વર્લ્ડ નો ટોબેકો ડે / જિંદગીઓ બરબાદ કરી મૂકે છે તમાકુ, થઈ શકે છે હૃદયથી લઈને ફેફસાંનું કેન્સર, પરિવારજનોને પણ થાય છે મોટું નુકસાન

• આજે વિશ્વ તમાકુ નિષેધ દિવસ 
• તમાકુથી થતા નુકસાનો વિષે જાગરૂકતા ફેલાવવા માટે મનાવાય છે આ દિવસ 
• ડાયાબિટીસથી માંડીને કેન્સર સુધી - સ્મોકિંગ સ્વાસ્થ્ય માટે છે એક ખતરો 

આજે વિશ્વ તમાકુ નિષેધ દિવસ 

દુનિયાભરમાં દર વર્ષે 31 મેનાં રોજ તમાકુ નિષેધ દિવસ મનાવવામાં આવે છે. આ દિવસને મનાવવાનો ઉદ્દેશ્ય તમાકુનાં ખતરા વિષે જાગરૂકતા ફેલાવવાનો છે. વિશ્વ સ્વાસ્થ્ય સંગઠન અનુસાર 2022માં વિશ્વ તમાકુ નિષેધ દિવસની થીમ 'પર્યાવરણ માટે ખતરનાક છે તમાકુ' છે. તમાકુનાં સેવનથી સ્વાસ્થ્યને ખૂબ જ નુકસાન પહોંચે છે. આ ખાસ દિવસ પર આ વિષે જાણકારી આપવામાં આવે છે. વિશ્વ સ્વાસ્થ્ય સંગઠન અનુસાર, દર વર્ષે લગભગ 80 લાખ લોકોનું મૃત્યુ તમાકુનાં સેવનથી થનાર બીમારીઓને કારણે થાય છે. તમાકુનાં સેવનથી હૃદય રોગ, સ્ટ્રોક, કેન્સર અને ડાયાબિટીસ જેવી બીમારીઓ થાય છે. આ ઉપરાંત, આ ટાઈપ 2 ડાયાબિટીસનો ખતરો પણ વધારે છે. આવો જાણીએ આ દિવસનો ઈતિહાસ અને મહત્વ. 

તમાકુથી સ્વાસ્થ્યને થતા નુકસાન 
સ્મોકિંગ ઘણા પ્રકારથી શરીરને ગંભીર નુકસાન પહોંચાડે છે, તેનાંથી કાર્ડિયોવસ્કયુલર સિસ્ટમને પણ ક્ષતિ પહોંચવાનો ખતરો બની રહે છે. નિકોટીન, રક્ત વાહિકાઓમાં કસાવનું પણ કારણ બને છે, જેનાથી રક્તનો પ્રવાહ પ્રભાવિત થઇ શકે છે. આ ઉપરાંત, ધુમ્રપાન રક્તચાપ પણ વધારી દે છે જેથી રક્ત વાહીકાઓની દીવાલો નબળી પડે છે, રક્તનાં ગાઠા પડી જવાનો પણ ખતરો રહે છે. હૃદયનાં સ્વાસ્થ્ય માટે ધુમ્રપાનને ગંભીર ખતરો માનવામાં આવે છે. 

ડાયાબિટીસનો ખતરો 
સ્મોકિંગ કરનાર લોકોમાં અન્ય લોકોની સરખામણીએ ડાયાબિટીસનો ખતરો વધારે હોય છે. સ્મોકિંગની ઇન્સ્યુલિન પર પણ અસર પડે છે, જેથી ઇન્સ્યુલિન પ્રતિરોધનો ખતરો વધી જાય છે. જે લોકો પહેલાથી જ ડાયાબિટીસથી ઝઝૂમી રહ્યા છે, સ્મોકિંગથી તેમના સ્વાસ્થ્ય પર ખતરો વધી જાય છે. 

ફેફસાનાં રોગની સમસ્યા 
સ્મોકિંગની સીધી અસર શરીરનાં જે અંગો પર પડે છે, ફેફસા તેમાંના એક છે. સ્મોકિંગથી નીકળતો ધુમાડો તમારા ફેફસામાં હાજર નાની વાયુ થેલીને નુકસાન પહોંચાડે છે જે ફેફસાની બીમારીનું કારણ બની શકે છે. સ્મોકિંગથી થતી ફેફસાની બીમારીઓમાં સીઓપીડી સૌથી સામાન્ય છે. એટલું જ નહીં, ફેફસાંનાં કેન્સરનાં મોટાભાગનાં મામલાઓમાં સ્મોકિંગને જ પ્રમુખ કારણનાં રૂપમાં જોઈ શકાય છે. 

પ્રજનન ક્ષમતા પર અસર 
રિસર્ચ જણાવે છે કે જો પુરુષ વધારે સ્મોકિંગ કરે છે, તો તેના શુક્રાણુઓમાં ડીએનએનાં ક્ષતિગ્રસ્ત થવાનો ખતરો વધી જાય છે. આ પ્રજનન ક્ષમતાને પણ ઘટાડે છે. જ્યારે ગર્ભાવસ્થા દરમિયાન, સ્મોકિંગ કરવાથી ભ્રૂણ સંબંધી ઘણા પ્રકારની તકલીફોનો ખતરો વધી જાય છે. મહિલા અને પુરુષ, બંનેની પ્રજનન ક્ષમતા માટે સ્મોકિંગની આદતને ઘણી નુકસાનદાયક માનવામાં આવે છે.