કેન્દ્ર સરકાર દેશમાં તમાકું સેવનની ઉંમર 18 વર્ષથી વધારીને 21 વર્ષ કરવા અને એના સંબંધિત નિયમોના ઉલ્લંઘન પર દંડ વધારવા પર વિચાર કરી રહી છે. કેન્દ્રીય સ્વાસ્થ્ય મંત્રાલયે એના માટે સિગરેટ અને અન્ય તમાકુ ઉત્પાદ અધિનિયમની જોગવાઇ કડક કરવા પર વિચાર કરી રહી છે. સરકારના પ્રયત્નો સીઓટીપીએના જોગવાઇને મજબૂત કરીને યુવાઓને તમાકુના દુષ્પ્રભાવોથી દૂર રાખવાની છે.
માતા પિતા પણ 21 વર્ષથી ઓછી ઉંમરના બાળકોને આ ઉત્પાદ ખરીદવા માટે દુકાનો પર મોકલી શકશે નહીં
સ્વાસ્થ્ય મંત્રાલયે તાજેતરમાં પોતાની બેઠક દરમિયાન તમાકુ નિયંત્રણ માટે કાનૂની સુધાર માટે એક ગ્રુપ બનાવ્યું છે
આ સંબંધમાં એક અધિકારીએ જણાવ્યું કે મોટાભાગના લોકો ધૂમ્રપાન કરવું પોતાની યુવા અવસ્થામાં જ શરૂ કરે છે. ખાસ કરીને ત્યારે જ્યારે તેઓ સ્કૂલ અથવા કૉલેજમાં હોય છે. અધિકારીએ કહ્યું કે 18 થી 21 વર્ષના યુવા જલ્દી પ્રભાવમાં આવે છે અને મોટાભાગે પોતાના સાથીઓના દબાણમાં અથવા ફેશનના કારણે સિગરેટ પીવાનું શરૂ કરી દે છે.
એમને જણાવ્યું કે કાયદાકીય આયુષ્ય 21 વર્ષ કરવાથી એ યુવાઓની સંખ્યામાં ખૂબ ઘટાડો થશે જે દર વર્ષ તમાકુનું સેવન શરૂ કરે છે. એટલે સુધી કે માતા પિતા પણ 21 વર્ષથી ઓછી ઉંમરના બાળકોને આ ઉત્પાદ ખરીદવા માટે દુકાનો પર મોકલી શકશે નહીં.
જણાવી દઇએ કે સ્વાસ્થ્ય મંત્રાલયે તાજેતરમાં પોતાની બેઠક દરમિયાન તમાકુ નિયંત્રણ માટે કાનૂની સુધાર માટે એક ગ્રુપ બનાવ્યું છે. દંડની રકમ વધારવા માટે પણ ભલામણ કરી છે.
તમાકુ ઉત્પાદો પર લાગશે બાર કોડ
એમને જણાવ્યું કે દેખરેખ તંત્ર હેઠ વિનિર્માણ એકમમાં તમાકુ ઉત્પાદો પર એક બાર કોડ લગાવવામાં આવશે, જેનાથી પ્રવર્તત એજન્સીઓને એવું જાણવા મદદ મળશે કે ઉત્પાદ કાનૂની છે અને એની પર ટેક્સ આપવામાં આવ્યો છે કે નહીં.
પ્રતિબંધિત ક્ષેત્રમાં ધૂમ્રપાન પર દંડની રકમ વધારવા પર વિચાર
મંત્રાલય પ્રતિબંધિત ક્ષેત્રોમાં પણ ધૂમ્રપાન કરતા જોવા મળર પર લગાવવામાં આવતા દંડની રકમ વધારવાનો વિચાર કરી રહી છે. આ અર્થદંડ હાલ 200 રૂપિયા સુધી છે.