મુંબઈ શેરબજારનો સેન્સેક્સ 582 અંક ઘટીને 55,094 અંક પર બંધ થયો હતો, જ્યારે નેશનલ સ્ટોક એક્સચેંજનો નિફ્ટી 156 અંક ઘટીને 16,406 પર બંધ થયો હતો
આજે માર્કેટમાં જોવા મળી વેચવાલી
સેન્સેક્સ નિફ્ટી રહ્યા લાલ નિશાને
ઓટો, એનર્જી અને ઓઇલ એન્ડ ગેસ સેક્ટર લીલા નિશાનમાં
શેર માર્કેટ માટે અમંગલ મંગળવાર
ભારતીય શેર માર્કેટ માટે મંગળવારનો દિવસ અશુભ સાબિત થયો છે. નબળા ગ્લોબલ સંકેતોના કારણે ભારતીય શેરમાં નફાવસૂલી જોવા મળી, જેના કારણે બજાર લાલ નિશાન સાથે બંધ થયું. આજના કારોબારના અંતે સેન્સેક્સ 580 પોઈન્ટના ઘટાડા સાથે બંધ થયો હતો, જ્યારે નિફ્ટીમાં 158 પોઈન્ટનો ઘટાડો નોંધાયો હતો.
સેન્સેક્સ અને નિફ્ટીના વધુ પડતા શેર તૂટ્યા
મંગળવારના ટ્રેડિંગ સમયના અંતે બોમ્બે સ્ટોક એક્સચેન્જનો સેંસેક્સ 582 અંક ઘટીને 55,094 અંક પર બંધ થયો હતો, જ્યારે નેશનલ સ્ટોક એક્સચેંજનો નિફ્ટી 156 અંક ઘટીને 16,406 અંક પર બંધ થયો હતો. શેરબજારમાં આજે ઓટો, એનર્જી અને ઓઇલ એન્ડ ગેસ સેક્ટરને બાદ કરતાં બેન્કિંગ, આઇટી, મેટલ સહિત અન્ય તમામ સેક્ટર ઘટાડા સાથે બંધ થયા હતા. કન્ઝયુમર ડ્યુરેબલ્સ, એફએમસીજી અને ફાર્મા સેક્ટરમાં પણ ઘટાડો જોવા મળ્યો છે. નિફ્ટીના 50 શેરોમાંથી 14 શેરો લીલા નિશાનમાં અને 36 શેરો લાલ નિશાનમાં બંધ થયા છે. સેન્સેક્સના તમામ ૩૦ શેરોમાંથી 5 લીલા અને 25 લાલ રંગમાં બંધ થયા છે.
વધી રહેલ શેરો
શેર બજારમાં ઘટાડા બાદ ઘણા શેરોમાં વધારા સાથે બંધ થયા છે. ઓએનજીસી 5.13%, કોલ ઇન્ડિયા 1.39%, એનટીપીસી 1.32%, મારુતિ સુઝુકી 1.28%, હીરો મોટોકોર્પ 1.18%, ટાટા મોટર્સ 0.81%, મહિન્દ્રા 0.64%, બજાજ ઓટો 0.45%, ભારતી એરટેલ 0.34%, બીપીસીએલ 0.28%, રિલાયન્સ 0.19%, પાવર ગ્રિડ 0.09% ના વધારા સાથે બંધ થયા છે.
ઘટી રહેલા શેરો
ઘટી રહેલ શેરો પર નજર કરીએ તો ટાઇટન 4.45%, યુપીએલ 4.21%, ડૉ રેડ્ડી 3.76%, બ્રિટાનિયા 3.11%, લાર્સન 3.09%, એચયુએલ 3.02%, એશિયન પેઇન્ટ્સ 2.58%, બજાજ ફાઇનાન્સ 2.37%, ટીસીએસ 1.99%, આઇસીઆઇસીઆઇ બેન્ક 1.54 ટકાના ઘટાડા સાથે બંધ થયા છે.