આર્થિક સર્વેક્ષણ / બજેટ સત્ર શરૂ થતા પહેલા આજે સંસદમાં રજૂ થશે ઈકોનૉમિક સર્વે, જાણો તેનું મહત્વ

• આજે નાણા મંત્રી સંસદમાં ઈકોનૉમિક સર્વે રજૂ કરશે 
• દેશની અર્થવ્યવસ્થા કેવી રહી તે જાણી શકાશે 
• બજેટ પહેલા દર વર્ષે રજૂ કરવાામાં આવે છે ઈકોનૉમિક સર્વે 

સંસદનું બજેટ સત્ર આજથી શરૂ થવા જઈ રહ્યું છે. સંસદભવનમાં આજે રાષ્ટ્રપતિ રામનાથ કોવિંદ બંને ગૃહોને સંબોધન આપી શરૂઆત કરશે. સત્ર શરૂ થયા બાદ નાણા મંત્રી નિર્મલા સીતારમણ ગૃહમાં આર્થિક સર્વેક્ષણ 2021-22 રજૂ કરશે. બાદમાં આવતી કાલે તેઓ બજેટ રજૂ કરશે. પરંતુ તે પહેલા એ જાણવું જરૂરી છે કે ઈકોનોમિક સર્વે શું હોય છે અને તેને બજેટ પહેલા શા માટે રજૂ કરવામાં આવે છે. 

એક વર્ષની અર્થવ્યવસ્થા જાણી શકાશે 

આપને જણાવી દઈએ કે ઈકોનોમિક સર્વે એક વર્ષમાં દેશના આર્થિક વિકાસને અનુલક્ષીને તૈયાર કરવામાં આવે છે. જેના પરથી અંદાજો લગાવી શકાય કે ગત વર્ષે દેશની અર્થવ્યવસ્થા કેવી રીતની રહી છે. કયા ફાયદો થયો અને ક્યા નુકશાન થયું. એવું કહી શકાય કે ઈકોનોમિક સર્વે છેલ્લા એક વર્ષની અર્થવ્યવસ્થા રજૂ કરે છે. 

સૌથી પહેલા 1950-51માં રજૂ કરાયો હતો 

સૌથી પહેલા ઈકોનોમિક સર્વે 1950-51માં રજૂ કરવામાં આવ્યો હતો. 1964થી નાણા મંત્રાલય બજેટથી એક દિવસ અગાઉ સર્વે રજૂ કરતું આવે છે. આ રિપોર્ટને ડિપાર્ટમેન્ટ ઓફ ઈકોનોમિક અફેર્સ એટલે કે DEA દ્વારા રજૂ કરવામાં આવે છે. 

દર વર્ષે એક દિવસ પહેલા થાય છે રજૂ 

ઈકોનોમિક સર્વેને આધારે નક્કી કરવામાં આવે છે કે આવનારા વર્ષમાં અર્થવ્યવસ્થામાં કેવી સંભવનાઓ રહેલી છે. ખાસ વાત એ છે કે આ સર્વેનો આધાર પર સરકારને અમુક સુઝાવ પણ આપવામાં આવે છે. પરંતુ તે સુઝાવ લાગૂ કરવા કે ન કરવા સરકારની જવાબદારી હોય છે. આજ કારણ છે કે ઈકોનોમિક સર્વે બજેટના એક દિવસ પહેલા સંસદમાં રજૂ કરવામાં આવે છે. 

આર્થિક સર્વેનો રિપોર્ટ રજૂ કર્યા બાદ થશે પ્રેસ કોન્ફરન્સ 

ઉલ્લેખનીય છે કે બજેટ સત્ર પહેલા સરકારે 28 જાન્યુઆરીના રોજ ડૉ.વી.અનંત નાગેશ્વરનને ચીફ ઈકોનૉમિક એડવનાઈઝર તરીકે નિયુક્ત કર્યા છે. નાણા મંત્રી સંસદમાં આર્થિક સર્વેની રિપોર્ટ રજૂ કર્યા બાદ ડૉ નાગેશ્વરન ઈકોનૉમિક સર્વે પર આજે પ્રેસ કોન્ફરન્સ કરશે.