- દેશભરમાં 76મા સ્વતંત્રતા દિવસની ઉજવણી
- પીએમ મોદીએ લાલ કિલ્લા પરથી દેશને કર્યો સંબોધિત
- કહ્યું 2047 માટે પાંચ વચનો લેવા પડશે
- પીએમ મોદીએ દેશને આપ્યો નવો નારો- જય જવાન, જય કિસાન, જય વિજ્ઞાન અને જય અનુસંધાન
આજે ભારત માટે ખાસ દિવસ છે આજથી 75 વર્ષ પહેલા ભારતને અંગ્રજો તરફથી આઝાદી મળી હતી. તે વાતને આજે 75 વર્ષ પુરા થયા છે અને આખો દિવસ ભારે હર્ષોલ્લાસથી તેની ઉજવણી કરી રહ્યો છે. પીએમ મોદીએ લાલ કિલ્લા પર તિરંગો ફરકાવ્યો હતો. આ પછી પીએમ મોદીએ દેશને સંબોધિત કર્યો હતો. પીએમ મોદીએ તેમના ભાષણમાં પાંચ મોટા વચનો લેવાનું લોકોને આહવાન કર્યું હતું.
ભ્રષ્ટાચાર સામે લડવું પડશે
પીએમ મોદીએ કહ્યું કે ભારત જેવી લોકશાહીમાં જ્યાં લોકો ગરીબી સામે ઝઝૂમી રહ્યા છે. એક તરફ એવા લોકો છે જેમની પાસે રહેવા માટે જગ્યા નથી. બીજું એ લોકો છે. જેમની પાસે લૂંટાયેલા પૈસા રાખવાની જગ્યા નથી. આપણે ભ્રષ્ટાચાર સામે લડવું પડશે. જેમણે પાછલી સરકારોમાં બેંકોને લૂંટીને ભાગી ગયા હતા. અમે તેમની સંપત્તિ જપ્ત કરી રહ્યા છીએ. ઘણા લોકો જેલમાં છે. અમારો પ્રયાસ એ છે કે જે લોકોએ દેશને લૂંટ્યો છે તેમના માટે એવી પરિસ્થિતિનું નિર્માણ થાય કે તેમને લૂંટેલા પૈસા પાછા આપવા પડે. મોદીએ કહ્યું કે ભ્રષ્ટાચાર ઉધઈની જેમ દેશને ખોખલો કરી રહ્યો છે. મારે તેની સામે લડવું પડશે. મારે તેની સામેની લડત વધુ તીવ્ર બનાવવી પડશે. મારે 130 કરોડ ભારતીયોના સમર્થનની જરૂર છે જેથી હું આ ભ્રષ્ટાચાર સામે લડી શકું.
ભારતની સામે બે મોટા પડકાર
પીએમ મોદીએ કહ્યું કે ભારતની સામે બે મોટા પડકાર છે, ભ્રષ્ટાચાર અને પરિવારવાદ. તેમણે કહ્યું કે આપણે દેશને આ બે મોટા પડકારોથી છોડાવવો પડશે. પરિવારવાદની રાજનીતિમાંથી મુક્ત કરવો પડશે. મોદીએ કહ્યું કે દેશને પરિવારવાદમાંથી મુક્ત કરવા માટે હું દેશના યુવાનોનો સહયોગ માગું છું.
પીએમ મોદીએ યુવાનોને કરી મોટી અપીલ
પીએમ મોદીએ યુવાનોને અપીલ કરી હતી કે આઝાદીના 100 વર્ષ પૂરા કરવા માટે અત્યારથી સંકલ્પ લો કે પછી તે વિકસિત દેશ બનશે. માણસ વિકાસના કેન્દ્રમાં રહેશે. વડાપ્રધાન મોદીએ કહ્યું કે, જ્યારે દેશ આઝાદીના 100 વર્ષ પૂરા કરી રહ્યો છે, ત્યારે યુવાનોની ઉંમર 50-55 વર્ષ હશે.
2047 માટે પાંચ વચનો લઈએ
પીએમ મોદીએ દેશના લોકોને 2047 માટે પાંચ વચન લેવાનું આહવાન કર્યું. પીએમ મોદીએ કહ્યું કે દેશના દરેક નાગરિકે વિકસીત ભારત, દરેક પ્રકારની ગુલામીની મુક્તિ, હેરિટેજનું ગૌરવ, એકતા અને સપના સાકાર કરવા એવા પાંચ વચનો લેવા જોઈએ.
પીએમ મોદીએ લાલ કિલ્લા પરથી 5 વચનો લેવડાવ્યાં
1. વિકસિત ભારત - હવે દેશ મોટા સંકલ્પો સાથે આગળ વધશે, અને તે મોટો સંકલ્પ ભારત વિકસિત છે અને તેનાથી ઓછું કંઈ નથી.
2. ગુલામીમાંથી મુક્તિ- જો આપણા મનની અંદર ગુલામીનો જરા સરખો પણ અંશ રહી ગયો હશે તો આપણે તેમાંથી નહીં છટકી શકીએ.
3. હેરિટેજનું ગોરવ- પીએમ મોદીએ કહ્યું કે આપણે આપણા વારસા પર ગર્વ કરવો જોઈએ. આ વારસાએ જ ભારતને સુવર્ણ કાળ આપ્યો છે. તે એક વારસો છે જેમાં સમયાંતરે ફેરફારો કરવાની ક્ષમતા છે.
4. એકતા- પીએમ મોદીએ ચોથું વચન એકતાનું લેવડાવ્યું હતું.
5. નાગરિકોને પોતાની ફરજ બજાવવાના સંકલ્પ - પીએમ મોદીએ કહ્યું લોકોએ પોતાની ફરજો સારી રીતે બજાવવાનું વચન લેવું જોઈએ આમાંથી પીએમ, મુખ્યમંત્રી પણ બાકાત નથી.
અમૃતકાળ સમાજના સપના અને ધ્યેયો પૂરા પાડશે
પીએમ મોદીએ કહ્યું કે અમૃતકાળ સમાજના સપના અને ધ્યેયો પૂરા પાડવાની સુવર્ણ તક પુરી પાડી રહ્યો છે. મારા વ્હાલા દેશવાસીઓ! જ્યારે સપના મોટા હોય, સંકલ્પ મોટા હોય ત્યારે પુરુષાર્થ અને શક્તિ પણ મોટી જોઈએ.
ભારત લોકશાહીની જનની છે, દેશે અમૂલ્ય ક્ષમતા સાબિત કરી છે
પીએમ મોદીએ કહ્યું કે ભારત લોકશાહીની જનની છે. ભારતે અમૂલ્ય ક્ષમતા સાબિત કરી છે અને 75 વર્ષની તેની સફર દરમિયાન ઘણા પડકારો વેઠ્યાં છે.
પીએમ મોદીએ આઝાદીની વિરાંગનાઓને આપી શ્રદ્ધાંજલિ
પ્રધાનમંત્રીએ રાણી લક્ષ્મી બાઈ અને બેગમ હઝરત મહેલ સહિત ભારતની મહિલા લડવૈયાઓને શ્રદ્ધાંજલિ અર્પણ કરી હતી. તેમણે કહ્યું કે ભારત લોકશાહીની જનની છે, આપણે સિદ્ધ કર્યું છે આપણી પાસે એક અનમોલ સામર્થ્ય છે.
દેશ માટે બલિદાન આપનાર જવાનો, પોલીસકર્મીઓને નમન
પીએમ મોદીએ તેમના રાષ્ટ્રજોગ પ્રવચનમાં કહ્યું કે છેલ્લા 75 વર્ષમાં દેશ માટે મરનાર અને દેશના સંકલ્પ પૂરા કરનાર, દેશના જવાનો, પોલીસકર્મીઓ, શાસકો, અને દેશને આગળ વધારવામાં યોગદાન આપનાર કરોડો લોકોને આજે નમન કરવાનો દિવસ છે.
દેશને સંબોધિત કરતા પીએમ મોદીએ કહ્યું કે ભારતનાં અગણિત ક્રાંતિવિરોએ અંગ્રેજ શાસનનાં પાયા હચમચાવી નાખ્યા, આ તમામ મહાપુરુષોને આજે નમન કરવાનો અવસર છે.
નવા સંકલ્પ સાથે નવી દિશામાં પગલું ભરવાનો દિવસ
તિરંગો ફરકાવ્યાં બાદ પીએમ મોદીએ દેશજોગ સંબોધન કર્યું હતું. આ પ્રસંગે પીએમ મોદીએ કહ્યું કે આઝાદી દિવસના પાવન પ્રસંગે હું તમામ દેશવાસીઓને અભિનંદન આપું છું. તેમણે કહ્યું કે નવા સંકલ્પ સાથે નવી દિશામાં પગલું ભરવાનો દિવસ છે.
પીએમ મોદીએ લાલ કિલ્લા પર ફરકાવ્યો તિરંગો
પ્રધાનમંત્રી મોદીએ લાલ કિલ્લા પર તિરંગો ફરકાવીને આઝાદી દિવસની ઉજવણીને ખુલ્લી મૂકી હતી. ધ્વજવંદન કર્યાં બાદ પીએમ મોદીએ તિરંગાને સલામી આપી હતી.
લાલ કિલ્લા પર પહોંચ્યાં પ્રધાનમંત્રી મોદી, થોડી વારમાં ફરકાવશે તિરંગો
રાજઘાટ પર મહાત્મા ગાંધીને શ્રદ્ધાંજલિ આપ્યાં બાદ પીએમ મોદી લાલ કિલ્લા પર પહોંચ્યાં હતા જ્યાં સંરક્ષણ મંત્રી રાજનાથ સિંહે તેમનું સ્વાગત કર્યું હતું.
પ્રધાનમંત્રી મોદી રાજઘાટ પહોંચ્યાં, બાપુને આપી શ્રદ્ધાંજલિ
આઝાદી દિવસના કાર્યક્રમની શરુઆત થઈ ચૂકી છે. પીએમ મોદી રાજઘાટ પહોંચ્યાં હતા અને મહાત્મા ગાંધીને શ્રદ્ધાજંલિ આપી હતી. રાજઘાટ મહાત્મા ગાંધીની સમાધિ છે.
પીએમ મોદીએ દેશવાસીઓને 76મા આઝાદી દિવસની શુભકામના પાઠવી
પીએમ મોદીએ દેશવાસીઓને 76મા આઝાદી દિવસની શુભકામના પાઠવી હતી. સંરક્ષણ મંત્રી રાજનાથ સિંહે તિરંગો ફરકાવીને આઝાદી દિવસ મનાવ્યો હતો. સંરક્ષણ મંત્રી રાજનાથ સિંહે તેમના નિવાસસ્થાન તિરંગો ફરકાવ્યો હતો.
જાણો પીએમ મોદીનો કાર્યક્રમ
7:06 am = PM મોદી રાષ્ટ્રપિતા મહાત્મા ગાંધીની સમાધિ રાજઘાટ પર ફૂલ અર્પણ કરશે
7:14 વાગ્યે રાજઘાટથી લાલ કિલ્લા માટે રવાના થશે
7:18 વાગ્યે લાહોરી ગેટ પર RM, RRM અને ડિફેન્સ સિક્યુરિટી સાંજે લાહોરી ગેટ પર PM લેવા જશે.
7:20 - લાલ કિલ્લા પર ગાર્ડ ઓફ ઓનર આપવામાં આવશે
7:30 pm - વડાપ્રધાન લાલ કિલ્લાના કિલ્લા પર દેશનો ત્રિરંગો ધ્વજ ફરકાવશે
સૌથી પહેલા વડાપ્રધાન નરેન્દ્ર મોદીને સશસ્ત્ર દળો અને દિલ્હી પોલીસ દ્વારા ગાર્ડ ઓફ ઓનર આપવામાં આવશે.
રાષ્ટ્રગીત વગાડવાની સાથે રાષ્ટ્રધ્વજ લહેરાવવામાં આવશે અને 21 તોપોની સલામી આપવામાં આવશે. પ્રથમ વખત, ઘરેલું હોવિત્ઝર બંદૂક, ATAGS, ઔપચારિક 21-ગન સલામીમાં ઉપયોગમાં લેવાશે. આ બંદૂક સંપૂર્ણપણે સ્વદેશી છે, ડીઆરડીઓ દ્વારા ડિઝાઇન અને વિકસાવવામાં આવી છે
ભારતીય વાયુસેના હેલિકોપ્ટરથી ફૂલોની વર્ષા કરશે.
પીએમ મોદીના ભાષણ બાદ રાષ્ટ્રગીત ગાવામાં આવશે.
બાદમાં સમારોહના અંતે આકાશમાં તિરંગાના ફુગ્ગા છોડવામાં આવશે
જે બાદ 'એટ હોમ' રિસેપ્શનનું આયોજન રાષ્ટ્રપતિ ભવન ખાતે કરવામાં આવ્યું
તો ગુજરાત સરકારે આ વર્ષે સ્વતંત્રતા પર્વની રાજ્યકક્ષાની ઉજવણી અરવલ્લી જીલ્લામાં આયોજીત કરી છે.સંબંધિત રાજ્યોની રાજધાનીઓ, જિલ્લા મુખ્યાલયો, પેટા વિભાગો, બ્લોક્સ, ગ્રામ પંચાયતો અને ગામડાઓમાં રાષ્ટ્રધ્વજ ફરકાવવાની વિધિ સવારે 9 વાગ્યા પછી શરૂ થશે.
લાલ કિલ્લા પરથી પીએમનું સંબોધન
15મી ઓગસ્ટ 1947એ દેશ અંગ્રેજોની ગુલામીમાંથી આઝાદ થયો હતો
15મી ઓગસ્ટના દિવસને સ્વતંત્રતા દિવસ તરીકે ઉજવવમાં આવે છે
આઝાદીની લડતમાં સફળતા મળી તેની ખુશીમાં દર વર્ષે સ્વતંત્રતા દિવસ ઉજવાય છે
ભારતના પ્રધાનમંત્રી લાલ કિલ્લા પરથી તિરંગો ફરકાવે છે
લાલ કિલ્લાથી પ્રધાનમંત્રી દેશવાસીઓને પ્રજાજોગ સંદેશ આપે છે
પ્રધાનમંત્રી પ્રજાજોગ સંબોધનમાં સરકારની પાછલા વર્ષની સિદ્ધિઓ વર્ણવે છે
પ્રધાનમંત્રી દેશવાસીઓને મહત્ત્વનાં મુદ્દાઓ જણાવે છે
પ્રધાનમંત્રી આઝાદીની ચળવળનાં નેતાઓને શહિદોને શ્રદ્ધાંજલિ આપે છે
ભારતીય રાષ્ટ્રગીત, " જન ગણ મન " ગવાય છે
રાજ્ય સરકારો, જિલ્લા, તાલુકા અને ગ્રામ પંચાયતોમાં ધ્વજવંદનનું કાર્યક્રમ યોજાય છે
