ભવિષ્યમાં કારમાંથી નીકળતી ગરમી, ઔદ્યોગિક પ્રક્રિયામાં ઉત્પન્ન થતી ઉષ્મા વગેરેને પણ વિદ્યુત ઊર્જામાં બદલી શકાશે. અમેરિકાની ધ ઓહિયો સ્ટેટ યુનિવર્સિટીના વિજ્ઞાનીઓએ આ દિશામાં કામ કરતા થર્મો ઇલેક્ટ્રિકલ સેમિકન્ડક્ટર મટીરિયલને ડિઝાઇન કરવાની નવી રીત શોધી લીધી છે.
દુનિયામાં વધતી વસ્તીની સાથે ઊર્જાની જરૂરિયાત પણ ખૂબ ઝડપથી વધી રહી છે. દુનિયાભરના વિજ્ઞાનીઓ આ માટે વૈકલ્પિક રસ્તો શોધી રહ્યા છે. વર્તમાનમાં વિદ્યુત ઊર્જાનો ખૂબ જ ઝડપથી ઉપયોગ થઇ રહ્યો છે. તેના ઘણા વિકલ્પ વિજ્ઞાનીઓએ શોધ્યા પણ છે, પરંતુ વધુ અસરકારક સાબિત થયા નથી. હવે આ દિશામાં અમેરિકી સંશોધકોને એક મોટી સફળતા હાથ લાગી છે. તેમણે ઉષ્માને એકત્ર કરવા અને તેને વીજળીમાં બદલવાનો શ્રેષ્ઠ વિકલ્પ શોધ્યો છે.
સંશોધકોનું કહેવું છે કે ભવિષ્યમાં કારમાંથી નીકળતી ગરમી, ઔદ્યોગિક પ્રક્રિયામાં ઉત્પન્ન થતી ઉષ્મા વગેરેને પણ વિદ્યુત ઊર્જામાં બદલી શકાશે. અમેરિકાની ધ ઓહિયો સ્ટેટ યુનિવર્સિટીના વિજ્ઞાનીઓએ આ દિશામાં કામ કરતા થર્મો ઇલેક્ટ્રિકલ સેમિકન્ડક્ટર મટીરિયલને ડિઝાઇન કરવાની નવી રીત શોધી લીધી છે. સાયન્સ નામની જર્નલમાં પ્રકાશિત અભ્યાસ મુજબ આ નવી રીત પેરા મેગ્નોન નામના સૂક્ષ્મ કણો પર આધારિત છે, તેમાં ચુંબકીય ગુણ વધુ હોતા નથી, પરંતુ પોતાની આસપાસ ચુંબકીય ક્ષેત્ર ઉત્પન્ન કરી લે છે.
આ શોધ દ્વારા વર્તમાનમાં ઉષ્માથી જેટલી વિદ્યુત ઊર્જા તૈયાર થાય છે તેનાથી વધુ વીજળી તૈયાર કરી શકાશે. સંશોધકોના જણાવ્યા મુજબ આ એવી રીત છે, જેના અંગે હજુ સુધી કોઇએ વિચાર્યું નહીં હોય. અભ્યાસમાં જણાવાયું છે કે જ્યારે ચંુબકને ગરમ કરાય છે ત્યારે તે પોતાનો ચુંબકીય ગુણ છોડીને પેરામેગ્નેટ બની જાય છે. ચુંબકત્વના પ્રવાહથી એક પ્રકારની ઊર્જા ઉત્પન્ન થાય છે, જેને મેગ્નોન-ડ્રેગ થર્મો ઇલેક્ટ્રિસિટી કહેવાય છે.