મહેસાણા: ગુજરાત રાજ્યમાં ગુટખા બનાવવા અને વેચવા પર પ્રતિબંધ છે. તેમ છતા મહેસાણાના કડી તાલુકામાં આવેલા રાજપુર ગામમાં ગુટખા બનાવવામાં આવતો હતો.
આ અંગેની જાણ થતા કેન્દ્ર સરકારની DGGIની ટીમે દરોડા પાડ્યા હતા. DGGIની ચાર જેટલી અલગ અલગ ટીમે દરોડા પાડીને ફેક્ટરી સીલ કરી હતી.
મળતી માહિતી મુજબ આ ગામમાં મુંબઈનો શખ્સ ખેતર ભાડે રાખીને છેલ્લા ઘણા સમયથી ગુટખા બનાવતો હતો. જેની જાણ થતા DGGIના અધિકારીઓએ દરોડા પાડ્યા.
આ દરમિયાન 4 લાખ 50 હજાર રૂપિયાનો કાચો માલ અને મશીનરી મળી આવી હતી. ત્યારે આરોગ્ય વિભાગને જાણ કરતા અધિકારીઓ ઘટનાસ્થળે પહોંચીન મુદ્દામાલ જપ્ત કર્યો હતો. આ ફેક્ટરીમાં ઉર્દુ ભાષામાં ગુટખાને પેક કરીને બહાર મોકલાતી હતી. આરોગ્ય વિભાગ મુદ્દામાલ જપ્ત કરીને ફેક્ટરીને સીલ કરીને આગળની કાર્યવાહી હાથધરી છે.