આગાહી / ગુજરાતમાં આજથી વધશે મેઘરાજાનું જોર, આજે અને આવતીકાલે રાજ્યના આ જિલ્લાઓમાં પડશે અતિભારે વરસાદ

• આજથી રાજ્યમાં ફરી વરસાદનું જોર વધવાની સંભાવના
• 7 અને 8 ઓગસ્ટે રાજ્યમાં અતિભારે વરસાદની આગાહી
• છેલ્લા 24 કલાકમાં રાજ્યના 114 તાલુકામાં વરસાદ વરસ્યો

રાજ્ય (Gujarat) માં જાણે કે વરસાદનું જોર ઘટી ગયું હોય તેવું લાગી રહ્યું છે. પરંતુ હવામાન વિભાગની આગાહી અનુસાર, આજથી રાજ્યમાં ફરીથી વરસાદનું જોર વધવાની સંભાવના છે. તારીખ 7 અને 8 ઓગસ્ટના રોજ એટલે કે આજે અને આવતીકાલે અતિભારે વરસાદની હવામાન વિભાગે આગાહી કરી છે.

આજે રાજ્યના 5 જિલ્લાઓમાં ભારે વરસાદની આગાહી

7 ઓગસ્ટના રોજ એટલે કે આજે રાજ્યના 5 જિલ્લાઓમાં ભારે વરસાદની હવામાન વિભાગે આગાહી કરી છે. જ્યારે 8 ઓગસ્ટના રોજ એટલે કે આવતીકાલે રાજ્યના 9 જિલ્લાઓમાં ભારે વરસાદ પડશે. આ જિલ્લાઓમાં બનાસકાંઠા, પાટણ, મહેસાણા, ગાંધીનગર, ખેડા, પંચમહાલ, દાહોદ, છોટા ઉદેપુર અને નર્મદામાં ભારે વરસાદની હવામાન વિભાગે આગાહી કરી છે.

છેલ્લા 24 કલાકમાં 114 તાલુકામાં વરસાદે રમઝટ બોલાવી

વધુમાં જણાવી દઇએ કે, રાજ્યમાં છેલ્લા 24 કલાકમાં 114 તાલુકામાં વરસાદે રમઝટ બોલાવી છે. જેમાં સૌથી વધુ ભાવનગરના ઉમરાળામાં 3 ઈંચ વરસાદ ખાબક્યો છે. જ્યારે ધારીમાં પોણા 3 ઈંચ, ગઢડામાં પોણા 3 ઈંચ, કાલાવડમાં સવા 2 ઈંચ, વઢવાણમાં 2 ઈંચ, જેતપુરમાં 2 ઈંચ, મુંદ્રામાં 2 ઈંચ વરસાદ, ગારિયાધારમાં પોણા 2 ઈંચ, જામકંડોરણામાં 1.5 ઈંચ, વંથલીમાં 1.5 ઈંચ, નખત્રાણામાં 1.5 ઈંચ, ગણદેવીમાં 1.5 ઈંચ, ગોંડલમાં 1.5 ઈંચ, અંકલેશ્વરમાં 1.5 ઈંચ વરસાદ અને ધ્રોલમાં સવા ઈંચ વરસાદ વરસ્યો છે. દક્ષિણ ગુજરાતના વિવિધ વિસ્તારમાં સારો એવો વરસાદ વરસ્યો છે. રાજ્યમાં સૌથી ઓછો સવા ઈંચ વરસાદ ધ્રોલમાં નોંધાયો છે.