આજે ક્રિકેટનાં ભગવાન તરીકે ઓળખાતા સચિન તેંડુલકરનો જન્મદિવસ છે. જાણો તેમના સાત એવા રેકોર્ડ કે જે આજ સુધી કોઈ તોડી શક્યું નથી.
સચિન તેંડુલકરનો આજે જન્મદિવસ
ક્રિકેટનાં ભગવાન તરીકે ઓળખાય છે
ઘણા રેકોર્ડ કર્યા છે પોતાને નામ
જ્યારે પણ ક્રિકેટની વાત નીકળે, ત્યારે સચિન તેંડુલકરનું નામ લીધા વગર હંમેશા ચર્ચા અધુરી જ રહે છે. ભારતીય ક્રિકેટનાં ભગવાન તરીકે ઓળખાતા સચિન માટે એમ કહેવું ખોટું નથી કે તેમણે ક્રિકેટની દુનિયામાં દશકાઓ સુધી રાજ કર્યું છે. દુનિયાભરનાં ઘણા દિગ્ગજ ક્રિકેટરો સાથે રમી ચુકેલા સચિને પોતાની બેટિંગથી એક અલગ ઓળખાણ બનાવી હતી અને વિશ્વ ક્રિકેટમાં પોતાની છાપ ઉભી કરી હતી. સચિનને આંતરરાષ્ટ્રીય ક્રિકેટમાંથી સન્યાસ લીધાને આઠ વર્ષ થઇ ગયા પરંતુ આજે પણ તેમના નામાના રેકોર્ડને કોઈ તોડી શક્યું નથી. 16 વર્ષની ઉંમરમાં ભારત તરફથી ડેબ્યૂ કરનાર સચિન તેંડુલકરનો આજે 49મો જન્મદિવસ છે. આવામાં આવો જાણીએ તેમના એવા ક્યા ખાસ રેકોર્ડ છે, જેને અજ સુધી કોઈ તોડી નથી શક્યું.
સૌથી વધારે 50 થી વધુ રનની ઇનિંગ્સ
સચિન આજે પણ આંતરરાષ્ટ્રીય ક્રિકેટમાં સૌથી વધારે વાર 50 રનથી વધારે સ્કોર કરનાર ક્રિકેટર છે. તેમણે કુલ 264 વાર આ કમાલ કરી બતાવી છે. આમાં 145 વન ડે અને 119 ટેસ્ટ ક્રિકેટમાં તેમણે 50થી વધારે રન બનાવ્યા છે.
આંતરરાષ્ટ્રીય ક્રિકેટમાં સૌથી વધારે રન
વન ડે કે ટેસ્ટ ક્રિકેટ, બંને જગ્યાએ સચિનનાં નામે સૌથી વધારે રન બનાવવાનો રેકોર્ડ છે. તેમણે પોતાની કરિયરમાં કુલ 34357 રન બનાવ્યા છે. આમાં ટેસ્ટમાં 15921 રન વન ડેમાં અને 18426 રન બનાવ્યા છે.
સૌથી વધારે આતરરાષ્ટ્રીય મેચ રમવાનો રેકોર્ડ
સચિન તેંડુલકરે પોતાની આતરરાષ્ટ્રીય કરિયરમાં કુલ 664 મેચ રમી છે. આમાં તેમણે 200 ટેસ્ટ મેચ અને 463 વનડે મેચ રમી છે.અ કોઈપણ ક્રિકેટર દ્વારા સૌથી વધારે મેચ રમવાનો વિશ્વમાં રેકોર્ડ છે, જે આજે પણ સચિનનાં નામે છે.
કોઈપણ એક સ્થાન પર બેટિંગ કરતા સૌથી વધુ રન
બેટિંગમાં કોઈપણ એક સ્થાન પર રમતા કરિયરમાં સૌથી વધારે રન બનાવવાનો રેકોર્ડ પણ સચિનનાં નામે છે. માસ્ટર બ્લાસ્ટરે ભારતીય ટીમ માટે ચોથા સ્થાન પર બેટિંગ કરતા 275 દાવમાં 54.40ની સરેરાશે 13492 રન બનાવ્યા છે.
ટેસ્ટ ક્રિકેટમાં સૌથી વધારે ચોક્કા
સચિન તેંડુલકરે ટેસ્ટ ક્રિકેટમાં 2000થી પણ વધારે ચોક્કા લગાવ્યા છે. આ કોઇપણ ખેલાડી દ્વારા લગાવવામાં આવેલ સૌથી વધારે ચોક્કા છે. સચિને ટેસ્ટ ક્રિકેટમાં કુલ 2058 ચોક્કા લગાવ્યા છે.
વન ડેમાં સૌથી વધારે 'મેન ઓફ ધ સીરીઝ ' નો એવોર્ડ જીતવાનો રેકોર્ડ
સચિને પોતાની વન ડે કરિયરમાં 15 વાર મેન ઓફ ધ મેચ સીરીઝનો એવોર્ડ જીત્યો છે. તેઓ કુલ 108 સીરીઝનો હિસ્સો રહ્યા છે અને આ દરમિયાન જ તેમણે આટલા એવોર્ડ જીત્યા છે.
વન ડેમાં સૌથી વધારે 'મેન ઓફ ધ મેચ' જીતવાનો રેકોર્ડ
તેંડુલકરે પોતાની કરિયરમાં સૌથી વધારે 62 વાર મેન ઓફ ધ મેચ એવોર્ડ જીત્યો છે, જે કોઈપણ ક્રિકેટરની સરખામણીમાં સૌથી વધારે છે.