આજે IPL 2022ની ફાઈનલ મેચ ગુજરાત ટાઈટન્સ અને રાજસ્થાન રોયલ્સ વચ્ચે રમવામાં આવશે. જાણો આ બંને ટીમોની સંભવિત પ્લેયિંગ 11
આજે IPL 2022નો ફાઈનલ મુકાબલો
ગુજરાત ટાઈટન્સ અને રાજસ્થાન રોયલ્સ વચ્ચે રમાશે મેચ
જાણો બંને ટીમની સંભવિત પ્લેઈંગ 11
આજે IPL 2022નો ફાઈનલ મુકાબલો
IPL 2022ની ફાઈનલ આજે ગુજરાત ટાઈટન્સ અને રાજસ્થાન રોયલ્સ વચ્ચે રમવામાં આવશે. આ મેચમાં બંને ટીમ વચ્ચે જબરદસ્ત ટક્કર જોવા મળશે. લીગ સ્ટેજ દરમિયાન, આ જ બંને ટીમ પોઈન્ટ્સ ટેબલમાં ટોપ કરી રહી હતી. હવે ફાઈનલમાં પણ ટુર્નામેન્ટની સૌથી મજબૂત બે ટીમો ગુજરાત અને રાજસ્થાન સામસામે આવશે. આ મેચ માટે બંને ટીમ પ્લેયિંગ 11માં બદલાવ કરી શકે છે અને વિનિંગ 11 સાથે જ મેદાન પર ઉતરી શકે છે.
આ હોય શકે છે ગુજરાતની પ્લેયિંગ 11
ગુજરાતની ટીમે અત્યાર સુધી શાનદાર પ્રદર્શન કર્યું છે. ટીમે લીગ રાઉન્ડમાં 14માંથી 10 મેચ જીતી છે. ટીમને માત્ર ચાર મેચમાં હાર મળી હતી. ગુજરાત 20 અંકો સાથે પોઈન્ટ ટેબલ પર ટોપ કરી રહ્યું હતું. ત્યાર બાદ ક્વોલિફાયર 1 માં રાજસ્થાનને હરાવ્યું હતું. ગુજરાત માટે સૌથી ખાસ વાત એ રહી છે કે ટીમને અલગ અલગ મેચોમાં અલગ અલગ ખેલાડીઓએ જીત અપાવી છે.
Sabko aata nahi, aur apne Titans ka tashan jaata nahi 😎
ટીમે કોઈ જાણીતા બેટ્સમેનને ખરીદ્યો ન હતો, પરંતુ જેટલા પણ બેટ્સમેન હતા, સૌ ફોર્મમાં હતા. ઓપનિંગમાં ઋદ્ધિમાન સાહા અને શુભમન ગિલ, મધ્યમાં હાર્દિક પંડ્યા, ડેવિડ મિલર અને રાહુલ તેવતિયા શાનદાર બેટિંગ કરી રહ્યા છે. ટીમના લોઅર ઓર્ડરને વધારે તકો મળી નથી, પરંતુ રાશિદે પણ બેટથી બે મેચમાં કમાલ કરી બતાવી છે.
સાહા શરૂઆતની મેચોમાં સારું પ્રદર્શન કર્યા બાદ ગત અમુક મેચમાં ખાસ કંઈ કરી શક્યા નથી. તેઓ ફાઈનલમાં ટીમને સારી અપાવવા માંગશે. બોલિંગની વાત કરીએ તો આ સીઝનમાં ગુજરાતની બોલિંગ લાઈન અપ સૌથી મજબૂત માનવામાં આવી રહી છે.
ટીમ પાસે મોહમ્મદ શામી, યશ દયાલ જેવા સ્વિંગ બોલર છે. જ્યારે અલ્ઝારી જોસેફ પાસે હાઈટની સાથે સાથે સ્પીડ પણ છે, જે રાજસ્થાનનાં બેટ્સમેનને તકલીફમાં મૂકી શકે છે. સ્પીનમાં રાશિદ ખાન અને અરસાઈ કિશોરની જોડી કમાલ કરી રહી છે. ટીમ વગર કોઈ બદલાવે ફાઈનલમાં ઉતરી શકે છે.
શું હોય શકે છે રાજસ્થાનની પ્લેયિંગ 11?
રાજસ્થાનની વાત કરીએ તો ક્વોલિફાયર 2માં જોસ બટલરની ધમાકેદાર બેટિંગે બેંગ્લોરને ટુર્નામેન્ટમાંથી ફેંક્યું હતું. બટલરે સદી ફટકારી અને ગુજરાત માટે મુસીબતની ઘંટી વગાડી દીધી છે. જીટી માટે સૌથી મોટો પડકાર બટલર હશે. ગુજરાત સામે બટલરે ખૂબ જ રન બનાવ્યા છે. તેમણે જીટી સામે બે મેચમાં 143 રન બનાવ્યા છે. આ સાથે જ શાનદાર ફોર્મમાં ચાલી રહેલા યશસ્વી જેસવાલ ઓપનિંગ માટે ઉતરી શકે છે.
રાજસ્થાન માટે સૌથી મોટો પડકાર સંજૂ સેમસન છે. તેમને દરેક મેચમાં શરૂઆત તો સારી મળી જ છે, પરંતુ તેઓ તેને મોટી ઇનિંગમાં નથી બદલી શક્યા. સેમસન 30-40 રન બનાવીને જ આઉટ થઇ રહ્યા છે. આવામાં ફાઈનલમાં તેમણે મોટી ઇનિંગ રમવી પડશે.
— Rajasthan Royals (@rajasthanroyals) May 28, 2022
બોલિંગમાં રાજસ્થાનની ટીમ મજબૂત જોવા મળી રહી છે. ટ્રેન્ટ બોલ્ટ અને પ્રસિદ્ધ કૃષ્ણા પે રાજસ્થાનને શરૂઆતમાં સફળતા અપાવવાની જવાબદારી રહેશે. જ્યારે ઓબેડ મેકોય ડેથ ઓવર્સમાં ટીમને સફળતા અપાવવાની કોશિશ કરશે. મિડલ ઓવર્સમાં રવિચંદ્રન અશ્વિન અને યુઝવેન્દ્ર ચહલ પર રન અટકાવવાની જવાબદારી રહેશે. ચહલે આ સીઝન ગજબ બોલિંગ કરી છે અને તેઓ સૌથી વધારે વિકેટ લેનાર બોલર્સમાં હાલમાં બીજા નંબર છે.