Mahashivratri 2023 / શિવજી તેરી જટા મૈ..મહાશિવરાત્રિના પ્રથમ પ્રહરની પૂજા થશે શરૂ, ભોળાનાથને રીઝવવા કરો આ ઉપાય

• મહાશિવરાત્રીની પૂજા પહેલા રાશિ પ્રમાણે કરો આ ઉપાય
• રાશિ પ્રમાણે આ પાવન દિવસે શુ ઉપાય કરવો.

દેશભરમાં આજે મહાશિવરાત્રીનો તહેવાર ધામધૂમ પૂર્વક માનવવામાં આવી રહ્યો છે. ત્યરે તમારે રાશિ પ્રમાણે આ પાવન દિવસે શુ ઉપાય કરવો. મહત્વનું છે કે હિન્દૂ ધર્મ પ્રમાણે આજનો દિવસ ખૂબ જ મહત્વનો અને ખાસ ગણવામાં આવે છે. એવું માનવામાં આવે છે કે મહાશિવરાત્રીના દિવસે માતા પાર્વતી અને શિવના લગ્ન થયા હતા. ત્યારે આવો જાણીએ આ પાવન દિવસે રાશિ પ્રમાણે તમારે શુ ઉપાય કરવો જોઈએ.

1.મેષ:
આ રાશિ વાળાએ શિવ ભગવાનને કેતકીનું ફૂલ ના ચડાવવું જોઈએ. તે સિવાય ફૂલો ચડાવવા જોઈએ. જેના કારણે સ્વાસ્થ્ય અને નોકરીમાં આવતા તમામ પ્રકારના અવરોધો દૂર થશે.

2.વૃષભ
આ રાશિના લોકોએ ભગવાન શિવજીની દહીં અને જળ ચઢાવવું જોઈએ. આમ કરવાથી સમૃદ્ધિ અને સુખી દામ્પત્ય જીવનમાં આશીર્વાદ મળશે.

3.મિથુન
આ રાશિવાળાએ ભગવાન શિવજીની બીલીપત્ર અર્પણ કરવા જોઈએ. આમ કરવાથી કરિયર અને સંતાનને લાગતી સમસ્યા દૂર થશે.

 4. કર્ક
આ રાશિ વાળાએ ભગવાન શિવજીની જળ અને દૂધ મિશ્રિત ચઢાવવું જોઈએ. જેના કારણે માનસિક પરેશાની દૂર થઈ શકે છે. આ ઉપરાંત અકસ્માતોથી છુટકારો તમને મળશે.

 5.સિંહ
મહાશિવરાત્રીના પવન પર્વ પર આ રાશિવાળાએ ભગવાન શિવજીને શેરડીનો રસ ચઢાવવો જોઈએ. આ ઉપાયથી તમારી સમૃદ્ધિમાં વધારો થશે અને સંતાન પ્રાપ્તીને લાગતી સમસ્યા દૂર થશે.

 6. કન્યા
આ રાશિ વાળાએ આજના દિવસે શિવલિંગ પર ધતુરા અને ભાંગ ચઢાવવી જોઈએ. જેના કારણે જીવનમાં સ્થિરતા આવી શકે છે.

 7. તુલા
તુલા રાશિવાળા એ આજના દિવસે અત્તર અર્પિત કરવું જોઈએ. આમ કરવાથી લગ્ન અને નોકરીમાં આવતા તમામ અવરોધો દૂર થશે.

 8. વૃશ્ચિક
આ રાશિવાળા એ શિવલિંગ પર અબીલ ગુલાલ ચઢાવવો જોઈએ. આમ કરવાથી વિવાદ અને તણાવ દૂર થશે.

 9. ધન
આ રાશિ વાળાએ ભગવાન શિવની સામે ઘીનો દીવો કરવો જોઈએ જેના કારણે કરવામાં આવતા દરેક કાર્યમાં સફળતા મળશે.

 10. મકર
મકર રાશિ વાળાએ આ પાવન પર્વ પર જળ અને તલ અર્પિત કરવા જોઈએ. વિવાહિત જીવનની સમસ્યામાં સુધો આવી શકે છે એ ઉપાય કરવાથી.

 11. કુંભ
કુંભ રાશિવાળાએ જળ અને બીલીપત્ર શિવલિંગ પર અર્પણ કરવા જોઈએ. આ ઉપાયથી શાંતિ મળશે તેમજ ક્રોધ પર નિયંત્રણ આવશે.

 12. મીન
આ રાશિ વાળાએ ચંદન ચઢાવવું જોઈએ. જેના કારણે પૈસાની કંઈ નહીં રહે અને સ્વાસ્થ્ય સારૂ રહેશે.