હવામાન વિભાગે આગાહી કરતા જણાવ્યું છે કે, દેશમાં ગરમીનો કહેર પહેલાં કરતા વધારે વધી શકે છે. આકરા તાપ સાથે ગરમ પવનોના કારણે ગરમીનો પ્રકોપ દેશમાં સતત વધી રહ્યો છે. આગામી 24 કલાક દરમિયાન દિલ્હી-NCR, પંજાબ, હરિયાણા, રાજસ્થાન, ગુજરાત, પશ્ચિમ ઉત્તર પ્રદેશના અલગ-અલગ ભાગોમાં હીટવેવની આગાહી કરવામાં આવી છે. તો બીજી બાજુ
આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા અને પેટા-હિમાલય પશ્ચિમ બંગાળ અને સિક્કિમમાં આજે છૂટાછવાયા સ્થળોએ 50-60 કિમી પ્રતિ કલાક પવનની ઝડપ સાથે વરસાદ અને કરા પડવાની પણ સંભાવના વ્યક્ત કરી છે.
આ શહેરોમાં તાપમાનમાં થશે વધારો
હવામાન વિભાગે જણાવ્યું કે, દિલ્હી-NCR, પંજાબ, હરિયાણા, રાજસ્થાન, ગુજરાત સહિતના વિસ્તારોમાં આગામી 3થી 4 દિવસ સુધી હવામાન સ્વચ્છ રહેશે અને આકરો તાપ પણ જોવા મળશે. આ દરમિયાન તાપમાનમાં પણ વધારો થવાની સંભાવના છે, જેના કારણે ગરમીની સ્થિતિ યથાવત રહેશે.
બીજી તરફ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા અને પેટા-હિમાલય પશ્ચિમ બંગાળ અને સિક્કિમમાં આજે છૂટાછવાયા સ્થળોએ ભારે પવન સાથે વરસાદ અને કરા પડવાની સંભાવના છે. દિવસ દરમિયાન, જમ્મુ-કાશ્મીર-લદ્દાખ-ગિલગિટ બાલ્ટિસ્તાન-મુઝફ્ફરાબાદ અને હિમાચલ પ્રદેશમાં ભારે પવન સાથે ગાજવીજ સાથે વરસાદ પડવાની શક્યતા વ્યક્ત કરી છે.
આ રાજ્યોમાં વરસાદ પડવાની શક્યતા
હવામાન વિભાગની આગાહી અનુસાર, આગામી 4 દિવસ દરમિયાન દેશમાં બિહાર, ઝારખંડ, પશ્ચિમ બંગાળ અને ઓડિશામાં અનેક જગ્યાએ ગાજવીજ સાથે વરસાદ પડવાની શક્યતા છે. દિલ્હી-NCR માં સોમવારથી પ્રચંડ ગરમીનો સામનો કરવો પડશે. કરશે. બીજી તરફ, દિલ્હીમાં રવિવારે મહત્તમ તાપમાન સામાન્ય કરતાં 40.9 ડિગ્રી વધુ અને લઘુત્તમ તાપમાન સામાન્ય કરતાં 21.7 ડિગ્રી સેલ્સિયસ થયું છે.
ઉત્તરાખંડમાં થઇ શકે છે વરસાદ
બીજી બાજુ 20થી 22 એપ્રિલ દરમિયાન ઉત્તરાખંડમાં પણ વિવિધ સ્થળોએ વરસાદ થવાની શક્યતા છે. IMD એ જણાવ્યું કે, 19 અને 20 એપ્રિલે પંજાબ, હરિયાણા-ચંદીગઢ, દિલ્હી, ઉત્તર રાજસ્થાન અને પશ્ચિમ ઉત્તર પ્રદેશમાં અલગ-અલગ સ્થળોએ 25થી 35 કિમી પ્રતિ કલાકની ઝડપે ભારે આંધી સાથે પવન ફુંકાવાની શક્યતા છે.
દિલ્હીમાં પારો થઇ શકે છે 40 ડિગ્રીને પાર
MID અનુસાર, દિલ્હી-NCRમાં આજે અને આવતી કાલે સામાન્ય કરતાં વધારે ગરમ પવનો ફુંકાશે. ગરમીના કારણે તાપમાનમાં પણ વધારો થશે. હવામાન વિભાગના જણાવ્યાં અનુસાર આ અઠવાડિયે દિલ્હીનું તાપમાન એક વાર ફરી 40 ડિગ્રીને પાર કરી શકે છે. હવામાન વિભાગના જણાવ્યાં અનુસાર, હીટવેવના કારણે તાપમાનમાં 2થી ત્રણ ડિગ્રીનો વધારો થઈ શકે છે. આવી સ્થિતિમાં મહત્તમ તાપમાન 40થી 43 ડિગ્રી અને લઘુત્તમ તાપમાન 23થી 26 ડિગ્રી સુધી રહી શકે છે. આ સાથે IMD એ પંજાબ, હરિયાણા, ચંદીગઢ, દિલ્હી, ઉત્તર રાજસ્થાન અને પશ્ચિમમાં વિવિધ સ્થળોએ ધૂળ ઉડાવી છે. ઉત્તર પ્રદેશમાં આજે અને આવતી કાલે એમ 2 દિવસ જોરદાર પવન ફુંકાવાની આશા છે.