તમારા કામનું / જલ્દી કરો! છેલ્લો દિવસ નજીક આવી ગયો, પછી નહીં મળે આધારને ફ્રીમાં અપડેટ કરવાનો મોકો, આપવા પડશે રૂપિયા

જો તમારી પાસે પણ 10 વર્ષ જૂનું આધાર કાર્ડ છે અને તે આ સમયગાળા દરમિયાન એકવાર પણ અપડેટ નથી થયું તો આ સમાચાર તમારા માટે ખૂબ જ મહત્વપૂર્ણ છે. આધાર કાર્ડ ફ્રીમાં અપડેટ કરવા માટે સરકારે 14મી જૂન 2024ની તારીખ નક્કી કરી છે અને આ 14મી જૂન માટે માત્ર થોડા દિવસો બાકી છે.

તમે આ તારીખ સુધી તમે તમારું આધાર ફ્રીમાં અપડેટ કરી શકો છો અને શક્ય છે કે 14 જૂન પછી આના માટે દંડ થઈ શકે છે. એટલે તમે 14 તારીખ પહેલા તમારું આધાર કાર્ડ અપડેટ કરાવી લો અને રાહતની વાત એ છે કે તમે ઘરે બેસીને પણ મોબાઈલ દ્વારા તમારું આધાર અપડેટ કરી શકો છો.

મફતમાં આધાર અપડેટ કરવાની અંતિમ તારીખ 14 જૂન, 2024 છે. પહેલા આ સમયમર્યાદા 14 માર્ચ હતી, ત્યારબાદ UADAIએ તેને 14 જૂન સુધી લંબાવી હતી. જણાવી દઈએ કે ઓફલાઈન આધાર કેન્દ્રો પર આધાર અપડેટ કરવાનું ફ્રી નથી, આધારને માત્ર ઓનલાઈન ફ્રીમાં અપડેટ કરી શકાય છે અને એ પણ 14 તારીખ સુધી.

ફ્રીમાં આધાર કાર્ડ કેવી રીતે અપડેટ કરાવવું?

• એ માટે સૌથી પહેલા આધાર કાર્ડની ઑફિશ્યલ સાઇટ https://uidai.gov.in/ પર જાઓ
• આધાર નંબર અને વન-ટાઇમ પાસવર્ડ (OTP) નો ઉપયોગ કરીને વેબસાઇટ પર લોગ ઇન કરો.
• રજિસ્ટર્ડ મોબાઈલ નંબર પર OTP મોકલવામાં આવશે.
• તે પછી ડોક્યુમેન્ટ અપડેટ વિભાગ પર જાઓ અને વિગતો તપાસો.
• જો કંઈપણ ખોટું હોય, તો ડ્રોપ-ડાઉન મેનૂમાંથી આઇડેન્ટીટી માટેના ડોક્યુમેન્ટ અપલોડ કરો.
• કન્ફર્મેશન આપ્યા બાદ તમને 14 નંબરનો અપડેટ રિકવેસ્ટ નંબર (URN) મળશે.
• આના દ્વારા તમે આધાર અપડેટની પ્રોસેસ ટ્રેક કરી શકો છો

વધુ વાંચો: ઈન્ટરનેટ વગર જ UPIથી બીજા એકાઉન્ટમાં પૈસા ટ્રાન્સફર કરો, મોબાઈલમાં ડાઉનલોડ કરો આ એપ

ઓનલાઈન આધાર અપડેટ નથી કરવા માંગતા તો આધાર સેન્ટરમાં જઈને પણ અપડેટ કરાવી શકો છો પણ તેના માટે તમારે 50 રૂપિયા ચાર્જ ચૂકવવો પડશે.