તમારા કામનું / જલ્દી કરો! સોના-ચાંદીના ભાવમાં ઘટાડો યથાવત, સોનું ખરીદવાની સુવર્ણ તક,જાણો લૅટેસ્ટ રૅટ

• સોનાના ભાવમાં 0.23 ટકા ઘટાડો
• ચાંદીના ભાવમાં 0.26 ટકાનો ઘટાડો
• બે મહિનાનો રેકોર્ડ તૂટ્યો 

હાલમાં લગ્નની સિઝન આવી રહી છે તે પહેલા લોકો ખરીદીમાં વ્યસ્ત બન્યા છે ત્યારે સોનાના ભાવને લઇને આંશિક રાહત જોવા મળી રહી છે. કારણ કે છેલ્લા ચાર દિવસથી સોના ચાંજીના ભાવમાં ઘટાડો નોંધાઇ રહ્યો છે ત્યારે આજે પણ સોના ચાંદીના ભાવમાં  ઘટાડો યથાવત જોવા મળી રહ્યો છે. અખાત્રીજના દિવસે પણ ભાવમાં ઘટાડો જોવા મળ્યો હતો. ત્યારે આજે સતત ચોથા દિવસે સોનાના ભાવમાં ઘટાડો નોંધાયો. બુધવારે એમસીએક્સ અને શર્રાફા બજારમાં ભાવ ઘટાડો નોંધાયો હતો. 

63 હજારની નીચે ચાંદી

બુધવારે, MCX (MCX Gold Price) પર સોનાની કિંમત 0.23 ટકા ઘટીને 50,690 રૂપિયા પ્રતિ 10 ગ્રામ થઈ ગઈ છે. ચાંદીના ભાવમાં 0.26 ટકાનો ઘટાડો થયો છે. ચાંદીનો ભાવ ઘટીને રૂ. 62,882 પ્રતિ કિલો થયો હતો.

24 કેરેટ સોનાની કિંમત

IBJAની વેબસાઈટ અનુસાર, બુધવારે 24 કેરેટ સોનાની કિંમત ઘટીને સાંજે 51055 રૂપિયા પ્રતિ 10 ગ્રામ પર બંધ થઈ. આ સિવાય 22 કેરેટ સોનું 50851 અને 20 કેરેટ સોનું 46766 રૂપિયા પ્રતિ 10 ગ્રામમાં વેચાઈ રહ્યું છે.

બે મહિનાનો રેકોર્ડ તૂટ્યો

999 શુદ્ધતા સાથે ચાંદી 62950 પ્રતિ કિલો પર પહોંચી ગઈ છે. તમને જણાવી દઈએ કે બુલિયન માર્કેટમાં સોનાની કિંમતે છેલ્લા બે મહિનાનો રેકોર્ડ તોડી નાખ્યો છે. IBJA અનુસાર, અગાઉ 28 ફેબ્રુઆરી, 2022ના રોજ સોનાની કિંમત 50696 રૂપિયા પ્રતિ 10 ગ્રામ હતી. 28 ફેબ્રુઆરીથી સોનાના ભાવમાં વધારો જોવા મળ્યો હતો.

સોના અને ચાંદીમાં ઘટાડાનું કારણ

વધતી જતી મોંઘવારીને રોકવા માટે ફેડરલ રિઝર્વ તરફથી વ્યાજ દરમાં વધારો કરવામાં આવે તેવી શક્યતા છે. નિષ્ણાતો વ્યાજ દરમાં 50 બેસિસ પોઈન્ટનો વધારો થવાની ધારણા રાખે છે. બીજી તરફ, RBIએ ફુગાવાને રોકવા માટે રેપો રેટમાં 40 પૈસા બેસિસ પોઈન્ટનો વધારો કર્યો છે.

સોના અને ચાંદીના દર કેવી રીતે તપાસવા
જો તમે પણ સોના અને ચાંદીના રેટ ચેક કરવા માંગો છો તો તેના માટે મોબાઈલ નંબર 8955664433 પર મિસ્ડ કોલ કરો. તમે મિસ્ડ કોલ કરીને ફોન પર મળેલા મેસેજમાં લેટેસ્ટ રેટ ચેક કરી શકો છો. IBJA પર જારી કરાયેલા દર સિવાય, તમારે GST પણ ચૂકવવો પડશે.