આજ રોજ ગુજરાત વિધાનસભાની ચૂંટણી (2022) નું પ્રથમ તબક્કાનું મતદાન છે. જેમાં 19 જિલ્લાની 89 બેઠકોમાંથી આજે કચ્છ, સૌરાષ્ટ્ર અને દક્ષિણ ગુજરાતની આ હોટ સીટો પર ઉમેદવારો વચ્ચે ભારે રસાકસી જામશે.
ગુજરાત વિધાનસભાની ચૂંટણીનું આજે પ્રથમ તબક્કાનું મતદાન
કચ્છ-સૌરાષ્ટ્ર અને દ. ગુજરાતની હોટ સીટ પર જામશે રસાકસી
89 બેઠકો પર કુલ 788 ઉમેદવારો આજે ચૂંટણી મેદાનમાં
આજે ગુજરાતના 19 જિલ્લાની 89 બેઠકો પર ગુજરાત વિધાનસભા ચૂંટણીના પ્રથમ તબક્કાનું મતદાન છે. ત્યારે આ પ્રથમ તબક્કામાં કેટલીક એવી હોટ સીટો છે કે જેની પર સમગ્ર ગુજરાતની જનતા મીટ માંડીને બેઠી છે. કારણ કે આ બેઠકો એવી છે કે, જ્યાં ચૂંટણી મેદાનમાં ઉતારવામાં આવેલા ઉમેદવારો માટે વર્ચસ્વનો સવાલ છે. ત્યારે આ પ્રથમ તબક્કાની ચૂંટણીમાં એવી કઇ-કઇ હોટ સીટો છે કે જે બેઠક પર આજે રસાકસીનો જંગ જામશે.
આ છે ગુજરાત વિધાનસભા ચૂંટણીના પ્રથમ તબક્કાની હોટ સીટ
ક્રમ
જિલ્લો
બેઠક
ભાજપ
કોંગ્રેસ
AAP
અપક્ષ
65
મોરબી
મોરબી
કાંતિ અમૃતિયા
જયંતી પટેલ
પંકજ રાણસરિયા
69
રાજકોટ
રાજકોટ પશ્ચિમ
ડૉ. દર્શિતા શાહ
મનસુખ કાલરિયા
દિનેશ જોષી
72
રાજકોટ
જસદણ
કુંવરજી બાવળિયા
ભોળાભાઈ ગોહિલ
તેજસ ગાજીપરા
73
રાજકોટ
ગોંડલ
ગીતાબા જાડેજા
યતિશ દેસાઇ
નિમિષા ખૂંટ
74
રાજકોટ
જેતપુર
જયેશ રાદડિયા
દિપક વેકરીયા
રોહિત ભૂવા
78
જામનગર
જામનગર નોર્થ
રિવાબા જાડેજા
બીપેન્દ્રસિંહ જાડેજા
કરશન કરમૂર
81
દ્વારકા
ખંભાળિયા
મુળુભાઈ બેરા
વિક્રમ માડમ
ઈસુદાન ગઢવી
82
દ્વારકા
દ્વારકા
પબુભા માણેક
મુળુ કંડોરિયા
લખમણ નકુમ
84
પોરબંદર
કુતિયાણા
ઢેલીબહેન ઓડેદરા
નાથા ઓડેદરા
ભીમા મકવાણા
કાંધલ જાડેજા ( સમાજવાદી પાર્ટી )
95
અમરેલી
અમરેલી
કૌશિક વેકરીયા
પરેશ ધાનાણી
રવિ ધાનાણી
98
અમરેલી
રાજુલા
હીરાભાઈ સોલંકી
અંબરિશ ડેર
ભરત બલદાણિયા
105
ભાવનગર
ભાવનગર પશ્ચિમ
જીતુ વાઘાણી
કિશોરસિંહ ગોહિલ
રાજુ સોલંકી
106
બોટાદ
ગઢડા (SC)
શંભુપ્રસાદ ટુંડિયા
જગદીશ ચાવડા
રમેશ પરમાર
149
નર્મદા
ડેડિયાપાડા (ST)
હિતેશ વસાવા
જેરમાબેન વસાવા
ચૈતર વસાવા
152
ભરૂચ
ઝઘડિયા
રિતેશ વસાવા
ફતેસિંહ વસાવા
ઉર્મિલા ભગત
છોટુ વસાવા ( અપક્ષ )
166
સુરત
કતારગામ
વિનુ મોરડિયા
કલ્પેશ વરિયા
ગોપાલ ઈટાલિયા
161
સુરત
વરાછા માર્ગ
કુમાર કાનાણી (કિશોર કાનાણી)
પ્રફુલ તોગડિયા
અલ્પેશ કથીરિયા
165
સુરત
મજુરા
હર્ષ સંઘવી
બલવંત જૈન
પીવીએસ શર્મા
68
રાજકોટ
રાજકોટ પૂર્વ
ઉદય કાનગડ
ઇન્દ્રનીલ રાજ્યગુરુ
રાહુલ ભુવા
ગુજરાત વિધાનસભા ચૂંટણીનું આજે પ્રથમ તબક્કાનું મતદાન
વિધાનસભા ચૂંટણીના પ્રથમ તબક્કાની બેઠકો
19 જિલ્લાની 89 બેઠકો પર થશે મતદાન
કચ્છ, સૌરાષ્ટ્ર અને દક્ષિણ ગુજરાતની બેઠકો પર મતદાન
મતદાનનો સમય
સવારના 8થી સાંજના 5 વાગ્યા સુધી
કુલ ઉમેદવારો
89 બેઠક પર કુલ 788 ઉમેદવારો મેદાનમાં
39 રાજકીય પક્ષોના ઉમેદવારો મેદાનમાં
718 પુરૂષ ઉમેદવારો
70 મહિલા ઉમેદવારો
કુલ મતદાતાઓ
2,39,76,670 મતદારો કરશે મતદાન
1,24,33,362 પુરૂષ મતદારો
1,15,42,811 મહિલા મતદારો
497 અન્ય મતદારો
કુલ 163 NRI મતદારો
125 પુરૂષ અને 38 મહિલા NRI મતદારો
કુલ પોલિંગ બુથ
કુલ 25,430 મતદાન મથકો
શહેરી વિસ્તારમાં 9014 મતદાન મથક
ગ્રામ્ય વિસ્તારમાં 16 હજાર 416 મતદાન મથક
પ્રથમ તબક્કામાં 14 હજાર 382 સ્થળો પર મતદાન
3 હજાર 311 શહેરી વિસ્તારમાં મતદાન
11 હજાર 71 ગ્રામ્ય વિસ્તારોમાં મતદાન
89 મોડલ મતદાન મથકો
89 દિવ્યાંગ સંચાલિત મતદાન મથકો
89 ઈકો ફ્રેન્ડલી મતદાન મથકો
611 સખી મતદાન મથકો
18 યુવા સંચાલિત મતદાન મથકો
કુલ EVM
કુલ 34,324 EVM અને 38,749 VVPAT મશીનોમાં થશે મતદાન
આજે ગુજરાતભરમાં આ બેઠકો પર સૌની નજર
ખંભાળિયા બેઠક પર આજે ખરાખરીનો જંગ
ખંભાળિયા બેઠક પરથી આમ આદમી પાર્ટીના CM પદના ચહેરા ઇસુદાન ગઢવીએ ચૂંટણી જંગમાં ઝંપલાવતા સૌ કોઇની આ સીટ પર મીટ માંડીને બેઠાં છે. મુસ્લિમ, આહીર, સતવારા અને ગઢવી સમાજનું પ્રભુત્વ ધરાવતી આ સીટ પર બે આહિર અને ગઢવી વચ્ચે જંગ છે. કારણ કે ભાજપમાંથી પૂર્વ મંત્રી મૂળુ બેરા અને કોંગ્રેસમાંથી વિક્રમ માડમ ચૂંટણી લડી રહ્યાં છે.
ગોંડલ બેઠક પર જામશે ચૂંટણીનો રસપ્રદ જંગ
ચૂંટણી જાહેર થયાના બે મહિના પહેલા જ ગોંડલ વિધાનસભા સીટ ચર્ચામાં આવી ગઇ છે. કારણ કે આ સીટ પરથી બે ક્ષત્રિય દિગ્ગજો જયરાજસિંહ જાડેજા અને અનિરુદ્ધસિંહ જાડેજા સામસામે મેદાનમાં છે. સૌ પહેલા ભાજપમાંથી પોતાના પુત્ર માટે ટિકિટ લેવા જયરાજસિંહ અને અનિરુદ્ધસિંહ સામસામે આવી ગયા હતા. પરંતુ ભાજપે જયરાજસિંહ જાડેજાના પત્ની ગીતાબાને ટિકિટ આપી હતી. આથી જયરાજસિંહનો હાથ ઉપર રહ્યો. ચૂંટણી જાહેર થયા બાદ પ્રચારના અંતિમ દિવસોમાં જયરાજસિંહે અનિરુદ્ધસિંહ અને તેમના પિતાનું નામ લઈને ખૂબ આક્ષેપો કર્યા હતા. ત્યાર બાદ અનિરુદ્ધસિંહે તેનો જવાબ આપવા ગોંડલ સીટ પૂરતો કોંગ્રેસને ટેકો જાહેર કર્યો હતો.
કુતિયાણા બેઠક પર કાંધલ જ કિંગ?
કુતિયાણા બેઠક પર 2012થી સંતોકબેનના પુત્ર કાંધલ જાડેજા ચૂંટાતા આવે છે. પરંતુ આ વખતે સ્થિતિ બદલાઈ છે. ભાજપે મેર જ્ઞાતિના અને કુતિયાણા નગરપાલિકાના 28 વર્ષથી પ્રમુખ રહેલા ઢેલીબેન ઓડેદરાને મેદાનમાં ઉતાર્યા છે. જ્યારે NCPએ કાંધલને ટિકિટ ન આપતા તેઓએ સમાજવાદી પાર્ટીમાંથી ચૂંટણી જંગમાં ઝંપલાવ્યું છે. જ્યારે કોંગ્રેસે નાથાભાઈ ઓડેદરાને ટિકિટ આપી છે. આથી આ બેઠક પર ત્રણેય મેર વચ્ચે બરાબરનો ચૂંટણી જંગ જામશે.
વરાછા બેઠક
વરાછા બેઠકને પાટીદાર અનામત આંદોલનનું એપી સેન્ટર માનવામાં આવે છે. કારણ કે આ બેઠક પર અંદાજે દોઢ લાખ કરતાં વધારે પાટીદાર મતદારો છે. અહીં AAPએ PAASના કન્વીનર અલ્પેશ કથીરિયાને મેદાનમાં ઉતાર્યા છે જ્યારે ભાજપે કુમાર કાનાણીને રિપીટ કર્યા છે. તો કોંગ્રેસે પ્રફુલ તોગડિયાને ટિકિટ આપી છે. ત્યારે તમને જણાવી દઇએ કે, ગઈ વખતની ચૂંટણીમાં પાટીદાર આંદોલનની અસર હોવા છતાં કોંગ્રેસના ઉમેદવાર ધીરુ ગજેરા સામે કુમાર કાનાણીનો 13 હજારથી વધુ મતથી વિજય થયો હતો. પરંતુ આ વખતે અલ્પેશ કથીરિયાએ ખુલ્લેઆમ પોતાની જીતનો દાવો કર્યો છે. ત્યારે ભાજપ માટે આ વખતે સુરતની આ બેઠક એક પડકારજનક બેઠક કહી શકાય. ત્યારે હવે જોવાનું એ રહ્યું કે, આખરે આ સીટ પરથી કોણ બાજી મારે છે અને કોણ ઘરભેગું થશે.