કોરોના અપડેટ / ગુજરાતમાં કોરોનાની ચડતી-પડતી, ગઈકાલ કરતાં આજે કેસમાં ઘટાડો, છેલ્લા ચોવીસ કલાકમાં 301 નવા કેસ

• અમદાવાદ શહેરમા્ 114 કેસ નોંધાયા
• મહેસાણામાં 34 વડોદરામાં 36 કેસ
• અમદાવાદમા 114 કેસ નોંધાયા

ગુજરાતમાં ફરી કોરોનાએ માથું ઉચકયો હોય તેવી સ્થિતિ જન્મી રહી છે.  કોરોના કેસમા વધઘટ જોવા મળી રહી છે. ગુજરાતમાં ફરી કોરોનાના રોજિંદા સંક્રમિત દર્દીઓનો સામાન્ય વધઘટ જોવા મળી રહ્યો છે. આજે આરોગ્ય તંત્ર દ્વારા સત્તાવાર રીતે જાહેર કરાયેલી માહિતી મુજબ આજે રાજ્યમાં કોરોનાના 301 પોઝીટિવ કેસ નોંધાયા છે.

અમદાવાદમાં 114 કેસ નોંધાયા
રાજ્યમાં કોરોના કેસોમાં સતત વધારો નોંધાઈ રહ્યો છે. છેલ્લા 24 કલાકમા 301 કેસ નોંધાયા છે. અમદાવાદમા 114 કેસ તેમજ રોજકોટમાં 31 કેસ, સુરતમાં 26 વડોદરામાં 36 તેમજ વલસાડમાં 7 અને આણંદમાં 5 કેસ નોંધાયા છે. ભરૂચમાં 5 અને પંચમહાલમાં 5 કેસ નોંધાયા છે. એકટિવ કેસની સંખ્યા 2332 પર પહોંચી છે જ્યારે વેન્ટીલેટરમાં 10 દર્દીઓ છે.

રાજ્યમાં આજે કોરોનાના નવા 301 કેસ નોંધાયા, એક્ટિવ કેસની સંખ્યા વધીને 2332 પર પહોંચી, અમદાવાદ શહેરમાં 114 કેસ#coronavirus #Ahmedabad #vtvgujarati pic.twitter.com/8tEK5XeU0u

— VTV Gujarati News and Beyond (@VtvGujarati) April 2, 2023

263 દર્દીઓ કોરોનાથી સાજા થયા
ગુજરાતમાં આજે કોરોનાના 301 કેસ નોંધાયા છે. રાજ્યમાં કોરોનાથી સાજા થવાનો દર 98.96 ટકા નોંધાયો છે. તેમજ આજે 263 દર્દીઓ કોરોનાથી સાજા થયા છે. હાલ રાજ્યમાં 2332 કોરોનાના એક્ટિવ કેસ છે. 

કોરોનાથી બચવાના ઉપાય
માથાનો દુખાવો, ઉધરસ, શ્વાસ લેવામાં તકલીફ, શરદી, તાવ વગેરેની સમસ્યાને સામાન્ય ન ગણો. તે કોરોના પણ હોઈ શકે છે. તાત્કાલિક નિષ્ણાતનો સંપર્ક કરો. જો તમારી આસપાસ કોઈ સંક્રમિત વ્યક્તિ હોય તો તેનાથી સંપૂર્ણ અંતર રાખો. ભીડભાડવાળી જગ્યાએ માસ્ક પહેરીને જ જાઓ. છીંક આવે કે ખાંસી આવે ત્યારે હાથને સેનિટાઈઝ કરો. જાહેર સ્થળોની સપાટીને સ્પર્શ કરવાનું ટાળો અને જો તમે કરો છો તો તરત જ તમારા હાથને સેનિટાઈઝ કરો. સમયાંતરે તમારા હાથ ધોવાનું ચાલુ રાખો. જો તમને તમારી અંદર કોવિડ-19ના લક્ષણો દેખાઈ રહ્યા છે તો તમારી જાતને ક્વોરોન્ટાઈન કરો.

કોરોના અને ફ્લૂના ફેલાવાને નિયંત્રિત કરવા માટે  એડવાઇઝરી 
1. લોકોએ ભીડભાડવાળા વિસ્તારોમાં જવાનું ટાળવું જોઈએ. આ સમય દરમિયાન, વૃદ્ધ લોકો માટે તેમના સ્વાસ્થ્ય પર વિશેષ ધ્યાન આપવાની જરૂર છે.
2. તમામ પ્રકારની હોસ્પિટલોમાં ડોક્ટરો અને દર્દીઓ તેમજ કર્મચારીઓએ માસ્ક પહેરવું જરૂરી છે.
3. એડવાઇઝરીમાં કહેવામાં આવ્યું છે કે બધાએ જાહેર સ્થળોએ માસ્ક પહેરવા જોઈએ.
4. ઉધરસ અથવા છીંક આવે તો તમારા મોઢાને સાફ રૂમાલ અથવા ટિશ્યુ પેપરથી ઢાંકી દો.
5. એડવાઇઝરી અનુસાર તમારા હાથને વારંવાર ધોવા અને સેનિટાઇઝ કરો.
૬. જાહેર સ્થળોએ થૂંકવાનું સંપૂર્ણપણે ટાળો.
7. એડવાઇઝરીમાં કહેવામાં આવ્યું છે કે જો તમને કોરોના વાયરસ અથવા ફ્લૂના પ્રારંભિક લક્ષણો દેખાઈ રહ્યા છે, તો તરત જ પોતાનો ટેસ્ટ કરાવો.
8. જો તમે ફ્લૂથી પીડિત છો અથવા કોરોનાના કોઈ લક્ષણો છે, તો અન્ય લોકોને મળો નહીં.