ગુજરાતમાં કોની લહેર? / ગુજરાતમાં સૂપડા સાફ કરવા તરફ ભાજપ, દિલ્હીમાં જુઓ જશ્ન માટે કેવી તૈયારીઓ કરાઇ

• આજ હિમાચલ પ્રદેશની 68 અને ગુજરાતની 182 બેઠકોના પરિણામ આવશે
• આમ આદમી પાર્ટી ગુજરાતમાં સત્તા પલટો કરશે -  કેજરીવાલ
• ભાજપમાં નવા મુખ્યમંત્રીના શપથ ગ્રહણ જોરશોર તૈયારી 
• ભાજપ, કોંગ્રેસ અને AAP વચ્ચે ત્રિકોણીય મુકાબલો?

દિલ્હીમાં આમ આદમી પાર્ટીનો MCD રમખાણમાં વિજય થયો છે. 15 વર્ષ સુધી MCD પર ભાજપનો કબજો હતો પણ આ વખતે અરવિંદ કેજરીવાલની પાર્ટીએ તેના પર કબજો જમાવ્યો છે. 250 બેઠકોની આ લડાઈ શાનદાર હતી. તેના માટે બંને પક્ષો તરફથી જીતના દાવા કરવામાં આવ્યા હતા, આવો જ દાવો આજ માટે એટલે કે 8મી ડિસેમ્બરે માટે પણ કરવામાં આવ્યા છે. આજ હિમાચલ પ્રદેશની 68 અને ગુજરાતની 182 બેઠકોના પરિણામ આવશે. જો બંનેને જોડી દેવામાં આવે તો સીટોની સંખ્યા 250 થઈ જાય છે, એટલે કે આજે 250 સીટોનો ફાઈનલ આંકડા આવશે. હિમાચલ પ્રદેશમાં દર 5 વર્ષે સત્તા બદલવાનો ટ્રેન્ડ જોવા મળી રહ્યો છે પણ ગુજરાતમાં ભાજપ સતત 6 વખતથી સત્તામાં આવે છે. આ એવો કિલ્લો છે જેને કોંગ્રેસ પણ નથી હલાવી શકી. 

ગુજરાતમાં તારીખ 1 અને 5 ડિસેમ્બરના રોજ 15મી વિધાનસભાની બે તબક્કામાં ચૂંટણી યોજાઇ. જેનું પરિણામ આજે ગુરુવારને 8 ડિસેમ્બરના રોજ આવશે. ત્યારે આ ચૂંટણીમાં વિધાનસભાની 182 બેઠકો માટે કુલ 1621 ઉમેદવારો મેદાનમાં હતા. હાલ ગુજરાત વિધાનસભાની ચૂંટણીની બેલેટ પેપરથી મતગણતરી શરૂ થઇ ગઇ છે. ત્યારે આ પ્રાથમિક ગણતરીમાં ભાજપ 8 બેઠકો પર, કોંગ્રેસ 3 બેઠકો પર અને AAP 1 બેઠકથી આગળ છે. આ સાથે જ શરૂઆતના વલણમાં ભાજપ 129, કોંગ્રેસ 33, AAP 4  બેઠકો પર આગળ દેખાઈ રહ્યું છે. 

આમ આદમી પાર્ટી ગુજરાતમાં સત્તા પલટો કરશે -  કેજરીવાલ
જો કે આ વખતે અરવિંદ કેજરીવાલની આમ આદમી પાર્ટીએ જોર પકડ્યું છે પણ જોવાનું રહેશે કે તે ભાજપને કેટલો મોટો પડકાર આપી શકશે. જણાવી દઈએ કે કેજરીવાલે 10 દિવસ પહેલા દાવો કર્યો હતો કે આમ આદમી પાર્ટી ગુજરાતમાં સત્તા પલટો કરશે. એટલું જ નહીં એમને તો સીટોને પણ એક સ્લિપ પર લખીને લોકોને જણાવી હતી.

ભાજપમાં નવા મુખ્યમંત્રીના શપથ ગ્રહણ જોરશોર તૈયારી 
ગુજરાતમાં 1 અને 5 ડિસેમ્બરે બે તબક્કામાં યોજાનારી વિધાનસભાની ચૂંટણી માટે મત ગણતરી શરૂ થઈ ગઈ છે પણ ગઇકાલથી જ સત્તાધારી ભાજપ રાજ્યમાં તેની સતત સાતમી જીતને લઈને ઉત્સાહિત છે. જણાવી દઈએ કે પરિણામ પહેલા ગુજરાત ભાજપમાં ખળભળાટ મચી ગયો છે અને એક્ઝિટ પોલના પરિણામો જોઈને ભાજપ ખૂબ જ ઉત્સાહિત છે એવામાં એક્ઝિટ પોલના પરિણામ આવતાં જ પોતાની જીતની ઉજવણીની તૈયારીઓ શરૂ કરી દીધી છે. મળતી માહિતી મુજબ મતગણતરી પહેલા નવા મુખ્યમંત્રીના શપથ ગ્રહણ સમારોહની તૈયારીઓ જોરશોરથી શરૂ થઈ ગઈ છે. આવતા રવિવાર કે સોમવારે ગુજરાતને નવા મુખ્યમંત્રી મળશે. જો કે જો ભાજપ જીતે તો હાલના મુખ્યમંત્રી ભૂપેન્દ્ર પટેલ ફરી મુખ્યમંત્રી બનશે તે નિશ્ચિત છે. 

ભાજપ, કોંગ્રેસ અને AAP વચ્ચે ત્રિકોણીય મુકાબલો
હાલ ગુજરાતમાં ભાજપ, કોંગ્રેસ અને AAP વચ્ચે ત્રિકોણીય મુકાબલો દેખાઈ રહ્યો છે પણ રાજકીય નિરીક્ષકોએ જણાવ્યું હતું કે પરિણામ એ નક્કી કરશે કે ગુજરાતમાં મુખ્ય વિપક્ષ તરીકે કોણ ઉભરી આવશે. એક્ઝિટ પોલ મુજબ ગુજરાતમાં ભાજપ માટે મોટી બહુમતીનું અનુમાન કરવામાં આવ્યું છે અને જો સાચું પડશે તો પાર્ટી ભાજપ સતત સાતમી વખત રાજ્યમાં સત્તા જાળવી રાખવા અને પશ્ચિમ બંગાળમાં વામ મોરચાના બરોબરની ઉપલબ્ધિ હાંસલ કરશે. આ સાથે જ ભાજપ માટે અહીં મોટી જીત 2024માં સતત ત્રીજી વખત વડાપ્રધાન તરીકે નરેન્દ્ર મોદીના દાવાને પણ મજબૂત કરશે.

AAPને આશા છે કે ગુજરાતના લોકો કલ્યાણકારી રાજકારણને સ્વીકારશે
જણાવી દઈએ કે ભાજપ માટે મુખ્ય પડકાર તરીકે કોંગ્રેસની ભૂમિકા દાવ પર છે જો કે આજના પરિણામો બતાવશે કે શું કોંગ્રેસનો 'મૌન અભિયાન' લોકોને પ્રભાવિત કરી શક્યો કે શું? ગુજરાત વિધાનસભાની ચૂંટણી સમયે પાર્ટીના ટોચના નેતાઓ ભારત જોડો યાત્રામાં વ્યસ્ત હતા અને ગુજરાતની ચૂંટણી AAP માટે એક તક હતી જેમાં એમને આક્રમક ઝુંબેશ ચલાવી છે. દિલ્હી મ્યુનિસિપલ કોર્પોરેશનની ચૂંટણીમાં મળેલી જીતથી ઉત્સાહિત AAPને આશા છે કે ગુજરાતના લોકો તેના કલ્યાણકારી રાજકારણને સ્વીકારશે.