અપડેટ / ગુજરાતમાં કોરોનાની રંજાડ: આજે 3 દર્દીના મોત, કેસ ઘટયા પણ એક્ટિવ કેસના આંકડાએ વધારી ચિંતા, જુઓ કયા જિલ્લામાં કેટલા કેસ

• કોરોનાના નવા 283 કેસ
• સૌથી વધુ અમદાવાદમાં 130 કેસ
• રાજ્યમાં કોરોનાના 2309 એક્ટિવ કેસ

ગુજરાતમાં કોરોનાનો સામાન્ય વધારો-ઘટાડો જોવા મળી રહ્યો છે તેમજ રોજિંદા કેસ 300ની આસપાસ આવી રહ્યાં છે. ગુજરાતમાં કોરોનાના રોજિંદા સંક્રમિત દર્દીઓમાં સામાન્ય વધઘટ જોવા મળી રહ્યો છે. તેમજ કોરોનાને લઈ વહીવટી તંત્ર પણ સજાગ અને સજ્જ બન્યું છે. આજે આરોગ્ય તંત્ર દ્વારા સત્તાવાર રીતે જાહેર કરાયેલી માહિતી મુજબ આજે રાજ્યમાં કોરોનાના 283 પોઝીટિવ કેસ નોંધાયા છે.

વડોદરામાં 42 કેસ નોંધાયા
આજે ગુજરાતમાં કોરોનાના નવા કેસ 283 કેસ નોંધાયા છે. અમદાવાદમાં 130 કેસ નોંધાયા છે. વડોદરા કોર્પોરેશમાં 29 તેમજ સુરત કોર્પોરેશનમાં 25 અને વડોદરામાં 14 કેસ નોંધાયા છે. જ્યારે સુરતમાં 9 તેમજ ગાંધીનગર કોર્પોરેશન અને ગ્રામ્યમાં 15 કેસ નોંધાયા છે. પાટણમાં 4 રાજકોટમાં 4 અને સુરેન્દ્રનગરમાં 4 કેસ નોંધાયા છે. આણંદ અને ભરૂચમાં 3-3 કેસ નોંધાયા છે. તેમજ અમદાવાદ કોર્પોરેશન વિસ્તારમાં 1 દર્દીનું મોત થયું છે અને ખેડામાં અને અરવલ્લીમાં કોરોનાથી એક-એક દર્દીનું મોત થયું છે.  

ગુજરાત કોરોના અપડેટ | આજે નવા 283 કેસ, એક્ટિવ કેસ 2309, અમદાવાદ, ખેડા અને અરવલ્લીના 1-1 દર્દીનું મોત, કુલ 3 મોત#gujarat #coronavirus #vtvgujarati pic.twitter.com/Fx6tfoOw4a

— VTV Gujarati News and Beyond (@VtvGujarati) April 16, 2023

217 દર્દીઓ કોરોનાથી સાજા થયા
ગુજરાતમાં આજે કોરોનાના 283 કેસ નોંધાયા છે. રાજ્યમાં કોરોનાથી સાજા થવાનો દર 98.96 ટકા નોંધાયો છે. તેમજ આજે 217 દર્દીઓ કોરોનાથી સાજા થયા છે. હાલ રાજ્યમાં 2305 કોરોનાના એક્ટિવ કેસ છે તેમજ 4 દર્દીઓ વેન્ટીલેટર પર છે.  

કોરોનાથી બચવાના ઉપાય
માથાનો દુખાવો, ઉધરસ, શ્વાસ લેવામાં તકલીફ, શરદી, તાવ વગેરેની સમસ્યાને સામાન્ય ન ગણો. તે કોરોના પણ હોઈ શકે છે. તાત્કાલિક નિષ્ણાતનો સંપર્ક કરો. જો તમારી આસપાસ કોઈ સંક્રમિત વ્યક્તિ હોય તો તેનાથી સંપૂર્ણ અંતર રાખો. ભીડભાડવાળી જગ્યાએ માસ્ક પહેરીને જ જાઓ. છીંક આવે કે ખાંસી આવે ત્યારે હાથને સેનિટાઈઝ કરો. જાહેર સ્થળોની સપાટીને સ્પર્શ કરવાનું ટાળો અને જો તમે કરો છો તો તરત જ તમારા હાથને સેનિટાઈઝ કરો. સમયાંતરે તમારા હાથ ધોવાનું ચાલુ રાખો. જો તમને તમારી અંદર કોવિડ-19ના લક્ષણો દેખાઈ રહ્યા છે તો તમારી જાતને ક્વોરોન્ટાઈન કરો.

કોરોના અને ફ્લૂના ફેલાવાને નિયંત્રિત કરવા માટે  એડવાઇઝરી 
1. લોકોએ ભીડભાડવાળા વિસ્તારોમાં જવાનું ટાળવું જોઈએ. આ સમય દરમિયાન, વૃદ્ધ લોકો માટે તેમના સ્વાસ્થ્ય પર વિશેષ ધ્યાન આપવાની જરૂર છે.
2. તમામ પ્રકારની હોસ્પિટલોમાં ડોક્ટરો અને દર્દીઓ તેમજ કર્મચારીઓએ માસ્ક પહેરવું જરૂરી છે.
3. એડવાઇઝરીમાં કહેવામાં આવ્યું છે કે બધાએ જાહેર સ્થળોએ માસ્ક પહેરવા જોઈએ.
4. ઉધરસ અથવા છીંક આવે તો તમારા મોઢાને સાફ રૂમાલ અથવા ટિશ્યુ પેપરથી ઢાંકી દો.
5. એડવાઇઝરી અનુસાર તમારા હાથને વારંવાર ધોવા અને સેનિટાઇઝ કરો.
૬. જાહેર સ્થળોએ થૂંકવાનું સંપૂર્ણપણે ટાળો.
7. એડવાઇઝરીમાં કહેવામાં આવ્યું છે કે જો તમને કોરોના વાયરસ અથવા ફ્લૂના પ્રારંભિક લક્ષણો દેખાઈ રહ્યા છે, તો તરત જ પોતાનો ટેસ્ટ કરાવો.
8. જો તમે ફ્લૂથી પીડિત છો અથવા કોરોનાના કોઈ લક્ષણો છે, તો અન્ય લોકોને મળો નહીં.