આસ્થા / આજ છે મહાદેવનો દિવસ, ભોલેનાથને પ્રસન્ન કરવા અને ચંદ્ર દોષ દુર કરવા ફટાફટ કરી લો આ કામ

• સોમવારનો દિવસ શિવજીને અર્પણ કરવામાં આવે છે
• મહાદેવ ઘણા કૃપાળુ અને દયાળુ ભગવાન છે
• ચંદ્ર દોષને કારણે નીંદર, થાક અને તણાવ કેવી સમસ્યા થાય છે

જ્યોતિષશાસ્ત્રમાં સોમવારનો દિવસ શિવજીને અર્પણ કરવામાં આવે છે. આપણા હિન્દુ શાસ્ત્રો મુજબ અઠવાડિયાના દરેક દિવસ કોઈને કોઈ દેવી-દેવતાને સમર્પિત છે અને એ જ રીતે આજે સોમવારનો દિવસ ભગવાન શિવને સમર્પિત છે એવું માનવામાં આવે છે. અઠવાડિયાના પહેલા દિવસે એટલે કે સોમવારે ભગવાન શિવને પ્રસન્ન કરવા સરળ છે. તેમની આરધના કરવા માટે સૌથી શ્રેષ્ઠ દિવસ સોમવાર એટલે કે આજનો દિવસ ગણવામાં આવે છે. સાથે જ એવી પણ માન્યતા છે કે આજના દિવસે મહાદેવની કૃપા મેળવવા માટે આ સરળ ઉપાય કરી લેશો તો જીવનમાં આવેલ દરેક પરેશાની અને સમસ્યા ભોલેનાથ દૂર કરી દેશે. ભગવાન શિવને ભોલેનાથના નામે પણ ઓળખવામાં આવે છે. કહેવાય છે કે મહાદેવ ઘણા કૃપાળુ અને દયાળુ ભગવાન છે. એ ભક્તોની ભક્તિથી જલ્દી જ પ્રસન્ન થઈ જાય છે અને એટલા માટે જ એમને ભોલેનાથના નામે ઓળખવામાં આવે છે.

પૌરાણિક કથા અનુસાર દેવોના દેવતા ભોલેનાથ દરેક દેવતાઓ માંથી સૌથી વધુ સરળ સ્વભાવના છે અને એમને ખુશ કરવા માટે આજના દિવસે એમની વિશેષ પૂજા કરવાથી તેઓ પ્રસન્ન થઈને દરેક સમસ્યામાંથી છુટકારો અપાવી શકે છે. ખાસ કરીને ચંદ્રદોષથી છુટકારો મેળવવા માટે શિવજીનો સોમવાર ઘણો શુભ માનવામાં આવ્યો છે. 

ચંદ્ર દોષને કારણે તણાવ રહે છે 
ચંદ્ર દોષ ઘણી સમસ્યાનું કારણ હોય છે. ખાસ કરીને ચંદ્ર દોષને કારણે નીંદર, થાક અને તણાવ કેવી સમસ્યા થાય છે. ચંદ્ર દોષ વ્યક્તિના સ્વાસ્થ્ય પર ઘણો ખરાબ અસર નાખે છે. એટલા માટે જ ચંદ્ર દોષને દુર કરવા માટે ફટાફટ આ ઉપાય કરી લેવા જોઈએ. 

સોમવારનો વ્રત રાખો 
જો કુંડલીમાં ચંદ્ર દોષ છે તો આજનો એટલે કે સોમવારનો વ્રત રાખવો ખુબ જરૂરી છે. સાથે જ આજના દિવસે પૂર્ણ વિધિવિધાનથી શિવજીની પૂજા કરો. ખાસ કરીને ચંદ્ર દેવની પણ પૂજા કરો. રુદ્રાક્ષને માળા લો અને ॐ श्रां श्रीं श्रौं सः चंद्रमसे नमः મંત્રનો જાપ કરો. ભગવાન શિવ ચંદ્રને ધારણ કરે છે તો એ ચંદ્ર દોષને દુર કરી શકે છે. આ માટે આજના સીવસે શિવલિંગ પર ચાંદીના લોટાથી દૂધ ચઢાવો અને એ સાથે દહીં, સફેદ કપડા, સફેદ ચંદન અને ચોખા જેવી વસ્તુઓ પણ અર્પિત કરો. અ સિવાય તેનું દાન પણ કરો.