હેપી બર્થ ડે / બોલિવુડનાં બાબૂભૈયાનો આજે જન્મદિવસ, ફિલ્મી રહી છે પરેશ રાવલની લવ સ્ટોરી, પહેલી નજરનો પ્રેમ ફળ્યો

• આજે પરેશ રાવલનો જન્મદિવસ 
• ફિલ્મી છે પરેશ રાવલની લવ સ્ટોરી 
• પહેલી નજરે જ સ્વરા સંપતને આપી બેસ્યા હતા દિલ 

આજે પરેશ રાવલનો જન્મદિવસ 

પરેશ રાવલ બોલિવુડનાં સૌથી શાનદાર અભિનેતાઓમાં સામેલ છે. ભલે નેગેટિવ પાત્ર હોય કે કોમેડી ફિલ્મ, પરેશ રાવલ દરેક રોલમાં છવાઈ જાય છે. પરેશ રાવલ આજે પોતાનો 67મો જન્મદિવસ મનાવી રહ્યા છે. તેમણે બોલિવુડમાં એકથી વધીને એક ફિલ્મો કરી છે અને પોતાની દરેક ફિલ્મથી દર્શકોનાં દિલમાં સ્થાન બનાવવામાં સફળ રહ્યા છે. પરેશ રાવલ ફિલ્મોથી લઈને સોશિયલ મુદ્દાઓ પર પણ પોતાનો ઓપિનિયન આપતા રહે છે. સોશિયલ મીડિયા પર પણ તેઓ પોતાના ફેન્સ સાથે તેઓ કનેક્ટેડ રહે છે. 

પરંતુ, તેઓ પોતાની પર્સનલ લાઈફ વિષે વધારે વાતો કરતા નથી. તેમની પર્સનલ લાઈફ વિષે ખૂબ જ ઓછા લોકો જાણે છે. પરેશ રાવલનો જન્મ મુંબઈમાં એક ગુજરાતી પરિવારમાં થયો હતો. બાળપણથી જ તેમને થીએટરમાં રૂચી હતી અને બોલિવુડમાં તેમને ફિલ્મો પણ મળવા લાગી. પરેશ રાવલ વિષે ખૂબ જ ઓછા લોકો જાણે છે કે તેમના લગ્ન મિસ ઇન્ડિયા સાથે થયા છે. બંને ઘણા વર્ષોથી રિલેશનશિપમાં હતા. પરેશ રાવલની લવ સ્ટોરી ફિલ્મી જ છે. 

પહેલી નજરમાં જ દિલ ખોઈ બેસ્યા હતા પરેશ રાવલ 
પરેશ રાવળે 1975માં પહેલી વાર સ્વરા સંપતન જોઈ તો પોતાનું  દિલ ખોઈ બેસ્યા. તેમણે ત્યારે જ નિર્ણય કરી લીધો હતો કે તેઓ સ્વરા સંપત સાથે જ લગ્ન કરશે. સ્વરાએ એક ઇન્ટરવ્યૂમાં કહ્યું હતું કે ગુલાબી રંગની સાડી પહેરીને હું પેમ્પલેટ વહેંચી રહી હતી. ત્યારે જ પરેશ પોતાના મિત્રો સાથે આવ્યા અને કહ્યું કે હું તારી સાથે લગ્ન કરવાનો છુ. ત્યાર બાદ એક વર્ષ સુધી અમારી કોઈ વાતચીત થઇ ન હતી. થોડા સમય બાદ મેં પરેશનું પ્લે જોયું અને હું ફેન બની ગઈ. 

મિસ ઇન્ડિયા બન્યા બાદ કર્યા લગ્ન 
સ્વરા સંપત અને પરેશ રાવલ ધીરે ધીરે એકબીજાની નજીક આવી ગયા હતા. પરિવાર અને પરેશ રાવલનાં કહેવા પર તેમણે 1979માં મિસ ઇન્ડિયા કોન્ટેસ્ટમાં બ્જ્હાગ લીધો અને જીતી પણ ગઈ. તે જ વર્ષે તેમણે મિસ યુનિવર્સ પ્રતિયોગીતામાં પણ ઇન્ડિયાને રિપ્રેઝન્ટ કર્યું હતું. ત્યાર બાદ પરેશ રાવલ અને સ્વરા સંપતે પરિવારની હાજરીમાં લગ્ન કર્યા હતા. 

મેડ ફોર ઈચ અધર 
પરેશ રાવલ અને સ્વરા સંપતનાં બે પુત્ર છે. સ્વરા સંપત દેખાવમાં ખૂબ જ સુંદર છે. પરેશ રાવલ પોતાની પર્સનલ લાઈફ વિષે ભલે ઓછી વાત કરતા હોય, પરંતુ તેમની અને સ્વરા સંપતની જોડી મેડ ફોર ઈચ અધર છે. પરેશ રાવલની ફિલ્મી કરિયર પણ શાનદાર રહી છે. તેમને 'સર' અને 'છોકરી' જેવી ફિલ્મો માટે નેશનલ એવોર્ડ પણ મળ્યો છે.