સતત ત્રણ દિવસ ભાવ વધારા પછી સોનાના દરમાં ઘટાડો નોંધાયો હતો. આયાત ડ્યૂટીમાં વધારો થયા બાદ સોનાનો દર સતત વધી રહ્યો હતો.
સોના ચાંદીના ભાવમાં થયો ઘટડો
સતત 3 દિવસથી ભાવ વધારા થઇ રહ્યીઓ હતો
જાણકારોના માટે હજુ ભાવ વધારો થઇ શકે છે
સોના ચાંદીના ભાવ
સોના-ચાંદીના ભાવમાં ત્રણ દિવસ ચાલી રહેલી તેજી બાદ બુધવારે મોટો ભાવ ઘટડો જોવા મળ્યો હતો. સરકારે સોનાની આયાત ડ્યૂટીમાં 5 ટકાનો વધારો કર્યા બાદ પીળી ધાતુના દરમાં સતત વધારો થઈ રહ્યો હતો. મંગળવારે 52,000 પ્લસ પર બંધ રહેલું સોનું એક ઘટાડામાં 700 રૂપિયાથી વધુ ગબડ્યું હતું. એ જ રીતે મંગળવારે ચાંદીના ભાવમાં પણ મોટો ઘટાડો જોવા મળ્યો હતો. જો કે બુધવારે મલ્ટી કોમોડિટી એક્સચેન્જ (MCX) પર સોના-ચાંદીના ભાવ લીલા નિશાન પર કારોબાર કરતા જોવા મળ્યા હતા.
2 હજારનો ઘટાડો
ઇન્ડિયા બુલિયન્સ એસોસિયેશન દ્વારા જાહેર કરવામાં આવેલા રેટ અનુસાર, બુધવારે બુલિયન માર્કેટમાં 24 કેરેટ સોનાનો ભાવ 723 રૂપિયાના ઘટાડા સાથે 51,581 રૂપિયા પ્રતિ 10 ગ્રામ પર પહોંચી ગયો છે. એ જ રીતે ચાંદી 2072 રૂપિયા ઘટીને 56,081 રૂપિયા પ્રતિ કિલો પર પહોંચી ગયો છે. વેબસાઈટ અનુસાર 23 કેરેટ સોનું 51,374 રૂપિયા પ્રતિ 10 ગ્રામ, 22 કેરેટ સોનું 47,248 રૂપિયા પ્રતિ 10 ગ્રામ અને 20 કેરેટ સોનું 38,686 રૂપિયા પ્રતિ 10 ગ્રામ પર જોવા મળ્યું.
MCX પર સોનું રૂ.51,422ની સપાટીએ
મલ્ટિ કોમોડિટી એક્સચેન્જમાં બુધવારે સોના અને ચાંદીના રેટ લીલા નિશાના સાથે ટ્રેડ થતા જોવા મળ્યા હતા. બપોરે લગભગ 2 વાગ્યે સોનું 0.23 ટકા વધીને 51,422 રૂપિયા પર પહોંચી ગયું છે. તે જ સમયે, ચાંદી 0.72 ટકા વધીને 57,274 રૂપિયા પ્રતિ કિલો પર પહોંચી ગઈ છે. તમને જણાવી દઈએ કે IBJA ના રેટથી 3 ટકા જીએસટી અલગથી આપવો પડશે.
સોનાની સુધ્ધતાને ઓળખવા આટલું કરો
તમે સોનું ખરીદવા જાઓ તે પહેલાં તમારે તેની સુધ્ધતાને ઓળખવાની જરૂર છે. 24 કેરેટ શુદ્ધતાવાળા સોના પર 999 લખેલું હશે. 23 કેરેટ સોના પર 995 અને 22 કેરેટ પર 916 છે. 18 કેરેટ પર 750 છે જ્યારે 14 કેરેટ પર 585 લખ્યું હોય છે. 999 ચાંદી સૌથી શુદ્ધ માનવામાં આવે છે.
જાણકારોનો મત
સોનાની આયાત ડ્યૂટીમાં 5 ટકાનો વધારો થયા બાદ જાણકારોનું કહેવું છે કે આવનારા સમયમાં સોનાની કિંમતમાં વધુ વધારો થશે. એક્સપર્ટના મતે એમસીએક્સ પર સોનું 53,000ની ઉપર જઈ શકે છે. આ સિવાય તે બુલિયન માર્કેટમાં જૂના રેકોર્ડના 10 ગ્રામ દીઠ આશરે 56 હજાર રૂપિયા સુધી પહોંચી શકે છે.