સોનાની કિંમતમાં આજે ઘટાડો દેખાઈ રહ્યો છે. બે મહિનાના ઉચ્ચતમ રેકોર્ડ પર ગયા બાદ સોનું ફરી એકવાર નીચેની તરફ જવા લાગ્યું છે. આવો જાણીએ લેટેસ્ટ રેટ.
સોના-ચાંદીના ભાવમાં ઘટાડો નોંધાયો
ચાંદી ફરી એકવાર 56 હજારની નીચે
24 કેરેટ શુદ્ધ સોનાનો ભાવ રૂ.50,245
વૈશ્વિક બજારના મળેલ સંકેતો વચ્ચે સોના-ચાંદીના ભાવમાં ઘટાડો થયો છે. મંગળવારે સવારે સોના-ચાંદીના ભાવમાં ઘટાડો નોંધાયો હતો. સોનાના ભાવમાં ઘટાડા સાથે ચાંદી ફરી એકવાર 56 હજારની નીચે આવી ગઈ છે. સોનું આજે તેના અગાઉના બંધ ભાવ કરતા 0.23 ટકા નીચે કારોબાર કરી રહ્યું છે, જ્યારે ચાંદી હાલ તેના પાછલા બંધ ભાવથી લગભગ 0.93 ટકા નીચે કારોબાર કરી રહી છે.
આજે સોના-ચાંદીના ભાવ શું છે?
મલ્ટિકમોડિટી એક્સચેન્જ (MCX) પર 24 કેરેટ શુદ્ધ સોનાનો વાયદો ભાવ આજે સવારે રૂ.116 ઘટી રૂ.50,245 પ્રતિ 10 ગ્રામ થયો હતો, જ્યારે ચાંદીનો વાયદો ભાવ સવારે રૂ.521 ઘટીને રૂ.55,570 પ્રતિ કિલો થયો હતો. આ પહેલા સોનાની શરૂઆત 50,300ના સ્તર પર થઈ હતી, જ્યારે ચાંદીમાં કારોબારની શરૂઆત ખુલીને 55681 ના સ્તર પર થઈ હતી.
વૈશ્વિક બજારમાં કિંમત શું છે?
હવે વાત કરીએ વૈશ્વિક બજારમાં સોના અને ચાંદીની કિંમતની, તો વૈશ્વિક બજારમાં પણ મેટલ્સ પર દબાણ જોવા મળી રહ્યું છે. અમેરિકી બજારમાં સોનાનો હાજર ભાવ 1,708.94 ડોલર પ્રતિ ઔંસ પર પહોંચ્યો હતો, જ્યારે ચાંદીનો સ્પોટ ભાવ પણ 18.7 ડોલર પ્રતિ ઔંસ રહ્યો હતો. વૈશ્વિક બજારમાં ડૉલરના કારણે સોનામાં લાંબા સમયથી દબાણ જોવા મળી રહ્યું છે અને જાણકારોના મતે આગળ પણ ચાલુ રહેવાની આશા છે.
શું કહે છે નિષ્ણાતો?
જાણકારોનું કહેવું છે કે સોનાના ભાવમાં હજુ વધારો થવાની ધારણા છે. વાસ્તવમાં રશિયા-યુક્રેન યુદ્ધ બાદ સોના પર દબાણ સતત વધી રહ્યું છે. આ દરમિયાન ડૉલરમાં મજબૂતીના કારણે પણ સોના પર દબાણ બનેલું છે. જો વૈશ્વિક બજારમાં રશિયા-યુક્રેન યુદ્ધનું દબાણ રહેશે તો ફરી સોનાના ભાવમાં વધારો થશે. એટલું જ નહીં રશિયાએ G-7 દેશોને સોનું નહીં આપવાની કરેલી જાહેરાત બાદ સોનાના ભાવમાં વધારો થવાની શક્યતાઓ વધી ગઇ છે.