Stock Market / ફરી એકવાર શૅરબજારમાં નોંધાયો મોટો ઉછાળો, 4 દિવસ બાદ આ કંપનીના શૅરમાં જોવા મળ્યો ચોંકાવનારો વધારો

• ફરી એકવાર શૅરબજારમાં નોંધાયો મોટો વધારો
• 4 દિવસ બાદ આ  કંપનીના શૅરમાં જોવા મળ્યો ચોંકાવનારો વધારો
• ADANI PORTSનું નામ ટોપ ગેનર્સમાં સામેલ 
   

અઠવાડિયાના અંતિમ કારોબારી દિવસે શૅરબજાર વધારા સાથે ખૂલ્યું છે. આ સાથે જ BSEનો સંવેદી સૂચકાંક સેન્સેક્સ (Sensex) 229.2 અંક એટલે કે 0.44% વધીને  52,552.53 પર ખ્લૂયો છે તો NSE નો નિફ્ટી 59.20 અંક એટલે કે 0.38 ટકાના વધારાની સાથે 15,750.60 પર ખૂલ્યો છે. આજે આઈટી અને બેંક શૅરમાં વધારો જોવા મળ્યો છે. આ પહેલા વીકલી એક્સપાયરીના દિવસે બોમ્બે સ્ટોક એક્સચેન્જનો સેન્સેક્સ 176.65 અંક એટલે કે 0.34 ટકાના ઘટાડાની સાથે 52323.33 પર બંધ થયો હતો. તો નેશનલ સ્ટોક એક્સચેન્જનો નિફ્ટી ગુરુવારે 76.10 અંક એટલે કે 0.48 ટકા તૂટીને 15691.40ના સ્તરે બંધ થયો હતો. 

આ શૅરમાં આજે જોવા મળ્યો છે ખાસ વધારો 
આજે  BSE પર બજાજ ફિનસર્વ, ઈન્ફોસિસ, એચસીએલ ટેક, સનફાર્મા,  TCS, ડોક્ટર રેડ્ડી, બજાજ ફાયનાન્સ, ઈન્ડસઈન્ડ બેંક, હિન્દુસ્તાન યૂનિલિવર,  HDFC, બજાજ ઓટો, બજાજ ફાયનાન્સ, ICICI Bank, Reliance, HDFC Bank, Axis Bank, ટાઈટન, ભારતી એરટેલ,  SBI, કોટક બેંક, એશિયન પેન્ટ્સ, અલ્ટ્રા સીમેન્ટના શૅરમાં વધારો નોંધાયો છે. જ્યારે  ONGC,પાવર ગ્રિડ , NTPC, LT, M&M,મારુતિ , ITCઅને નેસ્લે ઈન્ડિયાના શૅરમાં ઘટાડો જોવા મળ્યો છે.  

Top-5 ગેનર્સ અને લૂઝર્સ
NSE पर Top-5 ગેનર્સમાં  ADANI PORTS, બજાજ ફિનસર્વ , Eicher Motor, સનફાર્મા અને ઈન્ફોસિસના શૅર સામેલ છે. લૂઝર્સમાં આજે  ONGC, JSW steel, Hindalco, Tata steel અને  UPLના શૅર છે. 
 

અદાણી ગ્રૂપના શૅરની સ્થિતિ
સોમવાર બાદથી આજે અદાણી ગ્રુપના શૅરમાં રિકવરી જોવા મળી રહી છે. અદાણી એન્ટરપ્રાઈઝના શૅરમાં 1.47 ટકાનો વધારો થયો છે. જ્યારે અદાણી પોર્ટના શેરમાં 1.28 ટકાનો વધારો થયો છે.