સરકાર AC-ફ્રિઝ, વોશિંગ મશીન અને માઇક્રોવેવ ઓવનમાં ઉપયોગ થનાર કાચા માલ પર ઇમ્પોર્ટ ડ્યૂટી વધારવા જઇ રહી છે. ઇમ્પોર્ટ ડ્યૂટી વધવાથી AC-ફ્રિઝ અને વોશિંગ મશીન મોંઘા થઇ શકે છે. જણાવી દઇએ કે ગત વર્ષે સરકારે 19 લક્ઝરી ઉત્પાદો પર ઇમ્પોર્ટ ડ્યૂટીમાં ખૂબ જ વધારો કર્યો હતો.
વાણિજ્ય મંત્રાલય એસી અને રેફ્રિજેટરના કોમ્પેરસર અને કન્ડેન્સર બનાવવામાં લાગતી સ્ટીલ શીટ અને કૉપર ટ્યૂબ વધવાના પ્રસ્તાવ પર વિચાર કરી રહ્યું છે.
સરકારે ગત વર્ષે કોમ્પ્રેસર પર ઇમ્પોર્ટ ડ્યૂટીને 7.5 ટકાથી વધારીને 10 ટકા કરી દીધી હતી. એસી, રેફ્રિજરેટર અને 10 કિલોથી ઓછી ક્ષમતા વાળા વોશિંગ મશીનોમ પર ઇમ્પોર્ટ ડ્યૂટી બમણી કરીને 20 ટકા કરી દીધી હતી.
એક મીડિયા રિપોર્ટ અનુસાર સરકાર દ્વારા ઇમ્પોર્ટ ડ્યૂટી વધારવા પર મેન્યુફેક્ચર્સની પરેશાની વધી શકે છે. ગત વખતે ઇમ્પોર્ટ ડ્યૂટી વધવા પર મેન્યુફેક્ચર્સને આ ઉત્પાદો ભાવ પર 3-5 ટકા વધારો કરવો પડ્યો હતો.