જલ્દી કરો / આધાર કાર્ડને લગતું આ કામ પતાવવાની આજે છેલ્લી તારીખ, નહીં તો 500 રૂપિયાનો દંડ, ઈન્ટરનેટની પણ જરૂર નથી

• પાન કાર્ડને આધાર કાર્ડ સાથે લિંક કરવાની છેલ્લી તારીખ 31 માર્ચ 2022 
• ગુરુવાર સુધીમાં લિંક ન કરાવવા પર થશે 500 રૂપિયાનો દંડ 
• ઇન્ટરનેટ વગર પણ થઇ શકશે લિંક

પાન કાર્ડને આધાર કાર્ડ સાથે લિંક કરવાની છેલ્લી તારીખ 

પાન કાર્ડને આધાર કાર્ડ સાથે જોડવાની છેલ્લી તારીખ 31 માર્ચ, 2022 છે. જો આ તારીખ સુધીમાં તમે પાનને આધાર સાથે લિંક ન કરાવ્યું, તો 500 રૂપિયાનો દંડ ભરવો પડશે. સાથે જ તમારું પાન કાર્ડ નિષ્ક્રિય થઇ જશે. આમ થવાથી તમારે ઘણા પડકારોનો સામનો કરવો પડશે. 

સીબીડીટીએ 29 માર્ચની સૂચનામાં કહ્યું હતું કે પાનને બાયોમેટ્રિક આધાર સાથે જોડવાની છેલ્લી તારીખ 31 માર્ચ 2022 છે. મોડું થવા પર 500 રૂપિયા દંડ લાગશે. આ દંડ આવતા ત્રણ મહિના એટલે કે 30 જૂન, 2022 સુધી રહેશે. ત્યાર બાદ ટેક્સપેયર્સ માટે 1,000 રૂપિયાનો દંડ રહેશે. જોકે દંડ ભર્યા બાદ તમારું પાં કાર્ડ ફરી ચાલુ થઇ જશે. પાં કાર્ડનો ઉપયોગ બેંક અકાઉન્ટ ખોલવા કે ઓળખાણનાં પ્રમાણપત્રનાં રૂપમાં કરવામાં આવે છે. 

ઇન્ટરનેટ વગર પણ આધાર સાથે લિંક કરી શકાય છે પાન 
જો ગુરુવાર સુધીમાં તમે પાનને આધાર સાથે લિંક ન કરાવ્યું, તો તમારે 500 રૂપિયાનો દંડ ભરવો પડશે. જો તમે અત્યાર સુધી પોતાના પાનને આધાર સાથે લિંક નથી કરાવ્યું, તો ટેન્શન લેવાની જરૂર નથી. તમે ઇન્ટરનેટ વગર પણ પાનને આધાર સાથે લિંક કરાવી શકો છો. 

શું છે પ્રોસેસ?

• તમારા મોબાઈલમાં એસએમએસમાં જઈને 'યૂઆઈડીપીએએન' ટાઈપ કરો. 
• ત્યાર બાદ 12 અંકોનો આધાર નંબર દાખલ કરો અને સ્પેસ આપીને 10 અંકોનો પાન કાર્ડ નંબર દાખલ કરો. 
• પછી તેને 567678 અથવા 56161 પર મોકલી દો. તમારું પાન કાર્ડ આધાર સાથે લિંક થઇ જશે. 

આ પ્રકારે પણ પ્રાપ્ત કરી શકાય છે સુવિધા 

• ઇનકમ ટેક્સ વિભાગની વેબસાઈટ પર જઈને 'લિંક આધાર' પર ક્લિક કરો. 
• હવે આધાર કાર્ડ નંબર, પાન કાર્ડ નંબર, તમારું નામ અને રજિસ્ટર્ડ મોબાઈલ નામ્બેર દાખલ કરો. 
• હવે કેપ્ચા કોડ દાખલ કર્યા બાદ 'લિંક આધાર' પર ક્લિક કરો. 
• આ પ્રક્રિયા પૂરી થતા જ તમારું આધાર અને પાન લિંક થઇ જશે. 

કેવી રીતે ચેક કરશો સ્ટેટસ?

• ઇનકમ ટેક્સ વિભાગની વેબસાઈટ પર જઈને 'લિંક આધાર' પર ક્લિક કરો. 
• સ્ટેટસ જોવા મારે 'ક્લિક બટન' પર ક્લિક કરો. 
• અહી આધાર અને પાન કાર્ડની માહિતી દાખલ કરો. 
• જો તમારું પાન કાર્ડ આધાર સાથે લિંક છે, તો અહી જોવા મળશે.