અમદાવાદીઓ માટે સૌથી મોટા સમાચાર સામે આવ્યાં છે. અમદાવાદમાં 5G ઇન્ટરનેટનું ટેસ્ટિંગ શરૂ કરાયું. શહેરના પ્રહલાદનગર વિસ્તારમાં વિવિધ સ્થળોએ 5G ઇન્ટરનેટનું ટેસ્ટિંગ કરાયું. ટેલિકોમ્યુનિકેશન ડિપાર્ટમેન્ટ દ્વારા આ ટેસ્ટિંગ કરવામાં આવ્યું. 28 જેટલાં મોબાઇલમાં 5G ઇન્ટરનેટનું ટેસ્ટિંગ કરવામાં આવ્યું છે. શહેરમાં અલગ-અલગ 13 જેટલી જગ્યાઓઓ આ ટેસ્ટિંગ કરવામાં આવ્યું છે. જેમાં DOT (Department of Telecommunications) ના જણાવ્યાં અનુસાર, ડાઉનલોડની સ્પીડ 1.5 ગીગાબાઇટ (Gigabyte) જેટલી નોંધાઇ છે.
— VTV Gujarati News and Beyond (@VtvGujarati) May 27, 2022
DoT નિરીક્ષણની આ ટીમમાં જુઓ કોણ-કોણ હતું સામેલ?
DoTના અધિકારીઓએ જણાવ્યું હતું કે પ્રહલાદનગરમાં 5G ટેક્નોલોજી માટે સ્થાપિત ઉપકરણ શૂન્ય ફૂટપ્રિન્ટ સાથેના કોમ્પેક્ટ સિંગલ-બોક્સ હતાં, જે સ્થાનિક 5G કવરેજ પ્રદાન કરવા માટે 10m અથવા 15m પોલ પર પણ ઇન્સ્ટોલ કરી શકાય છે.
જણાવી દઇએ કે, DoT નિરીક્ષણની આ ટીમમાં DoT ગુજરાતના પ્રમુખ ગુંજન દવે અને DoT ગુજરાતના અધિકારી સુમિત મિશ્રા સામેલ હતા. પ્રહલાદનગર સાઇટનું પરીક્ષણ દૂરસંચાર એન્જિનિયરિંગ કેન્દ્ર (TEC), દૂરસંચાર વિભાગની તકનીકી શાખા દ્વારા નિર્ધારિત ધોરણો અનુસાર કરવામાં આવ્યું હતું. જે દૂરસંચાર નેટવર્ક ઉપકરણ અને સેવાઓ માટે સામાન્ય ધોરણોની વિશિષ્ટતાઓને તૈયાર કરે છે.
ફેબ્રુ.માં 5G ટેસ્ટ સાઇટ માટે 4 Gbps ની મહત્તમ ડેટા ડાઉનલોડ સ્પીડ રેકોર્ડ કરી હતી
DoT ની અખબારી યાદીમાં જણાવાયું કે, તેની ગુજરાતની ટીમે ફેબ્રુઆરીમાં ગાંધીનગરના મહાત્મા મંદિર ખાતે 5G ટેસ્ટ સાઇટ માટે 4 Gbps ની મહત્તમ ડેટા ડાઉનલોડ સ્પીડ રેકોર્ડ કરી હતી, જે અન્ય ખાનગી મોબાઇલ સેવા પ્રદાતા દ્વારા ઇન્સ્ટોલ કરવામાં આવી હતી.