વાયદા બજારમાં સોનાની કિંમત લીલા નિશાનમાં કારોબાર કરી રહી છે, પરંતુ ચાંદીના રેટ આજે ઘટ્યા છે. આ સાથે જ આંતરરાષ્ટ્રીય બજારમાં સોના-ચાંદીના ભાવમાં ઘટાડો નોંધાયો છે.
ભારતીય બજારમાં સોનાના ભાવમાં વધારો થયો
વાયદા બજારમાં સોનું 49,350 રૂપિયાના સ્તર પર
આંતરરાષ્ટ્રીય બજારમાં બન્નેમાં ઘટાડો જોવા મળ્યો
26 સપ્ટેમ્બર, શુક્રવારે વાયદા બજારમાં સોનાની કિંમત લીલા નિશાનમાં કારોબાર કરી રહી છે, પરંતુ ચાંદીના રેટ આજે ઘટ્યા છે. આ સાથે જ આંતરરાષ્ટ્રીય બજારમાં સોના-ચાંદીના ભાવમાં ઘટાડો નોંધાયો છે. શરૂઆતી કારોબારમાં મલ્ટી કોમોડિટી એક્સચેન્જ (MCX) પર સોનાના ભાવમાં 0.08 ટકાનો વધારો થયો છે. ચાંદી ગઈકાલના બંધ ભાવથી 1.05 ટકા ઘટ્યો છે.
સોનાના ભાવમાં વધારો
સપ્તાહના પહેલા કારોબારી દિવસે એમસીએક્સ પર 24 કેરેટ સોનાનો ભાવ સવારે 9:10 વાગ્યે 39 રૂપિયા વધીને 49,440 રૂપિયા પ્રતિ 10 ગ્રામ પર પહોંચી ગયો છે. આજે વાયદા બજારમાં સોનું 49,350 રૂપિયાના સ્તર પર કારોબાર શરૂ થયું હતું. થોડા સમય બાદ ભાવ 49,440 રૂપિયાના સ્તર પર પહોંચી ગયા. બાદમાં તે 49,350 રૂપિયા પર થોડો ટ્રેડ કરવા લાગ્યો હતો.
ચાંદીમાં ઘટાડો
મલ્ટી કોમોડિટી એક્સચેન્જ પર આજે ચાંદીના ભાવમાં નોંધપાત્ર ઘટાડો થયો છે. ચાંદીના ભાવ આજે 591 રૂપિયા ઘટીને 55,642 રૂપિયા પ્રતિ કિલો પર પહોંચી ગઈ છે. ચાંદી આજે 55800 ના સ્તર પર કારોબાર કરી રહી છે. થોડા સમય બાદ ભાવ ઘટીને 55,537 રૂપિયા પર આવી ગયો હતો. આ પછી તેમાં થોડો વધારો થયો અને 55,642 પર કારોબાર શરૂ થયો.
આંતરાષ્ટ્રીય બજારમાં સોના ચાંદીમાં મંદી
સોમવારે આંતરરાષ્ટ્રીય બજારમાં સોના-ચાંદીના ભાવમાં મંદી જોવા મળી રહી છે. આજે સોનાની સ્પોટ કિંમતમાં 0.21 ટકાનો ઘટાડો નોંધાયો છે, જ્યારે ચાંદીમાં 1.70 ટકાનો ઘટાડો નોંધાયો છે. સોમવારે સોનું 1,640.35 ડોલર પ્રતિ ઔંસ પર પહોંચી ગયું છે. આજે આંતરરાષ્ટ્રીય બજારમાં ચાંદીનો સ્પોટ ભાવ 1.20 ટકા ઘટીને 18.56 ડોલર પ્રતિ ઔંસ પર આવી ગયો છે.