અભિનેત્રી દીપિકા પાદુકોણ હાલમાં પતિ રણવીર સિંહ સાથે રજાઓ માણી રહી છે અને આ દરમિયાન તેણે સેન જોસમાં કોંકણી સંમેલનમાં હાજરી આપી હતી.
દીપિકા પતિ રણવીર સાથે વેકેશન પર
સેન જોસમાં કોંકણી સન્મેલનમાં લીધો ભાગ
ઈવેન્ટનો મજેદાર વીડિયો વાયરલ
અભિનેત્રી દીપિકા પાદુકોણ આ દિવસોમાં પતિ રણવીર સિંહ સાથે રજાઓ માણી રહી છે અને આ દરમિયાન તેણે સેન જોસમાં કોંકણી સન્મેલનમાં હાજરી આપી હતી. આ કોન્ફરન્સમાં આવેલી દીપિકા પાદુકોણની ફની સ્ટાઇલ જોવા મળી હતી. આ દરમિયાન દીપિકા પાદુકોણનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. વીડિયોમાં દીપિકા પાદુકોણના ફેન્સ આઈ લવ યુની બૂમો પાડતા સાંભળી શકાય છે.
દીપિકાએ આપ્યો ફની જવાબ
દીપિકાએ તેના ફેન્સના આ પ્રેમનો ખૂબ જ ફની રીતે જવાબ આપ્યો. વીડિયોમાં દીપિકા પાદુકોણ સ્ટેજ પર બેઠેલી જોવા મળી રહી છે અને ફેન તેને આઈ લવ યુ કહી રહ્યા છે. તેના ફેનના આઈ લવ યુ પર દીપિકા પાદુકોણે કહ્યું, 'હું હવે પરિણીત મહિલા છું'.
દીપિકાનો આ જવાબ સાંભળીને ત્યાં હાજર ફેન્સ હસવા લાગ્યા. મહત્વનું છે કે તે દીપિકા પતિ રણવીર સિંહ સાથે રજાઓ માણી રહી છે અને ઈવેન્ટમાં ચીફ ગેસ્ટ તરીકે હાજરી આપી હતી.
દીપિકાએ દેશી લૂકમાં ફોટો કર્યા શેર
વીડિયોમાં તેણે ઈવેન્ટ દરમિયાન પિંક ડ્રેસ પહેર્યો હતો. દીપિકાએ ટ્રેડિશનલ લુક શેર કરતા પોતાની પોસ્ટમાં લખ્યું- "એક વ્યક્તિ જે તેના ભૂતકાળના ઇતિહાસ, ઉત્પત્તિ અને સંસ્કૃતિની જાણ વિના મૂળ વિનાના ઝાડ જેવી છે. તમારા પ્રેમ, હૂંફ અને આશીર્વાદ માટે #KAOCA અને મારા સમુદાયના લોકોનો આભાર.
તેની સાથે દીપિકાના માતા-પિતા પ્રકાશ પાદુકોણ અને ઉજ્જલા પાદુકોણ અને બહેન અનીશા પાદુકોણ પણ હતા. સેન જોસ, કેલિફોર્નિયામાં યોજાયેલી ઇવેન્ટમાંથી હવે પરિવારના ઘણા ફોટા અને વીડિયો સામે આવ્યા છે. તેમાંથી કેટલાકમાં તેણે શંકર અને તેની પત્ની સંગીતા મહાદેવન સાથે પોઝ પણ આપ્યો હતો.