OMG / ખર્ચને પહોંચી વળવા દુલહને મહેમાનો માટે લગ્નમાં રૂ.૩પ૦૦ એન્ટ્રી ફી રાખી

• લગ્નમાં એન્ટ્રી ફીસ 3500 રૂપિયા ચુકવવા પડશે
• મારાં પેરન્ટ્સ મારી એન્ટ્રી ફી આપવા માટે તૈયાર પણ થઈ ગયાં હતાં
• ખર્ચને પહોંચી વળવા દુલહને મહેમાનો માટે લગ્નમાં રૂ એન્ટ્રી ફી રાખી

સામાન્ય રીતે લગ્ન પ્રસંગે મહેમાનો નવયુગલને નાની-મોટી કોઈ ને કોઈ ભેટ તો આપતા જ હોય છે પણ શું ક્યારેય દુલહન સામેથી મહેમાનો પાસેથી ગિફ્ટ માગતી હોય તેવું સાંભળ્યું છે? જી હા, અમેરિકામાં હાલમાં જ આવો એક કેસ સામે આવ્યો છે, જેમાં લગ્નના ખર્ચને પહોંચી વળવા માટે ર૬ વર્ષીય દુલહને તેમના મહેમાનો માટે પ૦ ડોલર એટલે કે રૂ.૩પ૦૦ની એન્ટ્રી ફી રાખી હતી. આ વાત દુલહનની ૧૯ વર્ષીય પિતરાઈ બહેને વેબસાઈટ પર પોસ્ટ કરતાં સામે આવી છે.

તેણે જણાવ્યું કે મારી બહેને તેનાં મેરેજના ખર્ચને પહોંચી વળવા માટે મહેમાનો માટે એન્ટ્રી ફી રાખી હતી. લગ્નમાં કોણ એન્ટ્રી ફી રાખે? હું તેનાંં લગ્નને લઈ ઘણી ઉત્સાહિત હતી પણ એન્ટ્રી ફી આપી મારે લગ્નમાં જવું નહોતું. મારાં પેરન્ટ્સ મારી એન્ટ્રી ફી આપવા માટે તૈયાર પણ થઈ ગયાં હતાં પણ મેં ના પાડી. મારાં પેરન્ટ્સે તેનાં લગ્નમાં હાજરી આપી પણ હું ન ગઈ. સોશિયલ મીડિયામાં આ વાત વાઇરલ થતાં યુઝરે દુલહનને ઘણી ટ્રોલ કરી. એક યુઝરે લખ્યું કે જો લગ્ન કરવા માટે તમારી પાસે પર્યાપ્ત રૂપિયા નથી તો તમને લગ્ન કરવાનો કોઈ હક નથી તો અન્ય એક યુઝરે કહ્યું કે લગ્ન એ બંને પરિવાર માટે ખુશીની પળ હોય છે તેવામાં મહેમાનો માટે એન્ટ્રી માગવી તે યોગ્ય નથી.