ મેયરની ચૂંટણી હવે લોહિયાળ બની ગઈ છે. કોંગ્રેસના કોર્પોરેટરોએ સભામાં તોડફોડ કરીને હોબાળો મચાવ્યો હચો. કોંગ્રેસના કોર્પોરેટરોએ સભા બરખાસ્ત કરવાની માંગ કરી છે
ઉલ્લેખનીય છે કે કોંગ્રેસના નેતા બે ટર્મથી કોર્પોરેટર પદ પર ચૂંટાતા સભ્ય અશ્વીનભાઇ બારોટ ચૂંટણીના આગલા દિવસે બપોરે અચાનક ગુમ થતાં કોંગ્રેસ પક્ષમાં રીતસરની દોડધામ મચી ગઇ હતી અને રાત્રે મામલો પોલીસ સ્ટેશન સુધી પહોંચ્યો હતો. પ્રદેશ કોંગ્રેસ દ્વારા ગાંધીનગર ઉત્તરના ધારાસભ્ય સી જે ચાવડા સમગ્ર હવાલો સોંપવામાં આવ્યો હતો. ભાજપ- કોંગ્રેસ વચ્ચે બોલાચાલી ઉગ્ર થતા કોંગ્રેસના કોર્પોરેટરોએ ખુરશીઓ ઉછાળતા મામલો તંગ બન્યો હતો.
વિપક્ષના નેતાએ જણાવ્યુ કે તેમના સભ્ય અંકિત બારોટનું અપહરણ કરવામાં આવ્યુ છે. તો બીજી રાત્રે અંકિત બારોટના પત્ની ભૂમિકાબેન સહિત પરિવારજનો કોંગ્રેસના આગેવાનો સાથે સેક્ટર 21 પોલીસ સ્ટેશન ફરિયાદ આપી હતી. આ પહેલા સવારે 11 વાગ્યાના અરસામાં અંકિતે દુર્ગેશ ગઢવીને મેસેજ કર્યો હતો કે તેને કેતન અને ગિરિશ ઉર્ફે મગન પટેલ વાતચીતના બહાને તેમની સાથે વાવોલ બાજુ ક્યાંક લઇ ગયા છે.
અંકિત બારોટને પહેલી ટર્મ વખતે પણ ત્રણ પૈકી એક હોદ્દાની ઓફર આપી પક્ષ પલ્ટો કરવા ભાજપના સભ્યો અને સંગઠનના માણસોએ ઓફર કર્યાની વાત ચર્ચા બની હતી.