વૈશ્વિક બજારોમાં કોઇ ખાસ મૂવમેન્ટ ન હોવાને કારણે ભારતીય મુખ્ય સૂચકાંકો પણ જ્યાં ખૂલ્યા હતા તે સપાટીથી સહેજ ઉપર બંધ રહ્યા
ભારતીય બજાર સપાટ બંધ થયું
આજે કારોબારમાં નજીવો ઉપર નીચે રહ્યો
ભારતીય કરન્સી રૂપિયો ડોલર સામે ગગડ્યો
સપ્તાહના અંતિમ દિવસે ભારતીય શેર બજાર લગભગ સપાટ રહ્યું હતું. વૈશ્વિક બજારોમાં કોઇ ખાસ મૂવમેન્ટ ન હોવાને કારણે ભારતીય મુખ્ય સૂચકાંકો પણ જ્યાં ખૂલ્યા હતા તે સપાટીથી સહેજ ઉપર બંધ રહ્યા હતા. જો કે દિવસ દરમિયાન બજારમાં થોડો ઘટાડો નોંધાયો હતો, પરંતુ સેન્સેક્સ અને નિફ્ટી બંને ક્લોઝિંગ દ્વારા રિકવર થયા હતા. બંને આજે લાલ નિશાનમાં બંધ છે, પરંતુ સારી નિશાની એ છે કે બંને દૈનિક સુચાંકનો રંગ લીલો છે.
BSE અને NSE ના હાલ
આજે શુક્રવારે બીએસઈનો સેંસેક્સ 30.81 અંક (0.05 ટકા) ના ઘટાડા સાથે 58,191.29 પર બંધ થયો હતો. નિફ્ટી 17.10 અંક (0.10 ટકા) ઘટીને 17314.70 પર બંધ થયા છે. બેન્ક નિફ્ટીની વાત કરીએ તો, તે 104.70 પોઇન્ટ (0.27 ટકા) ઘટીને 39,178.10 પર બંધ થયો હતો. ટાટા ગ્રુપનો સ્ટોક ટાઇટન ટોપ ગેઇનર રહ્યો હતો. નિફ્ટીની રિયાલિટી અને એનર્જી સેક્ટર થોડા વધારા સાથે ગ્રીન માર્ક પર બંધ થયા છે. એફએમસીજી, આઈટી અને મેટલ સેક્ટરમાં સૌથી મોટો ઘટાડો જોવા મળ્યો છે.
અમેરિકી બજાર
ગઈકાલે અમેરિકી બજારોમાં નાસ્ડેક 75.33 અંક એટલે કે 0.68 ટકા તૂટ્યો હતો. યુરોપિયન બજારો આજે નજીવા વધારા સાથે લીલા નિશાનમાં જોવા મળ્યા હતા. એફટીએસઇ (7,009.65)માં આજે 12.38 પોઇન્ટ (0.18 ટકા), સીએસી (5,944.37) 7.95 પોઇન્ટ (0.13) અને ડીએએક્સ (12,474.84) 4.06 પોઇન્ટ (0.03)નો નજીવો વધારો જોવા મળ્યો હતો.
એશિયન બજાર
એશિયાઈ બજારોની વાત કરીએ તો નિક્કેઈ 225માં 195.19 અંક (0.71 ટકા)નો ઘટાડો જોવાને મળ્યો છે, જ્યારે હેંગ સેંગ 272.10 અંક ઘટ્યો છે. હેંગશેંગ 1.51 ટકા ઘટ્યો હતો, જ્યારે કોસ્પી 5.02 પોઇન્ટ અથવા 0.22 ટકા ઘટ્યો હતો.
ડોલર સામે રૂપિયો નબળો પડ્યો
શુક્રવારે ડોલર સામે રૂપિયો ઐતિહાસિક ઘટાડા સાથે બંધ થયો હતો. કરન્સી માર્કેટમાં પહેલીવાર રૂપિયો 82.33 ના સ્તર પર બંધ થયો છે. આજે સવારે રૂપિયો 82.20ના સ્તરે ખૂલ્યો હતો અને 82.42ના સ્તરે પહોચી ગયો હતો. પરંતુ નીચલા સ્તરેથી થોડી રિકવરી બાદ રૂપિયો 82.33 પર બંધ થયો છે.
ક્રિપ્ટો માર્કેટમાં શું છે હાલત ?
ક્રિપ્ટો માર્કેટમાં સૌથી વધુ પ્રભુત્વ ધરાવતી ક્રિપ્ટોકરન્સી બિટકોઈનની બજાર કિંમતમાં શુક્રવારે 1%નો ઘટાડો જોવા મળ્યો હતો. બિટકોઈન શુક્રવારે $20,049 પર ટ્રેડ થઈ રહ્યું છે. બિટકોઈન ઉપરાંત, વિશ્વની સૌથી લોકપ્રિય ક્રિપ્ટોકરન્સીના ઈથર, ઈથેરિયમ બ્લોકચેનમાં પણ 1%નો ઘટાડો જોવા મળ્યો હતો. શુક્રવારે ઈથરની બજાર કિંમત $1,358 પર નીચી ટ્રેડ થઈ રહી છે. શુક્રવારે વૈશ્વિક ક્રિપ્ટો માર્કેટ કેપ $1 ટ્રિલિયનથી નીચે આવી ગયું. વૈશ્વિક ક્રિપ્ટો માર્કેટ કેપ છેલ્લા 24 કલાકમાં 2% ઘટીને $998 બિલિયન પર ટ્રેડ થઈ રહ્યું છે.