આ સરકારી યોજના 22 થી 26 ઓગસ્ટ દરમિયાન શરૂ કરવામાં આવી હતી, જેનો આજે છેલ્લો દિવસ છે. સોવરિન ગોલ્ડ એ ડિજિટલ ગોલ્ડમાં રોકાણ કરવાની રીત છે.
સોવરિન ગોલ્ડ સ્કીમ 2022-23 દ્વારા સોનું ખરીદવાનો આજે છેલ્લો દિવસ
સોવરિન ગોલ્ડ એ ડિજિટલ ગોલ્ડમાં રોકાણ કરવાની રીત છે.
રોકાણ કરી આવી રીતે મળશે 2,186 રૂપિયાનો ફાયદો
સોના ચાંદીની કિંમતમાં વધારો ઘટાડો થતો રહે છે. મધ્યમવર્ગીય માણસને જો સોનું ખરીદવુ હોય તો રાહ જોતો હોય છે કે ક્યારે સોનાની કિંમત ઓછી થાય અને સોનું ખરીદીને રોકાણ કરીએ. પણ હાલ સોનું ખરીદવા માંગતા લોકો માટે સુવર્ણ તક છે. સોવરિન ગોલ્ડ સ્કીમ 2022-23ની બીજી શ્રેણી 22 ઓગસ્ટથી 26 ઓગસ્ટ સુધી ખૂલી છે. આ સમય દરમિયાન તમે સસ્તામાં સોનું ખરીદી શકો છો. પ્રતી ગ્રામ સોનાની કિંમત 5,197 નક્કી કરવામાં આવી છે. સરકારની સોવરિન ગોલ્ડ સ્કીમ હેઠળ સોનામાં રોકાણ કરી શકાય છે. જણાવી દઈએ કે તેમાં રોકાણ કરવાથી માર્કેટ રેટ કરતા સસ્તું સોનું મળે છે. આ સરકારી યોજના 22 થી 26 ઓગસ્ટ દરમિયાન શરૂ કરવામાં આવી હતી, જેનો આજે છેલ્લો દિવસ છે. સોવરિન ગોલ્ડ એ ડિજિટલ ગોલ્ડમાં રોકાણ કરવાની રીત છે.
પ્રતિ ગ્રામ આટલું ડિસ્કાઉન્ટ
સોવરિન ગોલ્ડ બોન્ડમાં તમને એક દિવસ પહેલા એટલે કે આજે તમને ગુરુવારની બંધ કિંમત 52,094 પ્રતિ 10 ગ્રામની કિંમત સામે 51,470 પ્રતિ 10 ગ્રામની કિંમતમાં સોનું મળશે. એક ગ્રામ સોનું ખરીદવા પર તમારે 5,147 રૂપિયા ચૂકવવા પડશે. જો કે, આરબીઆઈએ સોવરિન ગોલ્ડ બોન્ડની બીજી શ્રેણી હેઠળ સોનાની કિંમત 5,197 પ્રતિ ગ્રામ નક્કી કરી છે પણ જો તમે ડિજિટલ પેમેન્ટ કરો છો તો આના પર 50 રૂપિયા પ્રતિ ગ્રામનું ડિસ્કાઉન્ટ પણ મળે છે.
સોવરિન ગોલ્ડ સ્કીમની પ્રથમ શ્રેણી 20 જૂનથી 23 જૂન, 2022 સુધી ખુલી હતી, જેમાં રોકાણકારોને સસ્તું સોનું લેવાની તક મળી હતી. પ્રથમ શ્રેણીમાં ભારતીય રિઝર્વ બેંકે ઇશ્યૂની કિંમત 5091 રૂપિયા પ્રતિ ગ્રામ નક્કી કરી હતી. ઓનલાઈન ખરીદી પર, તમને પ્રતિ ગ્રામ 50 રૂપિયાનું વધારાનું ડિસ્કાઉન્ટ મળે છે. તેથી તેની કિંમત 5041 રૂપિયા પ્રતિ ગ્રામ થઈ હતી.
આવી રીતે મળશે 2186 રૂપિયાનો ફાયદો
જો તમે 10 ગ્રામ સોનું ખરીદો છો, તો તેના માટે તમારે પ્રતી ગ્રામ 5,1470 રૂપિયા ચૂકવવા પડશે. તમને આ સોનું 52,094 રૂપિયાની સરખામણીમાં 624 રૂપિયાના ઓછા ભાવે એટલે 51,470 રૂપિયામાં મળશે. આ સિવાય માર્કેટમાંથી સોનું ખરીદવા પર તમારે 1562 રૂપિયાનો 3 ટકા જીએસટી ચૂકવવો પડે છે. જે આમાં નથી ચૂકવવાનો રહેતો. આ રીતે તમને 10 ગ્રામ પર 1562 + 624 = 2186 રૂપિયાનો નફો થાય છે.
કેટલું અને કોણ કરી શકે છે રોકાણ
આ બોન્ડ માત્ર નિવાસી વ્યક્તિઓ, હિંદુ અવિભાજિત પરિવારો (HUF), ટ્રસ્ટો, યુનિવર્સિટીઓ અને ચેરિટેબલ સંસ્થાઓ દ્વારા જ ખરીદી શકાય છે. ઈન્ડીવિઝુઅલ રોકાણકારો એક વર્ષમાં વધુમાં વધુ 4 કિલો ગોલ્ડ બોન્ડ ખરીદી શકે છે. આ સિવાય ટ્રસ્ટ અથવા સંસ્થાઓ વર્ષમાં વધુમાં વધુ 20 કિલો બોન્ડ ખરીદી શકે છે.
ક્યાંથી ખરીદી શકાય છે ગોલ્ડ બોન્ડ?
રોકાણકારો તેને સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ (SHCIL), પોસ્ટ ઓફિસ અને માન્ય સ્ટોક એક્સચેન્જ, NSE અને BSE દ્વારા ખરીદી શકે છે. જો કે, તમે આને સ્મોલ ફાઇનાન્સ બેંક અને પેમેન્ટ બેંકમાંથી ખરીદી શકતા નથી. ગોલ્ડ બોન્ડનું એક યુનિટ ખરીદો અને તેના મૂલ્ય જેટલી રકમ તમારા ડીમેટ ખાતા સાથે જોડાયેલા ખાતામાંથી કાપવામાં આવે છે.