સરકાર કહે છે કે દેશમાં લાયસન્સ રાજ ખતમ થઇ ચૂક્યું છે અને વેપાર કરવો ખૂબ સરળ બન્યો છે. પરંતુ હકીકત જાણીને તમે ચોંકી જશો. આર્થિક સર્વે 2020માં નાણામંત્રી નિર્મલા સીતારમણે મોટો ખુલાસો કર્યો છે.
આર્થિક સર્વે 2020માં નાણામંત્રી નિર્મલા સીતારમણે કર્યો મોટો ખુલાસો
સર્વે અનુસાર દેશમાં રેસ્ટોરન્ટ ખોલવાથી વધુ સરળ છે બંદૂકનું લાયસન્સ લેવું
રેસ્ટોરન્ટ માટે 36 અને બંદૂક ખરીદવા માટે 19 ડોક્યુમેન્ટ્સ જરૂરી
દેશમાં રેસ્ટોરન્ટ ખોલવા કરતાં પણ વધુ સરળ છે બંદૂકનું લાયસન્સ મેળવવું. કહેવાનો અર્થ એ છે કે જો તમારે દેશમા કોઈ પણ ભાગમાં એક રેસ્ટોરન્ટ ખોલવી છે તો તમારી પાસેથી એટલા બધા દસ્તાવેજોની માંગણી કરવામાં આવશે, જેટલા એક બંદૂકના લાયસન્સમાં જરૂર નથી પડતી. આ વાત બજેટના એક દિવસ પહેલા શુક્રવારના રોજ નાણાંમંત્રી નિર્મલા સીતારમણ દ્વારા રજૂ કરવામાં આવેલ આર્થિક સર્વેક્ષણ 2020માં કહેવામાં આવી છે.
36 એપ્રુવલ્સ બાદ ખુલે છે રેસ્ટોરન્ટ
નેશનલ રેસ્ટોરાન્ટ્સ એસોસિએશન ઓફ ઈન્ડિયા (એનઆરએઆઈ) અનુસાર, બેંગલુરુમાં એક રેસ્ટોરન્ટ ખોલવા માટે 36 એપ્રુવલ્સ, દિલ્હી માટે ૨ અને મુંબઇ માટે ૨૨ એપ્રૂવલ્સની જરૂર પડે છે. આ સિવાય, દિલ્હી પોલીસ પારેથી આ લાયસન્સ મેળવવા માટે 45 ડોક્યુમેન્ટ્સની જરૂરિયાત છે, જ્યારે બંદૂક અને મોટા હથિયારોના લાયસન્સ મેળવવા માટે ક્રમશઃ અંદાજિત 19 અને 12 દસ્તાવેજોની જરૂર હોય છે.
રોજિંદા કામકાજમાં પણ મુશ્કેલી
સર્વેક્ષણમાં કહેવામાં આવ્યું છે કે અહીં સુધી રોજિંદાના કામકાજ માટે પણ સેવા ક્ષેત્રનો મોટી મુશ્કેલીઓમાંથી પસાર થવું પડે છે. આ વાતનો સ્વીકાર કરીએ છીએ કે બાર અને રેસ્ટોરન્ટ સેક્ટર દુનિયામાં ક્યાં પણ રોજગાર અને વિકાસમાં ખુબ જ મહત્વનો સ્ત્રોત છે, તેમ છતાં ભારતમાં આને ખોલવા માટે બહુ બધી મુશ્કેલીઓનો સામનો કરવો પડે છે.
ભારતમાં સૌથી વધુ મુશ્કેલી
સર્વેમાં જણાવાયું છે કે ભારતમાં રોસ્ટોરન્ટ ખોલવા માટે દુનિયાના કોઈ પણ દેશની તુલનામાં સૌથી વધુ મંજૂરીઓ લેવી પડે છે. ત્યારે, ચીન અને સિંગાપોરમાં તેના માટે અંદાજિત ચાર લાઇસન્સ લેવાની આવશ્યકતા છે.
યોગ્યરીતે માહિતી પણ નથી મળતી
આ સિવાય, ભારતમાં સરકારના પોર્ટલ અથવા સૂચના કેન્દ્રોથી તમે માત્ર લાયસન્સ અને પરમિશનની યાદી જ મેળવી શકો છો. ત્યારે ન્યુઝીલેન્ડમાં ઑકલેન્ડ કાઉન્સિલની વેબસાઇટ પર તમને રેસ્ટોરન્ટ ખોલવા માટેની ડીટેઇલ વિગતવાર મંજૂરીઓની તબક્કાવાર પ્રક્રિયા, ફી અને ટાઇમલાઇનની માહિતી મળી જાય છે.