VIDEO / આગથી બચાવવા માટે દિકરાને બિલ્ડીંગ પરથી નીચે ફેંકી દીધો, વીડિયો જોઈ રૂંવાડા ઉભા થઈ જશે

• સોશિયલ મીડિયા પર વાયરલ વીડિયો
• દિકરાને બચાવવા માટે નીચે ફેંકી દીધો
• બિલ્ડીંગમાં લાગી હતી ભીષણ આગ

સોશિયલ મીડિયા દરરોજ કંઈને કંઈ વાયરલ થતું રહેતું હોય છે. ત્યારે આવા સમયે અમુક વીડિયો એટલા ખતરનાક હોય છે, જેને જોઈને રુંવાડા ઉભા થઈ જાય. જો કે, આવા વીડિયો મોટા ભાગે કોઈ દુર્ઘટનાના હોય છે. હાલમાં જ આવો એક વીડિયો સોશિયલ મીડિયા પર વાયરલ થઈ રહ્યો છે. જેને જોઈને યુઝર્સ પણ ચોંકી જાય છે.

સોશિયલ મીડિયા પર સામે આવેલા વીડિયોમાં જોઈ શકાય છે કે, એક ઈમારતમાં આગ લાગવાના કારણે તેમાં ફસાયેલા પિતાએ પોતાના 3 વર્ષના દિકરાને આગની લપેટોમાં ફસાતો જોયો. ઈમારતમાં લાગેલી આગ એટલી વિકરાળ હતી કે, કોઈ પણ વ્યક્તિ ઈમારતમાંથી બહાર નિકળવા માટે સક્ષમ નહોતું. ત્યારે આવા સમયે વાયરલ વીડિયોમાં જોઈ શકાય છે કે, આગથી બચવા માટે પિતાએ પોતાના માસૂમ દિકરાએ બિલ્ડીંગમાંથી નીચે ફેંકી દીધો હતો.

Rescue captured on officers' body worn camera. Dad throws child out 2nd floor window to officers and firefighters, then jumps to escape flames consuming apartment building. pic.twitter.com/Ku5jQ6sOUy

— So Brunswick PD (@SoBrunswickPD) March 7, 2022

એક રિપોર્ટ્સમાં જણાવ્યા અનુસાર વીડિયો અમેરિકાના ન્યૂ જર્સીના સાઉથ રિઝ વુડ અપાર્ટમેન્ટનો છે. જ્યાં હાલમાં જ આગ લાગવાના કારણે એક પિતાએ પોતાના 3 વર્ષના દિકરાને બચાવવા માટે રેસ્ક્યૂ ટીમ અને પોલીસના કહેવા પર બિલ્ડીંગ પરથી નીચે ફેંકી દીધો હતો. જો કે, આ દરમિયાન બચાવ ટીમ અને પોલીસના જવાનોએ આ બાળકને જમીન પર પડવા દીધો નહોતો.

વીડિયોમાં આગળ જોઈ શકાય છે કે, આ શખ્સે પણ બાદમાં પોલીસના કહેવા પર ઈમારત પરથી છલાંગ લગાવી દીધી હતી અને પોતાનો જીવ બચાવી લીધો હતો. કહેવાય છે કે, આ દરમિયાન કોઈને પણ મોટી ઈજા થઈ નથી. આ સમગ્ર ઘટના પોલીસના કેમેરામાં રેકોર્ડ થઈ ગઈ હતી. જે બાદ તે વીડિયો સોશિયલ મીડિયા પર વાયરલ થયો હતો.