ગરમીથી બચવા માટે બે શખ્સો ચાલુ સ્કૂટીએ રસ્તા પર ડોલ લઈને નહાવા લાગ્યા. વીડિયો થયો સોશિયલ મીડિયા પર વાયરલ
ગરમીથી બચવા માટે કાઢ્યો જુગાડ
રસ્તા પર ડોલ લઈને નહાવા લાગ્યા
વીડિયો થયો સોશિયલ મીડિયા પર વાયરલ
ભારતીયો ખાસ કરીને જુગાડ માટે ઓળખાય છે. કોઈપણ સમસ્યા હોય, ભારતીયો તેનો સરળ જુગાડ શોધી જ લેતા હોય છે. આવા જ એક અનોખા જુગાડનો વીડિયો આજકાલ સોશિયલ મીડિયા પર વાયરલ થઇ રહ્યો છે.
માર્ચ મહિનાથી તપાવી નાંખે એવો તડકો પાડવા લાગ્યો છે. ગરમીથી પરેશાન લોકો તડકામાં બહાર નીકળવાથી બચે છે. ખૂબ જ જરૂરી કામ હોય તો જ તડકામાં બહાર નીકળવું પડે છે. તડકાથી બચવા લોકો કંઈક ને કંઈક તો જુગાડ શોધી જ લે છે. સોશિયલ મીડિયા પર આવો જ એક વીડિયો વાયરલ થઇ રહ્યો છે, જે જોયા બાદ તમે ચોંકી જશો.
તડકામાં બહાર આવેલા આ શખ્સનો જુગાડ
ઇન્ટરનેટ પર વાયરલ થનાર વીડિયોમાં જોઈ શકાય છે કે બે વ્યક્તિઓ તડકામાં બહાર સ્કૂટી લઈને નીકળ્યા છે, પરંતુ તેમણે પોતાની સાથે પાણીથી ભરેલ ડોલ પણ રાખી છે. જેવા તેઓ ટર્ન લે છે, તો જોઈ શકાય છે કે પાછળ બેઠેલ માણસ ડોલમાનું પાણી પોતાના માથા પર રેડવા લાગે છે.
ગરમીથી છૂટકારો મેળવવાનો ઉપાય
સ્કૂટી ચલાવનાર શખ્સનાં માથા પર પણ પાછળ બેઠેલ માણસ પાણી નાંખે છે, એટલે ગરમીથી રાહત મળી શકે. ગરમીથી બચવા માટે આવો જુગાડ કદાચ પહેલા ક્યારેય નહી જોયો હોય. ફેસબુક પર આ વીડિયો શેર કરનાર યૂઝર નવજીત પરિહારનો દાવો છે કે આ વીડિયો રાજસ્થાનનાં જોધપુરનો છે.
સોશિયલ મીડિયા પર વીડિયો થયો વાયરલ
વીડિયો શેર કરતા એક યુઝર પોતાના કેપ્શનમાં લખે છે કે ગરમી આ વર્ષે માર્ચમાં જ ઘણી વધી ગઈ છે. કેપ્શન સાથે યૂઝર જોધપુરનું હેશટેગ પણ યૂઝ કરે છે. લોકો આ વીડિયોને ખૂબ જ પસંદ કરી રહ્યા છે. આ 30 સેકન્ડનો વીડિયો સોશિયલ મીડિયા પર હવાની જેમ વાયરલ થી રહ્યો છે.