IPL 2022 / આજે મહામુકાબલો! આ બે ખેલાડીઓ IPL ફાઇનલમાં ક્યારેય નથી હાર્યા, આજે આમને સામને, આજે કોણ મારશે બાજી

• આજે IPL 2022નો ફાઈનલ મુકાબલો 
• રાજસ્થાન રોયલ્સ અને ગુજરાત ટાઈટન્સ વચ્ચે મેચ 
• હાર્દિક પંડ્યા અને ટ્રેન્ટ બોલ્ટ આવશે સામસામે 

આજે IPL 2022નો ફાઈનલ મુકાબલો 

આજે એટલે કે 29 મેનો દિવસ IPL 2022 માટે અત્યંત ખાસ છે. અમદાવાદનાં નરેન્દ્ર મોદી સ્ટેડિયમમાં ગુજરાત ટાઈટન્સ અને રાજસ્થાન રોયલ્સ વચ્ચે ટક્કર થશે. એક લીગની નવી ટીમ છે, તો એક આઈપીએલની ચેમ્પિયન. ભારતનાં ભૂગોળનાં હિસાબે બે પાડોશી રાજ્ય, જે ઈતિહાસ રચવા માટે ઉતરશે. આમ તો રાજસ્થાન એક વાર ચેમ્પિયન રહી ચુકી છે, પરંતુ તેને ઘણા વર્ષો વિતી ગયા છે, જ્યારે ગુજરાત પહેલી વાર રમી રહી છે. બંને ટીમમાંથી બે એવા ખેલાડી છે, જેમણે હાલમાં જ ખિતાબનો સ્વાદ ચાખ્યો છે અં ઈ પણ ખભ્ભાથી ખબ્ભા મિલાવીને. આ વખતે બંને એકબીજાનો શિકાર કરવા ઉતરશે. 

બે એવા ખેલાડીઓ જે ગત સીઝન સુધી એકસાથે હતા અને એ પહેલા સતત બે વાર ખિતાબ જીતી ચુક્યા છે, હવે બંને અલગ અલગ ટીમમાં છે. આ બે ખેલાડીઓ છે - હાર્દિક પંડ્યા અને ટ્રેન્ટ બોલ્ટ. એકસાથે જેમણે મુંબઈ ઇન્ડિયન્સને સતત બે વાર ચેમ્પિયન બનાવ્યું. ગત સીઝન સુધી મુંબઈ ઇન્ડિયન્સનો હિસ્સો રહેલા આ બે સ્ટાર ખેલાડીઓનાં દમ પર મુંબઈએ 2020નો ખિતાબ પોતાના નામે કર્યો હતો. 

100% રેકોર્ડ 
હાર્દિક અને બોલ્ટ હવે એકવાર ફરી સામસામે આવશે. બંનેનો આઈપીએલ ફાઈનલનો રેકોર્ડ 100 ટકા છે. બોલ્ટે માત્ર એક ફાઈનલ રમી છે અને તેમાં તેમણે જીત મેળવી છે. હાર્દિક પંડ્યાએ આ પહેલા મુંબઈ સાથે ચાર વાર આઈપીએલ ફાઈનલ રમી છે અને દરેક વાર તેઓ ચેમ્પિયન બન્યા છે, એટલે કે આ વખતે બંનેમાંથી એકનો રેકોર્ડ બદલાઈ જશે. પહેલા ક્વોલિફાયરમાં બંનેનો સામનો થયો હતો અને તેમાં હાર્દિકે બાજી મારી હતી. હાર્દિકે તે મેચમાં 40 રન બનાવીને ટીમને જીત અપાવી હતી. બોલ્ટ હાર્દિકની વિકેટ લેવામાં અસફળ રહ્યા હતા.

બોલ્ટ બતાવશે 2020વાળી ધાર?
કહેવાય છે કે મોટા ખેલાડીઓ મોટા મુકાબલાઓમાં જ દમદાર પ્રદર્શન બતાવે છે અને આમ જોવા જઈએ તો બોલ્ટ આ વખતે લડાઈ જીતી શકે છે. 2020નાં ફાઈનલમાં બોલ્ટની શાનદાર બોલિંગનાં દમ પર મુંબઈએ ખિતાબ જીત્યો હતો. બોલ્ટને આ ફાઈનલનાં પ્લેયર ઓફ ધ મેચ પસંદ કરવામાં આવ્યા હતા. આ સીઝનમાં પણ તેઓ આ કમાલ કરી શકે છે અને એક વાર ફરી પોતાની ટીમને જીત અપાવીને સ્ટાર બની શકે છે.