ટ્રાવેલ / ન્યૂ યર ઉજવવા ગુજરાતીઓ માટે આ છે ફેવરિટ ડેસ્ટિનેશન, તમે પણ બનાવી લો પ્લાન

• નવા વર્ષની ઉજવણી માટે ગુજરાતીઓનું હોટ ફેવ‌િરટ ડેસ્ટિનેશન ગોવા છે
• ટૂર ઓપરેટર્સના અંદાજ મુજબ ૧પ  હજાર લોકો શહેર બહાર ક્રિસમસ કરવા જઈ રહ્યા છે
• ગોવા માટે ટ્રેનનાં બુકિંગ હાઉસફુલ  છે.

 ટ્રાવેલ્સ દ્વારા એડ્વાન્સ બુકિંગ શરૂ થઈ ગયાં

ટૂર ઓપરેટર્સના અંદાજ મુજબ ૧પ  હજાર લોકો શહેર બહાર ક્રિસમસ કરવા જઈ રહ્યા છે, જેમાં ગોવા અને અલીબાગ પણ ફેવરિટ જગ્યા છે. અમદાવાદથી  આબુ, ઉદયપુર, મુંબઇ માટે જનારા લોકોની સંખ્યા પણ વધારે હોય છે. ટ્રાવેલ્સ દ્વારા એડ્વાન્સ બુકિંગ શરૂ થઈ ગયાં છે. ગોવા માટે ટ્રેનનાં બુકિંગ હાઉસફુલ  છે. અંદાજે ૧ર જેટલી ટ્રેન ગોવા જવા માટે મળે  છે, જે રપ તારીખ અગાઉથી જ બુકિંગ ફુલ બતાવે છે. મુંબઇ-પુણે રોડ ઉપર આવેલું અલીબાગ નવા ડેસ્ટિનેશન તરીકે ઉભરી રહ્યું છે. લોનાવાલાના બદલે લોકો અલીબાગ જવાનું વધુ પસંદ કરે છે. 

 ગોવાની ક્રિસમસ ઉજવણીનો માહોલ અલગ પ્રકારનો રહે છે

અંદાજે મુંબઇથી ૬૦ કિ.મી. દૂર આવેલું આ સ્થળ સુંદર દરિયાના પગલે લોકપ્રિય છે. ત્યાં ભાડે મળતા બંગલા અને વિલા ઓનલાઇન બુક થઈ રહ્યાં  છે. હાલમાં ક્રિસમસ સમયે ફ્લાઇટ ફેર રાઉન્ડ ‌ટ્રીપ અમદાવાદથી ગોવા માટે રૂ. ૪૦ હજાર સુધી પહોંચ્યું છે, જે હજુ વધવાની શક્યતા છે, જોકે ગોવાની ક્રિસમસ ઉજવણીનો માહોલ અલગ પ્રકારનો રહે છે. તેથી  ગોવા 'હોટ ડેસ્ટિનેશન' છે.