જંગ / GT vs LSG: પંડયા vs પંડયા: આજે IPLની બે નવી ટીમ ટકરાશે સામસામે! ગુજરાતીઓમાં અનોખો ઉત્સાહ

• આજે ગુજરાત ટાઈટન્સ અને લખનૌ સુપર જાયન્ટ્સ વચ્ચે મુકાબલો 
• લખનૌએ રાહુલને 17 કરોડમાં સાઈન કર્યા 
• પહેલી વાર એકબીજા વિરુદ્ધ રમશે બે ભાઈ હાર્દિક-કૃણાલ 

આજે ગુજરાત ટાઈટન્સ અને લખનૌ સુપર જાયન્ટ્સ વચ્ચે મુકાબલો 

IPL 2022 સિઝનમાં સોમવારે એટલે કે 28 માર્ચનાં રોજ એક જ મેચ રમવામાં આવશે. આ મેચ ગુજરાત ટાઈટન્સ અને લખનૌ સુપર જાયન્ટ્સ વચ્ચે રમાશે. આ બંન્ને ટીમ આઈપીએલની નવી ટીમ છે અને પોતાની પહેલી મેચ પણ એકબીજાની સામે જ રમશે. 

ગુજરાત ટીમની કમાન સ્ટાર ઓલરાઉન્ડર હાર્દિક પંડ્યાનાં હાથમાં છે, જયારે લખનૌ ટીમની કપ્તાની કેએલ રાહુલ સંભાળી રહ્યા છે. હાર્દિક ગત સીઝન સુધી મુંબઈ ઇન્ડિયન્સ માટે રમી રહ્યા હતા. જ્યારે રાહુલ ગત સીઝન સુધી પંજાબ કિંગ્સનાં કપ્તાન હતા. 

લખનૌએ રાહુલને 17 કરોડમાં સાઈન કર્યા 

રાહુલ IPLનાં ઈતિહાસમાં સુંથી વધારે 17 કરોડ રૂપિયા ફિસ મેળવનાર ખેલાડી પણ છે. લખનૌએ તેમને આ રકમ પર ડ્રાફ્ટ કર્યા હતા. જ્યારે અમદાવાદ ફ્રેન્ચાઈસીએ હાર્દિક પંડ્યાને 15 કરોડ રૂપિયામાં સાઈન કર્યા હતા. આ બંને ખેલાડીઓ સામે પોતાની ફ્રેન્ચાઈસી નાં વિશ્વાસ પર ઉણા ઉતારવાના પડકાર રહેશે. 

પહેલી વાર એકબીજા વિરુદ્ધ રમશે બે ભાઈ હાર્દિક-કૃણાલ 
મેચની સૌથી મોટી વાત એ પણ છે કે પહેલી વાર એકબીજા વિરુદ્ધ બે ભાઈ રમતા જોવા મળશે. આ ભાઈ હાર્દિક અને કૃણાલ પંડ્યા છે. આ બંને ગત વર્ષ સુધી મુંબઈ ઇન્ડિયન્સ માટે રમતા જોવા મળ્યા હતા. હાર્દિકને અમદાવાદ ફ્રેન્ચાઈસીએ ડ્રાફ્ટ કર્યા હતા, જયારે કૃણાલ પંડ્યા મેગા ઓક્શનમાં સામેલ થયા હતા. હરાજીમાં લખનૌ ફ્રેન્ચાઈસીએ કૃણાલને 8.25 કરોડ રૂપિયામાં ખરીદ્યા હતા. 

શુભમન ગિલ સાબિત થઇ શકે છે ગુજરાત ટાઈટન્સ માટે  મોટું હથિયાર 
શુભમન ગિલ ક્લાસિક બેટિંગ માટે ફેમસ રહ્યા છે. તેમની ક્લાસિક બેટિંગનાં સૌ દીવાના છે. જ્યારે તેઓ પોતાની લયમાં હોય તો કોઈપણ બોલરને પરસેવો વાળી દે છે.  તેમની ખતરનાક રમતને જોતા જ ગુજરાત ટાઈટન્સ ટીમેં તમને સામેલ કર્યા છે. આવામાં તેઓ કપ્તાન હાર્દિક પંડ્યા માટે મોટું હથિયાર સાબિત થઇ શકે છે. 

મોહમ્મદ શમી કરશે બોલિંગની આગેવાની 
કર્ણાટકનાં અભિનવ મનોહર અને ડેવિડ મિલર મધ્યક્રમમાં ઉતરશે. બોલિંગમાં મોહમ્મદ શમી નેતૃત્વ કરશે. તેઓ પોતાના પ્રદર્શનનાં દમ પર વર્ષનાં અંતમાં ઓસ્ટ્રેલિયામાં થનાર વિશ્વ કપની ટીમમાં પસંદગીનો દાવો પાક્કો કરવા માંગશે. લેગ સ્પિનર રાશિદ ખાન પણ મેચ વિનર ખેલાડી છે, જેમને વાનખેડે સ્ટેડિયમ પર બોલિંગમાં મજા પણ આવે છે. 

1️⃣ day to go! 🤩

Bohot hua Bhaichara, ab hogi Bhai-Valry 🔥

▶️ Watch our man @HardikPandya7 banter with @KLRahul11 before tomorrow's team debuts! @LucknowIPL#SeasonOfFirsts #AavaDe #AbApniBaariHai #GTvLSG pic.twitter.com/JZ8r2ycSib

— Gujarat Titans (@gujarat_titans) March 27, 2022

લખનૌની આ હોઈ શકે છે ઓપનિંગ જોડી 
લખનૌ માટે ઘણું કપ્તાન કેએલ રાહુલ પર નિર્ભર રહેશે, જે દક્ષિણ આફ્રિકાનાં ક્વિન્ટોન ડીકોક સાથે દાવની શરૂઆત કરશે. બંને ટેકનીકમાં માહેર છે. લખનૌ પાસે પણ દીપક હુડ્ડા, કૃણાલ પંડ્યા અને વેસ્ટઇન્ડીઝના જેસન હોલ્ડર જેવા ધુરંધર ખેલાડીઓ છે અને મધ્યક્રમમાં માનીશ પાંડેનો અનુભવ પણ કામ આવશે. 

લખનૌ પાસે છે આ વિસ્ફોટક સ્પિનર 
લખનૌ સુપર જાયન્ટ્સ માટે બોલિંગની આગેવાની ઝડપી બોલર આવેશ ખાન કરશે, જ્યારે રવિ બિશ્નોઈ સ્પીનનો ભાર સંભાળશે. 

બંને ટીમ 
ગુજરાત ટાઈટન્સ
હાર્દિક પંડ્યા, અભિનવ મનોહર, ડેવિડ મિલર, ગુરકીરત સિંહ, સાઈ સુદર્શન, શુભમન ગિલ, રાહુલ તેવતિયા, વિજય શંકર, મેથ્યૂ વેડ, રહમાનુલ્લાહ ગુરબાજ, રીદ્ધિમાન સાહા, અલઝારી જોસફ, દર્શન નલકાંડે, ડોમિનિક ડ્રેક્સ, જયંત યાદવ, લોકી ફર્ગ્યુસન, મોહમ્મદ શમી, નૂર અહમદ, પ્રદીપ સાંગવાન, રાશિદ ખાન, રવિ શ્રીનીવાસન સાઈ, વરુણ આરોન, યશ દયાલ 

લખનૌ સુપર જાયન્ટ્સ 
કેએલ રાહુલ, મનન વોરા, એવીન લુઇસ, માનીશ પાંડે, ક્વીન્ટોન ડીકોક, રવિ બિશ્નોઈ, દુશ્મન્તા ચામીરા, શાહબાઝ નદીમ, મોહસીન ખાન, મયંત યાદવ, અંકિત રાજપૂત, આવેશ ખાન, એન્ડ્યૂ ટાય, માર્કસ સ્ટોઈનિસ, કાઈલ માયર્સ, કારણ શર્મા, કૃષ્ણપ્પા ગૌતમ, આયુષ બદોની, દીપક હુડ્ડા, કૃણાલ પંડ્યા, જેસન હોલ્ડર